Litli Bergþór - 01.06.2022, Page 38

hann eitthvað. Einnig mættu blaðamaður Tímans og
Gunnar V. Andrésson ljósmyndari á staðinn og tók
Gunnar myndirnar sem hér fylgja og hafa þær aldrei
verið birtar áður, svo vitað sé. Myndirnar koma frá
Ljósmyndasafni Reykjavíkur.
Nokkrar umræður urðu um hugsanlegt nafn á
hellinum og varð nafnið Halur fyrir valinu. Orðið
Halur merkir maður og er venjulegast notað í skálda-
máli. Áður fyrr var orðið notað um frjálsan mann eða
jafnvel hetju.
Samkvæmt Gísla Sigurðssyni er Halur lítið hruninn
en hann sé án dropsteina og því ekki eins merkileg
náttúrusmíð og Jörundur. Ómar minnst þess að hafa
séð mikið af dropsteinum og hraunstráum þegar hann
seig niður á botn hellisins en hvað orðið hefur af þeim
er spurning sem líklega fæst ekki svar við. Hellirinn
Halur er ómerktur, eins og svo margir aðrir hellar, og
því erfitt að finna hann í því víðáttumikla hrauni sem
Lambahraun er.
Sigurlaug Angantýsdóttir
38 Litli-Bergþór
Heimildir:
,,Að hefta uppblástur og stuðla að landgræðslu.“ 1977.
Tíminn, 11. september.
https://timarit.is/page/3897635?iabr=on#page/n9/mode/2up/
search/Halur%20%C3%AD%20Lambahrauni%2C%20
s%C3%B3tt%208.%20mars%202022)
Björn Hróarsson. 1991. Hraunhellar á Íslandi. Mál og
menning, Reykjavík.
Gísli Sigurðsson. 1998. Fjallajarðir og Framafréttur
Biskupstungna. Ferðafélag Íslands. Prentsmiðjan Oddi,
Reykjavík
Gísli Sverrisson. Gengið frá Hagavatni að Úthlíð. http://
gardshorn.com/dropi/node/37.
Jörundur. Stjórnunar- og verndaráætlun 2020-2029.
september2020. Umhverfisstofnun
https://ust.is/library/Skrar/Einstaklingar/Fridlyst-
svaedi/Jorundur/stj%c3%b3rnunar-%20og%20
verndar%c3%a1%c3%a6tlun%20J%c3%b6rundur%202020-
2029.pdf
Jörundur í Lambahrauni. Friðlýst svæði. Umhverfisstofnun
https://ust.is/nattura/natturuverndarsvaedi/fridlyst-svaedi/
sudurland/jorundur-i-lambahrauni/
Ómar Sævarsson. 2022. Viðtal höfundar við Ómar Sævarsson.
Á meðfylgjandi ljósmynd má sjá Örlyg Kristfinnsson og Skúla Thoroddsen, með Soffíu - nýsmíðaðan súðbyrðing Síldarminjasafnsins, -
á leið til fyrstu sjósetningar á Siglufirði árið 2009.
Í grein minni um Bátasmíðar í Biskupstungum, í vorblaði Litla-Bergþórs 2020, lét ég fylgja með mynd af dæmigerðum súðbyrðingi.
Myndina tók ég úr frétt um tilnefningu súðbyrðingsins til heimsminjaskrár Unesco árið 2020, en þar kom ekki fram hverjir voru
á myndinni né hvar hún var tekin. Nú hef ég fengið upplýsingar um hvort tveggja, en þær komu fram í fréttapistli á heimasíðu
Síldarminjasafnsins á Siglufirði það ár. Birti ég því myndina aftur með þeim upplýsingum. Því miður kemur þó ekki fram hver
ljósmyndarinn er. G.S.
Leiðrétting á myndatexta sem fylgja átti grein um bátasmíðar
í Biskupstungum í vorblaðinu 2020