Goðasteinn - 01.06.1985, Side 43

Til nauta sæmanna var rakinn sægrár litur á kúm en þær voru
ýmsum kostum gæddar umfram aðra nautgripi.
Ekki er úr vegi að geta þess í þætti um Jón krukk og spásagnir
hans að útisetumenn á krossgötum skyldu sitja á gráu kálfsskinni,
hafa exi í hendi og horfa í eggina. Þetta var trú í Færeyjum og ber
heim við það sem Sigurður Þórðarson hinn fróði úr Hornafirði
(1887—1968) sagði mér.
Guðbrandur Vigfússon áleit að Krukksspá væri „gjörð til leiks
og að gamni sínu um 1640 eða skömmu síðar” og byggir á niður-
lagsorðum í handritinu. AM. 409,a 4to: „Þetta til gamans gjört.” Á
þessu leikur þó mikill vafi. Aðeins rækileg rannsókn gæti skorið úr
um það undir hvaða áhrifum Krukksspá er til orðin og raunar geta
upptök hennar orðið áfram á huldu.
Goðaste'mn
41