Strandapósturinn - 01.06.2012, Side 13

13
Hinn 9. janúar komu félagar í Kór Átthagafélags Strandamanna
saman til fyrstu æfingar ársins þar sem línurnar voru lagðar í
samræmi við verkefnin fram undan. Sunnudaginn 13. febrúar
söng kórinn við messu í Dómkirkjunni sem séra Hjálmar Jónsson
tileinkaði Strandamönnum. Ritningarlestrana lásu Guðrún
Steingrímsdóttir og dótturdóttir hennar, Erla Rós Hrafnsdóttir.
Föstudaginn 29. apríl var kórnum boðið til Samkórs Mýramanna
þar sem hann var að halda upp á sína árlegu uppskeruhátíð í
Lyngbrekku á Mýrum. Að loknum söng var veglegt kaffihlaðborð
og síðan dansað fram eftir nóttu.
Að venju söng kórinn á kaffidegi Átthagafélags Strandamanna
sem haldinn var að Hall veigarstöðum sunnudaginn 8. maí.
Vortónleikarnir voru haldnir sunnudaginn 15. maí í
Árbæjarkirkju. Þar léku m.a. fjórhent saman á píanó Krisztina
Szklenár kórstjóri og Kitty Kovácz sem einnig lék undir söng kórs-
ins.
Föstudaginn 3. júní lagði kórinn, ásamt mökum sem áttu
heimangengt, í sína árlegu vor ferð sem að þessu sinni hafði verið
skipulögð til að heimsækja Strandirnar. Lagt var af stað í
blíðskaparveðri sem leið liggur norður til Hólmavíkur þar sem
haldnir voru tónleikar kl. 20 það sama kvöld í Hólmavíkurkirkju.
Tónleikarnir voru vel sóttir af heimamönnum og að þeim loknum
var öllum boðið upp á kaffi og pönnukökur bæði með rjóma og
sykri og óhætt er að fullyrða að þær runnu ljúflega niður í maga
Haukur Guðjónsson
Starf Kórs
Átthagafélags
Strandamanna
árið 2011