Orð og tunga - 2023, Page 117

108 Orð og tunga
Í þýðingum á notkunardæmum gefst tækifæri til að sýna hvernig
þýða má merkingu laumast með atviksliðnum en cachette eða en douce
‘í laumi’ sem notað er með hreyfingarsögnum á borð við partir ‘fara’,
saman ber Mynd 7.
Sögnin nálgast er þýdd með approcher og afturbeygðu sögninni
s’approcher og hér sýnir franska ritstjórnin dæmigerð frumlög innan
hornklofa með hvorri sögn fyrir sig. Það gefur íslenskum notendum
betri mynd af því hvenær eigi að nota approcher og hvenær aftur­
beygðu myndina s’approcher eins og Mynd 8 sýnir.
Mynd 8. Fyrri merkingarliður sagnarinnar nálgast í Lexíu.
Á Mynd 8 má sjá að ef frumlagið í frönsku er manneskja eða farartæki
þá útheimtir það aðra setningargerð (afturbeygða sögn) en þegar
frumlagið er árstími eða dagsetning þá er notuð germynd.
3.3 Forsetningar
Alls eru 170 forsetningar í Lexíu, þar með taldar fleiryrtar forsetningar
á borð við framan á og austan við. Öllum forsetningum fylgir að minnsta
kosti eitt notkunardæmi sem þýtt er á frönsku. Notkun forsetninga
er atriði sem oft vefst fyrir nemendum í erlendu tungumáli, jafnvel
þeim sem eru lengra komnir og þar gegna orðabækur mikilvægu
hlutverki. Dæmin sýna notkun íslensku forsetninganna og gefa er­
lend um notendum betri hugmynd um hvernig þeir geta svo notað
við komandi forsetningar á íslensku.
Í nokkrum tilvikum þurfti að bæta við fletturnar til að unnt væri
að gera betur grein fyrir ólíkri forsetninganotkun í frönsku fyrir
tunga25.indb 108 08.06.2023 15:47:16