Litli Bergþór - 01.06.2022, Blaðsíða 32

32 Litli-Bergþór
Pistill frá íþróttadeild Umf. Bisk.
Árið 2021 var viðburðaríkt í íþróttastarfi hjá Umf.
Bisk. Þótt covid-19 hafi verið að naga okkur
fyrir áramót og aðeins fram yfir áramót þá
héldum við okkar striki og tækluðum þetta með sóma.
Lítið brottfall hefur verið úr starfinu okkar þrátt fyrir
veiruna sem er fagnaðarfefni.
Í vetur höfum verið verið með þekkt andlit innan
veggja íþróttahúsins sem er alltaf frábært fyrir börnin.
Sólmundur Magnús Sigurðarson hefur stýrt fót-
boltaæfingum með aðstoð frá Ingva Rafni Óskarsyni.
Fótbolti hefur alltaf verið mjög vinsæll hjá okkur og
mikið af krökkum hafa verið að æfa. Samstarf við
ÍBU hefur gengið vel. Þjálfararnir þar hafa verið að
fara með sameiginleg uppsveitalið á mót, þar sem
krakkar frá Borg í Grímsnesi, Laugarvatni, Reykholti,
Laugarási, Flúðum, Árnesi og Brautarholti hafa komið
saman og spilað undir formerkjum ÍBU.
Anna Greta Ólafsdóttir hefur haldið áfram með
fimleikana og gert það með sóma, krakkarnir hafa sýnt
mikinn áhuga enda mikill fjöldi að æfa fimleika.
Árni Þór Hilmarsson hefur verið með körfubolta
æfingar sem hafa byrjað af krafti og vakið mikinn
áhuga hjá krökkunum.
Styrktarþjálfun var fyrir áramót en Sölvi Freyr
Freydísarson var með þær æfingar. Hann þurfti þó að
hætta eftir áramót vegna viðveru í skóla og vinnu á
Selfossi.
Það hafa verið breytingar hjá stjórn íþróttadeildar,
Gústaf Sæland hefur tekið við gjaldkerastöðu af Ásu
Sigrúnu Sigurðardóttir á meðan Sólmundur Magnús
hefur tekið við stöðu formanns. Þá hefur Ingvi Rafn
Óskarsson tekið við stöðu ritara.
Við hjá Íþróttadeildinni hvetjum krakkana til að
vera dugleg að æfa og prófa nýjar íþróttir á næstu
árum og stunda æfingar.
Fyrir hönd íþróttadeildar Umf.Bisk.
Gústaf Sæland.
Síðustu misseri hafa heldur betur verið viðburðarík
hjá okkar ört vaxandi félagi. Hægt er að segja að
félagið sé enn að upplifa vaxtaverki líkt og síðasta
ár, að hluta til vegna þess hve geyst við förum í hlutina
í okkar starfi og oftar en ekki látum við verkin tala
fremur en lagabókstafi, hefðir, venjur og almenna
skynsemi. Við rekumst oft á ný vandamál sem þarf
að leysa og læra af en við erum að ná í afturendann á
okkur hvað varðar formsatriði og er félagið smátt og
smátt að taka á sig endanlega mynd.
Fyrsti aðalfundur félagsins var haldinn 8. mars
2022 í Aratungu. Mættir voru 15 manns og þar voru
samþykktar ýmsar lagabreytingar, aðaldeild og
knattspyrnudeild stofnaðar og innan knattspyrnudeildar
voru stofnuð meistaraflokksráð og yngri flokkaráð.
Í aðaldeild voru kjörnir Sólmundur Magnús
Sigurðarson formaður, Matthías Bjarnason gjaldkeri
og Nói Mar Jónsson ritari.
Formaður meistaraflokksráðs er Gísli Þór
Brynjarsson og formaður yngri flokkaráðs Gústaf
Sæland.
Keppnisárið 2021 gekk afar vel og tefldum við fram
liðum á Íslandsmóti, í meistaraflokki og í 5. flokki.
Tímabilið fór hægt af stað hjá meistaraflokknum. Liðið
tapaði 4-0 fyrir Ægi Þorlákshöfn í Mjólkurbikarnum
og tapaði fyrstu tveimur leikjunum í 4. deild, 2-0
fyrir Hamri Hveragerði og 6-0 fyrir KH Hlíðarenda.
Þegar tímabilið var hálfnað hafði liðið safnað 5
stigum í 7 leikjum. Þá var blásið í herlúðra! Æfingar
urðu stífari, liðsandinn fór að rísa og það fjölgaði í
áhorfendabrekkunni á X-Mist vellinum á Flúðum,
liðið var klárt í seinni umferð móts. Hamarsmenn
í Hveragerði mættu á X-Mist völlinn í 8. umferð.
Brekkan var troðfull og andrúmsloftið spennuþrungið
utan vallar sem innan. Baráttan á vellinum var svo
hörð að bæði lið kláruðu leikinn manni færri eftir rauð
spjöld. Bæði lið náðu að koma boltanum í netið en
þar við sat, 1-1 lokatölur. Eftir fylgdu tveir grátlegir
tapleikir á X-Mist vellinum, 1-2 gegn KH og óvænt
2-3 gegn Knattspyrnufélagi Bessastaða. Svo fór liðið
í sigurhrinu! 2-0 útisigur gegn SR, svo 2 heimasigrar
gegn Smára og Skallagrími og tímabilinu var svo
lokið á X-Mist vellinum síðla ágústmánaðar gegn
Stokkseyri. 1-1 urðu lokatölur.
Liðið endaði í 4. sæti með 16 stig en árið áður
var liðið í 7. Sæti með 10 stig. Bæting er alltaf góð
þó markmiðið hefði verið hærra í upphafi tímabils.
Markahæstur var Pétur Geir Ómarsson með 9 mörk
og á lokahófi var Víkingur Freyr Erlingsson valinn
mikilvægasti leikmaðurinn.
Pistill frá ÍBU - Íþróttafélagi uppsveita