Orð og tunga - 2023, Page 175

166 Orð og tunga
til að halda í þetta kerfi bætti starfshópurinn við heitunum Lágaleiti
og Jaðarleiti en það síðarnefnda er í jaðri hverfisins. Þá var bætt við
Vörðuleiti sem þótti passa við Hvassaleiti. Þegar nýtt hverfi varð til á
Hlíðarenda þótti starfshópnum einnig rétt að nota áfram endinguna
­hlíð sem teygir sig víða um borgarlandslagið. Vegna þess að nýja
hverfið er í námunda við Valsvöllinn gamla þótti Valshlíð smekklegt
nafn og þá eðlilegt að bæta við fleiri ránfuglum og til urðu Haukahlíð,
Fálkahlíð, Arnarhlíð og Smyrilshlíð. Raunar var Smyrilsvegur áður til
í Reykjavík en starfshópnum hefur ekki þótt rétt að forðast alfarið
götur með lík nöfn. Þannig voru nöfn ásynja notuð í Brunnahverfi þó
að einstaka götur á Skólavörðuholti hétu líka eftir þeim. Líka hefur
verið byggt við Vogahverfið og þar var reynt að bæta við nöfnum
sem féllu svo vel við þau sem fyrir voru að jafnvel nefndin sjálf myndi
ekki endilega hver hún hafði valið. Meðal nafna sem þar bættust við
voru Kuggavogur, Arkarvogur, Trilluvogur og Drómundarvogur. Allt eru
þetta skipaheiti og hið sama á við um heitin sem áður voru notuð
í Vogahverfinu: Karfavogur, Eikjuvogur, Barðavogur, Drekavogur. Að
sjálfsögðu skipti það bæði okkur og fyrri nafngjafa máli að hverfið
liggur að sjó.
Meðal seinustu verkefna starfshópsins áður en við hurfum úr hon­
um vorið 2022 voru götur í grónum hverfum þar sem alltaf var reynt
að láta nöfnin falla vel að því kerfi sem fyrir var og lýsir því kannski
best hvernig starfshópurinn hefur litið á sig sem þjón tungumáls og
borgarskipulags fremur en að fyrir honum hafi vakað að láta ljós sitt
skína. Í nýju spítalahverfi sunnan við Eiríksgötu og Leifsgötu var lagt
til að bæta við Þjóðhildargötu og Freydísargötu en þau nöfn eru sótt
til konu Eiríks rauða og systur Leifs heppna. Sunnar var ákveðið að
bæta við Hildigunnargötu og Hrafnsgötu sem yrðu kenndar við tvo
sögufræga lækna þjóðveldis­ og Sturlungaaldar: Hildigunni lækni
í Njáls sögu og Hrafn Sveinbjarnarson. Vitaskuld voru nöfnin ekki
síst valin vegna þess að þessar götur verða í spítalahverfi. Aðeins
vestar er von á götum sunnan við Sóleyjargötu og þar stakk nefndin
upp á frekari blóma nöfnum, meðal annars Burknagötu, Fífilsgötu
og Hvannargötu. Í hinu nýja vísindahverfi hafa bæst við Bjargargata
og Torfhildargata en þar eru götur kenndar við háskólamenn og
rithöfunda og þótti verð ugt að bæta þeim Torfhildi Hólm og Björgu
Þorláksson í þann hóp.
Þrjú síðustu verkefni okkar í starfshópnum voru nýjar götur í
Höfða hverfinu, Múlahverfinu og Skerjafirðinum. Eins og áður var
reynt að miða við borgarlandslagið sem fyrir var og bæta Steinhöfða,
tunga25.indb 166 08.06.2023 15:47:17