Litli Bergþór - 01.06.2022, Page 66

Frá árinu 2018 hefur leikskólinn Álfaborg verið í
sambandi við háskólann Artevelde í Gent í Belgíu
og á hverju ári hafa komið nemar frá háskólanum
í vettvangsnám í Álfaborg. Það var svo síðasta
vetrardag sem starfsfólk leikskólans Álfaborgar lagði
af stað í námsferð til Gent. Við flugum til Amsterdam
og lentum þar í sól og blíðu þar sem rúta beið eftir
okkur og keyrði okkur á áfangastað. Gent er höfuðborg
héraðsins Austur-Flæmingjalands, með 263.703 íbúa.
Markmið námsferðarinnar var fyrst og fremst að
heimsækja leikskóla og fá innsýn í leikskólastarfið
sem fer fram í þessu fjölmenningarsamfélagi.
Árið 2019 notuðu börnin í Gent 162 mismunandi
tungumál. Leikskólinn Álfaborg hefur verið með hátt
hlutfall af börnum af erlendum uppruna í nokkur ár
og því erum við alltaf að reyna að bæta og uppfæra
stefnuna okkar. Af þeim sökum er lærdómsríkt að
kynnast starfi leikskóla eins og þeirra í Gent
Annað markmið var að efla samstarf okkar við
háskólann og kynnast því námi og starfi sem þar fer
fram. Námsferðin var einnig hugsuð sem hópefli fyrir
starfsmannahópinn og efla þannig góðan starfsanda á
sameiginlegum grundvelli.
Fimmtudagurinn og föstudagurinn voru vel
skipulagðir frá morgni til kvölds. Háskólinn hafði
skipulagt heimsóknir í þrjá leikskóla fyrir starfsfólk
Álfaborgar og auk þess bauð háskólinn upp á
kynningu á starfi sínu og fræðslu um kennaranám í
Belgíu. Einnig fengum við fræðslu um hvernig skólar
starfa í Belgíu.
Við heimsóttum skóla skammt frá háskólanum
sem heitir Dokata og er fyrir tveggja- og hálfs árs
til tólf ára börn. Við skólann starfa 68 starfsmenn og
sinna 410 nemendum af 21 þjóðerni og þar eru töluð
33 tungumál. Við byrjuðum á því að fá fræðslu um
skólann sem leggur áherslu á samskipti, gagnrýna
hugsun og félagsfærni. Við skoðuðum skólann og
litum inn í kennslustofur og sáum hvernig kennslan
fór fram.
Á öðrum degi byrjuðum við daginn á að skoða
ungbarnaleikskólann Tierlantuin. Tierlantuin er stað-
settur í þéttsetnu hverfi í Rabot. Þar búa mörg þjóðerni
saman og eru fjölskyldusamsetningar af öllu tagi, allt
frá viðkvæmum, brotnum fjölskyldum, til stórra og
fátækra.
Tierlantuin er þriggja deilda leikskóli með pláss fyrir
53 börn á aldrinum þriggja mánaða til tveggja og hálfs
árs og starfa tveir starfsmenn á hverri deild. Engrar
menntunar er krafist til að starfa á ungbarnaleikskólum.
Þau börn sem voru farin að ganga voru úti að leika
sér en gátu líka gengið á milli deilda að vild. Þarna
var fallegt útisvæði með ýmsum heimatilbúnum
leiktækjum. Mikil áhersla er lögð á foreldrasamstarfið
og þeir foreldrar sem eru nýir fá, ásamt börnunum,
aðlögunartíma á dagvistinni. Kennararnir í dagvistinni
sýna svefn,- matar- og huggunarvenjum barnanna
skilning og virðingu.
Síðan lá leið okkar til Sint-Salvator og Klim sem
er skóli fyrir börn frá tveggja og hálfs árs til tólf ára.
Í skólanum eru u.þ.b. 600 börn og eru töluð um 30
tungumál, mikil áhersla er lögð á fjölmenningu,
tungumálakennslu og samstarf við foreldra. Kennarinn
sinnir bæði kennslu, barnavernd og aðstoðar foreldra
við ýmis mál.
Það var mjög áhugavert að fara í þessar skóla-
heimsóknir og lærdómsríkt að fá að fylgjast svona
Námsferð til Gent
í Belgíu
Hádegismatur í háskólanum með starfsfólki:
Á borði lengra frá Eyrún Ósk Egilsdóttir, Lucie Jírová, Sigríður Ósk Beck
Víkingsdóttir, Gréta Gísladóttir og Lovísa Tinna Magnúsdóttir,
Á borði nær Guðbjörg Gunnarsdóttir, Bieki Vonobnal, Philip O’neill,
Erla Jóhannsdóttir, Lieselot Michele Maria Simoen og starfsmaður
háskólans.
66 Litli-Bergþór