Orð og tunga - 2023, Síða 144

Ágústa Þorbergsdóttir og Guðrún Kvaran: Mannanafnaskrá 135
er skráður með hlutlaust kyn. Það þarf því ekki lengur að sækja um
til mannanafnanefndar ef óskað er eftir því að nota (hefðbundið)
drengjanafn fyrir stúlku eða stúlkunafn fyrir dreng. Mannanafna­
nefnd sam þykkti beiðni um karlmannsnafnið Heiður á mannanafna­
skrá árið 2020 og kemur fram í úrskurðinum (mál 64/2020) að það
hafi eignarfallsmyndina Heiðurs en kvenmannsnafnið Heiður (Heiði,
Heiði, Heiðar) hefur sterka hefð og var á fyrstu mannanafnaskránni
1991. Í þessu tilviki er til samhljóða karlkyns samnafn, heiður, og því
þarf ekki að líta svo á að sótt hafi verið um sérstaka karlkyns útgáfu af
kven mannsnafninu Heiður. Þess má geta að þegar lögin um kyn rænt
sjálf ræði voru samþykkt 2019 tók karlmaður upp hið hefð bundna
kven mannsnafn Sigríður en mannanafnanefnd hefur engin afskipti af
því hvernig nöfn eru beygð.
Þegar þetta er ritað (2022) er mannanafnaskrá skipt upp í eigin­
nöfn stúlkna, eiginnöfn drengja og kynhlutlaus nöfn en síðastnefnda
flokk inn má sjá í Töflu 2.
Kynhlutlaus nöfn Úrskurðarár
Akarn (ef. Akarns) 2022
Alpha (ef. Alpha) 2021
Aró (ef. Arós) 2021
Bjart (ef. Bjarts) 2022
Bryn (ef. Bryns) 2021
Eló (ef. Elós) 2021
Frost (ef. Frosts). 2020
Kaos (ef. Kaoss) 2021
Lauf (ef. Laufs) 2022
Logn (ef. Logns) 2021
Norður (ef. Norðurs) 2022
Ragn (ef. Ragns) 2022
Regn (ef. Regns) 2020
Skylar (ef. Skylars) 2021
Snæ (ef. Snæs) 2021
Snæfrost (ef. Snæfrosts) 2022
Sverð (ef. Sverðs) 2021
Villiblóm (ef. Villiblóms) 2022
Tafla 2: Kynhlutlaus nöfn á mannanafnaskrá og úrskurðarár.
tunga25.indb 135 08.06.2023 15:47:17