Vaka : tímarit um þjóðfélags- og menningarmál - 01.03.1938, Page 18

VAKA /. árgangur . 1. ársfjórðungur
Nú vopnast sem óðast hin voldugu lönd
og vígbúa miljónaher.
Hver flugvél er mönnuð og flotinn við strönd
til framrásar skipaður er.
Af hernaðaranda frá einrœðisþjóðum
er Evrópa titrandi sem á glóðum.
En Norðurlönd hvíla við útnorðurs ál
sem óskanna draumljúfa strönd.
Þar tengir nú bróðernið sálir við sál,
og samvinnan blessar þau lönd.
Og lýðræðið stendur þar föstum fótum,
og fólkið er mannað að hjartarótum.
Svo hlusta þú, ísland, á hafborinn þyt,
sem hingað með loftbylgjum fer.
Gjör andvígt þitt fólk hverjum einrœðislit,
en ástbundið frelsinu og þér.
Og láttu svo nafn þitt til liðsinnis standa
í lýðræðismenningu Norðurlanda.
Sept. 1938.
Guðmundur Ingi.
---------------------------------------------------Karlmenn
Að ýmsu leyti er betra að eiga karlmann að vini en konu. Þeir eru yfir-
leitt trygglyndari og kunna flestir vel að varðveita leyndarmál. — Annars
minna karlmenn mest á skemmtilega skáldsögu, sem heldur athyglinni
fanginni meðan verið er að lesa hana, en er lokuð inni í skáp að lestrinum
loknum. H.
Eigingirnin er sterkasti eðlisþátturinn í skapgerð karlmannsins. AT.
Það er erfitt að skilja karlmennina. Þess vegna ættu konur að sýna
þeim mjög takmarkað traust. I.
Oft volkar vondur maður væna konu. íslenzkur málsháttur.
12