Goðasteinn - 01.06.1985, Blaðsíða 49

Vísa um Svínadal
Svínadalnum segi ég frá,
seggir búa þar fjórir á.
Bauluvöllinn bragnar slá,
brúðurin rakar þura ljá.
Sama handrit og heimild. Vísan er áður prentuð í safnritinu
Blöndu í nokkuð annarri gerð og eins og dr. Jón Þorkelsson lærði
hana í Skaftártungu. Vísan er vart yngri en frá 1720.
Vísur Benedikts skálda
Einu sinni gisti Benedikt í Loftsstaðahjáleigu í Mýrdal og átti
vonda nótt, lá á fjósapallinum og hafði ask undir höfðinu. Bóndinn
hét Einar. Kom hann um morguninn inn til Benedikts með sauðar-
síðu í hendinni og segir: „Þú færð nú ekkert af þessu, lagsmaður!’
Um það orti Benedikt þessa vísu:
Einar maður er að sjá
alúðlegur geðs um byng,
en að gista honum hjá
held ég stóra svívirðing.
Einar í Þórisholti flutti ekki föður sinn þá hann bað hann þess,
gamall:
Einari gengur allt í hag,
engan fær hann baga,
fyrst hann ekki flutti í dag
föður sinn háaldraða.
Um engjaverk orti Benedikt:
Digna föt á drengjunum,
dirfist ég að segja,
aldeilis á engjunum
ætlar hún Veiga að deyja.
Goðasteinn
47