Úrval - 01.02.1956, Qupperneq 103

GRETA GARBO
101
þess lifði hún sparlega. Tuttugu og
sex ára gömul var hún komin i tölu
milljónara.
Það fór ekki dult, að Greta var
orðin leið á að leika í amerískum
kvikmyndum. Menn veltu því fyrir
sér, hvað hún myndi gera nú, þegar
hún var orðin fjárhagslega sjálfstæð
og ekki bundin neinum samningi.
Myndi hún halda áfram að leika eða
draga sig í hlé? Það var spurningin.
Tveim dögum áður en samningur-
inn var útrunninn, tilkynnti umboðs-
maður Gretu, að hún hyggðist flytja
frá Hollywood og setjast að í Sví-
þjóð um óákveðinn tíma. M-G-M
gaf Gretu ferðatösku að skilnaði.
Hún lét ekkert uppi um áform sín.
Greta dvaldi í Svíþjóð í átta mán-
uði. Hún hvíldist vel þennan tíma,
þ'vl að hún gat verið í friði og lifað
lífinu eftir eigin höfði.
Áður en hún kom til Svíþjóðar,
hafði hún lesið ævisögu Kristínar
Svíadrottningar og orðið mjög hrifin
af henni. Þessi sænska drottning, sem
var uppi á seytjándu öld, var all-
sérvitur, og eitt af uppátækjum henn-
ar var að ganga í karlmannsfötum.
1 marz 1933 tilkynnti Greta M-G-M,
að hún myndi gera nýjan samning
við félagið með því skilyrði, að hún
fengi að leika Kristínu Svíadrottn-
ingu í kvikmynd. M-G-M féllst strax
á þetta. Ennfremur gekk félagið að
tveim öðrum skilyrðum: að Greta
léki aðeins í tveim myndum á ári
og fengi 250 þús. dollara fyrir hvora
mynd.
Greta kom Hollywood mjög á
óvart með því að velja John Gilbert
i hlutverk elskhugans í Kristínu Svía-
drottningu. Það var almælt, að hún
hefði valið Gilbert til þess að auka
gengi hans, en frægð hans var mjög'
tekin að dvína. Enda þótt hann væri
glæsilegur á velli, var rödd hans
ekki að sama skapi karlmannleg og'
stóð hann því illa að vígi þegar tal-
myndirnar komu til sögunnar. Kvik-
myndafrægðin hefur löngum verið
hverful, en sennilega hefur enginn
frægur leikari hrapað eins fljótt.
og John Gilbert.
Enda þótt Greta kunni að hafa
valið Gilbert sem mótleikara sinn
til þess að hjálpa honum, var hann
samt sem áður mjög heppilegur i