Strandapósturinn - 01.06.2012, Qupperneq 95

95
sem byggt var þangað til í fyrra og er aðeins metið 80 álnir.239
Tilheyrir Hrafnseyrarkirkju. Töluvert grösugt er í hlíðunum
norðan við dalinn. Jökull gengur niður í dalbotninn svo sem í
miðja botnhlíðina en ei hægt að sjá meira fyrir þoku.
Héldum við svo upp á Svart[a]skarðsheiði. Eru það urðarhjallar
upp að fara nokkuð grasi vaxnir en svo kemur snjór, skafl við
skafl, og var víða ófærð en ei mjög bratt. Heiðin er mjög há. Í efsta
skarðinu240 var stóreflis snjóskafl niður að norðanverðu en örmjótt
er uppi. Á þessum bratta skafli veltust hestarnir, sumir nærri um
hrygg, í ófærðinni við umbrotin. Miklu brattara hér megin. Sást
úr skarðinu ofan í Furufjörð í þokunni, djúpt niðri eru há fjöllin
svo það leit út eins og maður ætli að steypast niður til helvítis en
er neðar kom breyttist: dal urinn er fagur, breiður og sá grösugasti
sem eg hefi séð hér um Hornstrandir, engjar og graseyrar miklar.
Furufjörður talin ágæt jörð og er þar margbýli. Skorarheiði241
gengur upp úr dalnum lág og eru stundum á vetrum dregin yfir
hana skip á sleðum. Jökull gengur hér niður sunnanvert í
brúnirnar við dalbotn inn, sá hann varla fyrir þoku, þó ei lengra
niður en svarar hæð Skorarheiðar. Nokkuð vatn í ánni242 og
skolalitt af jökli. – Hér eru óvíða til hnakkar eða söðl ar og lítið
ferðast á landi.
Kom inn á einn bæinn í Furufirði og skrifaði Skúla243 bréf. Kom
inn í her bergi undir lofti, þar mjög rótarlegt, sat á meis við borðið,
á því kirnur og skál ar, í glugga skítugir smokkar, ólar, snæri,
flöskur brotnar, toglagðar, bjarg fuglsegg; grútarlampi hangir við
grænn af myglu, rúm fjarska skítug og full baktería við. Ullarmeisar,
tunnuskrifli og svo framvegis. Ólykt mikil. Glugga rúður brotnar
og samskeyttar, grænar af ölgum244 og vex arfi245 fyrir utan.
Moldargólf með djúpum forargryfjum, í glugga forugir vettlingar
239 Getur varla verið því jörðin var metin 6 hundruð þegar Jarðabók Árna Magnús-
sonar og Bjarna Pálssonar var tekin saman skömmu eftir sautján hundruð.
240 Svartaskarð.
241 Skorarheiði er milli Furufjarðar og Hrafnfjarðar.
242 Furufjarðarós.
243 Líklega á Þorvaldur hér við Skúla bróður sinn.
244 Þörungum.
245 Vera má að hér eigi Þorvaldur við skarfakál en það var fyrrum oft nefnt arfi á
Ströndum, sbr. Arfhilla í Hælavíkurbjargi.