Goðasteinn - 01.06.1985, Page 73

Reiðakúla og reiðalauf.
Ljósm: Ole Wich.
Mánudaginn 13. júlí 1981 fékk byggðasafnið í Skógum dýrmætan
safnauka, húsgögn í eitt herbergi og minjagripi ýmsa úr búi Gísla
Sveinssonar sýslumanns í Vík og síðar sendiherra og konu hans,
Guðrúnar Einarsdóttur gjöf frá börnum þeirra og niðjum. Minnist
ég enn þeirrar gleðistundar er sá fengur var færður á safnhlað i
Skógum.
Óvæntasti hluturinn í þessari safngjöf var látúnsbúinn söðul-
reiði, greinilega ekki yngri en frá miðri 19. öld, ungur fulltrúi
aldagamallar reiðtygjamenningar og stóð vel fyrir sínu. Börn Gísla
Sveinssonar vissu ekkert um reiðann eða sögu hans, enda hafði
hann aldrei verið uppi við á heimilinu. Beinast virtist liggja fyrir að
hér væri Grafarreiðinn kominn í leitir, enda þeir þræður Páll yfir-
kennari og Gísli sýslumaður.
Ekki lét ég lengi bíða að skrifa Ólöfu í Gröf til að skýra henni
frá safnfengnum og hugmynd minni. Elún skrifaði mér aftur
greinargott bréf og kvað helst til ráða að ég kæmi með reiðann á
fund hennar og sæi svo til hvernig dómur félli.
Goðasteinn
71