Orð og tunga - 2023, Side 129

120 Orð og tunga
Það má ekki vera þannig að manni geti orðið ami að því að
bera það.
Stúlku má ekki gefa karlmannsnafn né dreng kven manns­
nafn.
Um þetta atriði skrifaði Svavar Sigmundsson: „Okkar sjónarmið var
að þjóðleg nöfn ættu að hafa forgang fram yfir útlend nöfn og að
minnsta kosti ættu nöfn að vera aðlöguð íslensku til þess að fá viður­
kenningu sem íslensk nöfn“ (Svavar Sigmundsson 1995:105).
2.2 Útgáfa og birting mannanafnaskrár
Hagstofa Íslands – Þjóðskrá gaf út fyrstu mannanafnaskrána í október
1991 (Mannanafnanefnd 1991a) og fóru aðeins 1743 nöfn í fyrstu lotu
á skrána, 886 stúlknanöfn og 857 drengjanöfn. Í október 1994 gaf Hag­
stofa Íslands út mannanafnaskrá í annað sinn og voru í skránni 2085
nöfn, 1008 stúlknanöfn og 1077 drengjanöfn þegar frá eru taldar tví­
myndir (ritmyndir) einstakra nafna. Í formála mannanafnanefndar
segir að við endurskoðun skrárinnar hafi hún (1994a:5):
… að sjálfsögðu tekið mið af þeim reglum sem hún fer eftir í
úrskurðum sínum um einstök nöfn. Nokkur nöfn sem voru á
hinni upphaflegu skrá fullnægja ekki reglunum og hafa því
verið tekin út af skránni. Hin eru þó miklu fleiri sem hafa bæst
í skrána. Endurskoðunin byggðist á athugun á þjóðskrá og
ýmsum nafnaskrám og fólst m.a. í rækilegri könnun á hefð
mörg hundruð tökunafna.
Þegar næsta mannanafnaskrá var gefin út í janúar 1997 (Manna­
nafnanefnd 1997) höfðu ný mannanafnalög nr. 45/1996 tekið gildi en
samkvæmt þeim skyldi einnig tekin saman skrá yfir heimil eiginnöfn
og jafnframt heimil millinöfn en millinöfn voru nýmæli í nýju nafna­
lögunum. Frá þessum tíma mátti nálgast mannanafnaskrána á net inu.
Nú er mannanafnaskrá birt á vefsvæðinu island.is og telur um 4300
nöfn.3 Skráin er uppfærð reglulega í samræmi við ákvarðanir manna­
nafnanefndar.
3 https://island.is/leit­i­mannanafnaskra
tunga25.indb 120 08.06.2023 15:47:17