Strandapósturinn - 02.01.2008, Page 94

94
ir 10 kýreigendur. Nöfn stofnenda eru skráð á öftustu síðu frum-
varpsfyrirmyndarinnar og vísast til þess. Á fundinum var samþykkt
að Nautgriparæktarfélag Árneshrepps skyldi stofnað með þessum
10 félagsmönnum. Fyrirmynd að lögum um nautgriparæktarfélög
var samþykkt sem lög félagsins (Sérprentun úr Búnaðarritinu
XLIII árgang). Í stjórn voru kosnir Guðmundur P. Valgeirsson
Bæ, formaður og meðstjórnendur Guðmundur P. Guðmunds-
son, Melum og Gísli Guðlaugsson, Steinstúni. Staðfest voru kaup
á nautinu Gretti frá Steinstúni og það þá orðið eign félagsins.
Kaupverð þess var kr. 400.00. Ákveðið var að nautstollar skyldu
vera kr. 10.00 á hverja kú sem haldið yrði undir nautið. Í fund-
argerðinni segir svo: „Verði reksturshalli á nautahaldinu skal hon-
um jafnað niður á félagsmenn í hlutfalli við kúaeign þeirra.“
Fleira var ekki tekið fyrir á þessum fundi og fundi því slitið.
Þar með var Nautgriparæktarfélag Árneshrepps stofnað, sam-
kvæmt áðurgreindum lögum. Bar því stjórn þess þar með skylda
til að sjá um nautahald í hreppnum.
Tvær gamlar sögur
Í dag kom Ingimundur gamli Grímsson í heimsókn til mín.
Mér þótti vænt um komu hans því hann er margfróður og segir
skilmerkilega frá ýmsu frá fyrri tíð. Tal okkar barst m.a. að drauga-
trú og dulrænum efnum. Hvorugur okkar er draugatrúar en vild-
um þó ekki synja fyrir að margt hefði og gæti skeð sem ýtt hefði
undir draugatrú fyrri tíðar. Í því sambandi sagði hann mér tvær
sögur. Þær eru eitthvað á þessa leið:
Móri
Þegar ég var í Reykjarfirði var Guðmundur Ólason í Kjós. Kom
hann stundum til Reykjarfjarðar. Það brást varla að ég sæi ekki
koma á undan honum strákling. Venjulega sá ég hann koma á
leitið fyrir utan Reykjarfjörð og labba göturnar inn í Krókinn og
hverfa í sandbökkunum fyrir utan túnið. Bar það að nokkuð jafn-
snemma að stráksi hvarf í sandbökkunum og sást til Guðmundar
úti undir Kvíaklettunum. Sjaldan sáu þetta aðrir en ég, en fyrir