Goðasteinn - 01.06.1985, Page 82

Jón R. Hjálmarsson:
Kynnisferð til Kanada
Markmið og leiðir.
Það var með talsverðri eftirvæntingu sem ég lagði upp í kynnis-
ferð til Kanada vorið 1983. Þannig var mál með vexti, að Mennta-
málaráðuneytið hafði um skeið gefið tveimur fræðslustjórum á ári
kost á utanlandsferð til að kynna sér skólamál og nýjungar á þeim
vettvangi. Nú var röðin komin að mér og hafði Kanada eða öllu
heldur Winnipeg og Manitobafylki orðið fyrir valinu. Samferða-
rnenn mínir voru þeir Ingólfur Ármannsson, fræðslustjóri á
Norðurlandi eystra, og Sigurður Helgason, deildarstjóri í Mennta-
málaráðuneytinu og fyrrum skólastjóri. Reyndust þeir hinir
ágætustu ferðafélagar.
Til að auðvelda framkvæmd þeirra fjármála sem við þurftum að
hafa með höndum í ferðinni, komum við okkur saman um, að einn
okkar skyldi vera gjaldkeri fyrir alla þrjá. Féll það í hlut Ingólfs og
rækti hann það af mikilli prýði. Þetta sparaði okkur talsvert ómak
og auðveldaði allt uppgjör.
Við lögðum upp frá Keflavíkurflugvelli síðdegis 28. apríl og
flugum í einum áfanga til Chicagoborgar. Ferðin sóttist greiðlega og
bar ekkert sérstakt til tíðinda. Skyggni var alveg sæmilegt og sáum
við til dæmis niður á Grænland og Labrador. Síðan var flogið yfir
vötnin miklu og lent á O’Hare flugvellinum hjá Chicago rúmum
klukkutíma síðar en við fórum í loftið í Keflavík samkvæmt
þarlendum tima, en fimm stunda tímamismunur er milli íslands og
Chicagoborgar. í Chicago áttum við pantað gistihús og komum
okkur þar fyrir von bráðar. Síðan fórum við í skoðunarferð um
þessa miklu heimsborg við Michiganvatn og notuðum kvöldið sem
og morguninn eftir til að sjá sem mest af henni. Meðal annars
80
Goðasteinn