Strandapósturinn - 01.06.2012, Page 115

115
Kom að Skriðnesenni353 og hitti þar Jón gamla Bjarnason frá
Ólafsdal. Hann er nú áttræður og blindur. Hann var hinn fyrsti er
byggði nátthaga hér vestra í Ólafsdal og þaðan hafa þeir breiðst
út um allt. – Riðum við inn með Bitrunni. Þar eru sums staðar
menjar eftir hafningu lands (malarkambar), til dæmis fyrir utan
Óspakseyri. Töluvert graslendi í Bitrubotni þar sem dalirnir354
koma saman. Riðum svo út með í hlíðinni hátt355 nokkuð uppi,
önnur gata við sjóinn, heldur tæpar götur og slitróttar. Svo út fyrir
Guðlaugshöfða, þar er ný búið að gera veg en hætt að fara hálsinn.
Framan við Guðlaugshöfða klungur, þverhníptir klettar, gangar
etc. Alltaf moldþoka þenna dag. Komum um kvöld ið að
Skálholtsvík, vorum þar um nóttina.
7. september. Langt uppi á Víkur- (Skálholtsvíkur-)dal fannst í
moldarbarði hvalbein ca. ¼ mílu frá sjó eða meir. Þar við ána,356
er rennur hjá Skálholtsvík urbænum, háir og miklir terrassar á
báða bóga en dalurinn sýnist miklu lægri fyrir ofan. – Fór þaðan
kl. ca. 12 suður með Hrútafirði. Alltaf kafþoka svo ekk ert sást
lengi framan af, eintóm fell, smáhálsar etc., seinna virðist sléttara
suður með firðinum. Komum að Prestsbakka. Stóð við tvo tíma,
hitti séra Pál og Theodór bróðir hans357 sem riðu með mér að
Bæ og þar var eg um nóttina.
8. september. Terrassamyndanir eru hér víða fram með
Hrútafirði og allhátt og langt frá sjó hafa fundist rekadrumbar,
oft undir þykku jarðlagi eða möl. Eg var í Bæ til kl. 3 um daginn
og fór svo. Fylgdu sýslumaður358 og Eiríkur359 sonur hans mér að
353 Þetta bæjarnafn er og hefur verið með ýmsu móti, t.d. Skriðnesenni, Skriðins-
enni, Skriðnis enni. – Jón Bjarnason (1807–1892), bóndi í Ólafsdal 1854–1871 og
á Óspakseyri 1871–1878. Hann dó á Skriðnesenni. Jón var þingmaður Dalamanna
1865–1867. (Jón Guðnason (1955), bls. 153.)
354 Norðdalur og Brunngilsdalur (Þrúðardalur).
355 Hlíðin heitir Slitrahlíð en alfaravegur var niður í fjörunni og var þá farið um
Þórustaðaslitur eða Slitur.
356 Víkurá.
357 Páll Ólafsson, prestur á Prestsbakka 1880–1901. Theodór Ólafsson, verslunar-
maður á Borð eyri 1880 til um 1890. (Jón Guðnason (1955), bls. 93–95 og 32.)
358 Sigurður E. Sverrisson, sýslumaður í Strandasýslu 1864–1899. Bjó í Bæ frá 1869–
1899. (Jón Guðnason (1955), bls. 71.)
359 Eiríkur Sverrisson, var settur sýslumaður í Strandasýslu hluta úr ári 1899 (Jón
Guðnason (1955), bls. 71–72).