Orð og tunga - 2023, Qupperneq 169

160 Orð og tunga
því varðveisluhlutverki eins og önnur gagnasöfn Stofnunar Árna
Magnússonar í íslenskum fræðum sem hingað til hafa einkum snúið
að rituðu máli (t.d. Ritmálssafn Orðabókar Háskólans) eða stað bundnum
orðaforða (t.d. Talmálssafn Orðabókar Háskólans).
Starfsmenn verkefnisins sem lögðu grunn að orðabókinni voru Ása
Bergný Tómasdóttir og Kristín Björg Björnsdóttir, nemar í íslensku og
almennum málvísindum við Háskóla Íslands. Starf þeirra fólst í að
hlusta á upptökur af samtölum, finna áhugaverð orð eða orðasam­
bönd sem einkenna samtöl, klippa hljóðskrárnar til og hreinsa og um­
skrá samtölin. Helga Hilmisdóttir valdi svo úr dæmi, raðaði þeim upp
í eðlilega röð, skrifaði skýringar og setti inn lykilorð. Trausti Dagsson,
verkefnisstjóri í upplýsingatækni við Stofnun Árna Magnússonar í
íslenskum fræðum, bjó til gagnagrunn, skipulagði notendaviðmót og
hannaði vefsíðuna. Þóra Björk Hjartardóttir veitti ráðgjöf og er tengi­
liður verkefnahópsins við nema í íslensku sem öðru máli.
Þótt vefurinn hafi verið opinn almenningi frá 2021 er orðabókin
enn á frumstigi. Enn á eftir að bæta við flettum og fleiri dæmum. Sú
útgáfa sem nú er á vefnum er því eins konar grunnur að orðabók
sem á eftir að taka langan tíma í vinnslu. Nálgast má orðabókina á
vefslóðinni samtalsordabok.arnastofnun.is.
Lykilorð
veforðabók, samtöl, samskiptamálfræði
Keywords
webdictionary, conversation, interactional linguistics
Abstract
In this article, a new webdictionary for pragmatic markers in Icelandic is presented.
Helga Hilmisdóttir
Stofnun Árna Magnússonar í íslenskum fræðum
helga.hilmisdottir@arnastofnun.is
tunga25.indb 160 08.06.2023 15:47:17