Orð og tunga - 2023, Page 9

viii Orð og tunga
Í heftinu eru að auki tvær ritrýndar greinar sem falla utan við
blótsyrðaþemað. Í fyrri greininni segja Rósa Elín Davíðsdóttir og
Þórdís Úlfarsdóttir frá Lexíu sem er íslensk­frönsk orðabók sem bygg ir
á sama gagnagrunni og ISLEX­orðabókin velþekkta sem hefur fest sig
í sessi sem ein mest notaða íslenska veforðabókin. Lexía er spennandi
verkefni sem vonandi mun vaxa og dafna og stendur til að bæta þar
við þýsku og ef til vill spænsku er fram líða stundir. Síðari greinin er
umfjöllun Ágústu Þorbergsdóttur og Guðrúnar Kvaran um íslensku
mannanafnaskrána og nafngjafir á Íslandi. Þar er þeirri spurningu
velt upp hvort nafnalög endurspegli kröfur samfélagsins eða hvort
og að hvaða marki nafnhefðir í samfélaginu mótist af löggjöfinni.
Í heftinu er einnig að finna tvær óritrýndar smágreinar. Í fyrri
greininni hefur Svavar Sigmundsson tekið saman lista yfir íslensk
örnefni sem tengjast blótsyrðum. Í seinni greininni reifa svo Ágústa
Þorbergsdóttir og Guðrún Kvaran kveikjurnar að nýjum nöfnum á
mannanafnaskrá.
Eins og venja hefur verið undanfarin ár er svo undir liðnum
Málfregnir fjallað um ýmislegt varðandi íslenskt mál sem þykir frétt­
næmt. Í þessu hefti er fyrst fjallað um Samtalsorðabók, nýja orðabók
sem unnið er að hjá Stofnun Árna Magnús sonar í íslenskum fræð­
um. Einnig fjalla Ármann Jakobsson og Guðrún Kvaran um störf
götunafnanefndar á árunum 2001–2022. Að lokum er einn ritdómur
í þessu hefti, umfjöllun um bókina Á sporbaug – nýyrði Jónasar Hall­
grímssonar eftir Önnu Sigríði Þráinsdóttur og Elínu Elísabetu Einars­
dóttur.
Við viljum þakka höfundum greina í 25. hefti Orðs og tungu
fyrir ánægjulegt samstarf. Eins og tíðkast hjá mörgum fræðilegum
tímaritum fylgir Orð og tunga þeirri reglu að ritrýnar njóti nafn­
leyndar. Við getum því ekki nefnt þá með nafni sem tóku að sér að
leggja fræðilegt mat á þær greinar sem bárust en sendum þeim hér
með þakklætiskveðjur fyrir ómetanlegt framlag. Þá þökkum við þeim
sem sitja í ráðgefandi ritstjórn tímaritsins fyrir þeirra störf. Bessi
Aðalsteinsson fær bestu þakkir fyrir að annast enn sem fyrr umbrot
og samskipti við prentsmiðju og kápuhönnuð, Emily Lethbridge fyrir
að lesa yfir útdrætti á ensku og Svanhildur María Gunnarsdóttir fyrir
prófarkalestur.
Ellert Þór Jóhannsson og Helga Hilmisdóttir ritstjórar
tunga25.indb 8 08.06.2023 15:47:14