Strandapósturinn - 02.01.2008, Blaðsíða 45
45
smiðju, og Áki Jakobsson, laganemi, var ritstjóri. Blaðið var í
Hafnarstræti 18, uppi, og ég bæði vann við það og bjó þarna vet-
urinn 1932–1933. Þá var ég í 5. bekk í Menntaskólanum. Hall-
grímur kom svo til daglega. Hann skrifaði greinar í Rauða fánann.
Hallgrímur tók svo við af Áka sem ritstjóri. Við Hallgrímur vorum
báðir í Hafnarsellunni, og sellan gaf út Hafnarblaðið. Matsala var í
þessu húsi, við borðuðum þar. Badda og Dísa, Bjarnheiður og
Þórdís Brynjólfsdætur, voru með matstofuna, systur frá Flauta-
gerði á Stöðvarfirði, og þær bjuggu líka í húsinu og eiginmaður
Bjarnheiðar, Magnús Guðmundsson, verkamaður. Aðrir í fæði í
Hafnarstræti 18 voru Einar Þorkelsson, bróðir Jóns forna, þá orð-
inn gamall maður, fyrrv. skrifstofustjóri Alþingis, og hann bjó þar.
Jens Figved og Hjalti Árnason komu þarna, þeir unnu hjá Nafta,
benzínafgreiðslunni í Geirsgötu. Ekki man ég eftir Haraldi Sig-
urðssyni á þessum stað, Haraldi R. eins og við kölluðum hann,
Hafnarstræti 18 í Reykjavík. Hér var Rauða fánanum og Hafnarblaðinu ritstýrt vet-
urinn 1932–33, og bjó þá Eymundur Magnússon í húsinu. Í Hafnarstræti 18 var á
þessum árum matsala systranna Bjarnheiðar og Þórdísar frá Flautagerði. Á 19. öld
voru reknar verzlanir í þessu húsi, þekktust var Nýhöfn undir lok aldarinnar, en
áður var þar Smithbúð. Upphaflega voru þetta tvö hús, fiskhús frá Keflavík, sem
Christian Adolph Jacobæus setti þarna niður, hið fyrra árið 1795, og hóf að verzla í.
Að stofni til er Hafnarstræti 18 því á meðal elstu húsa í Reykjavík.