Úrval - 01.03.1982, Qupperneq 20

18
ÚRVAL
sagði lögreglunni að foreldrar hennar
hefðu lánað henni bílinn cn hún
hefði notað hann meira en hún hafði
haft leyfi til. „Ég er bara að ná
kílómetrateljaranum niður,” sagði
hún.
Og svo má bæta hér við lítilli sögu
sem fengin er úr Illustrated London
News:
Það hlýtur að vera erfitt starf að
vera túlkur á Evrópuþinginu.
Túlkarnir verða að túlka jafnharðan
yfir á sitt mál það sem sagt er á ein-
hverju öðru. En þeir leggja allt sitt í
að finna heppilegustu þýðinguna
fyrir hvaðeina sem sagt er á framandi
máli — svo framarlega sem mögulegt
er. Einu sinni sagði enskur ræðu-
maður gamansögu og furðaði sig á
því að danski túlkurinn endursagði
hana í örstuttu máli — en fékk samt
fram þann hlátur sem ræðumaður
hafði vonast eftir.
Seinna viðurkenndi túlkurinn að
hann hefði ekki áttað sig á sögunni né
hvað var fyndið við hana en
hann flýtti sér að segja dönskumæl-
andi tilheyrendum sínum að nú hefði
Englendingurinn sagt brandara og
það væri skylda þeirra að sýna að þeir
kynnu að meta hann. ★
Maður nokkur ók inn á bensínstöðina sem hann var vanur að skipta
við og bað um tankfylli af bensíni. Þegar búið var að fylla tankinn
lyfti afgreiðslumaðurinn vélarhlífmni. Bílstjórinn hugsaði sem svo að
maðurinn ætlaði að athuga olíuna en sá fljótt að svo var ekki.
Maðurinn lét augun hvarfla um vélina, þar til hann að lokum stakk
hendinni til hliðar við hana og tók upp það sem hann hafði verið að
leita að — töng. ,,Ég vissi það, þarna gleymdi ég henni þegar þú
varst hérna síðast,” sagði hann ánægður.
— C.D.
Tveir litlir strákar að ræða saman:
Sá fyrri: „Fórstu virkilega einn á hryllingsmyndina? Voru ékki
margirí bíóinu?”
Sásíðari: „Ekki undirsætinu mínu.”
— B.M.
Nágranni minn kvartaði til rafveitunnar vegna ljósastaurs sem sífellt
var að bila. „Það tekur ykkur ekki langan tíma að gera við þetta,”
sagði hann. „Það þarf bara að berja í staurinn og þá kvikna ljósin.”
„Ég veit ekki hve fljótt vinnuflokkur losnar sem ég get sent til að
laga þetta,” svaraði fulltrúi rafveitunnar, „en ég skal segja þér
nokkuð. Ég get kannski komið þér á launaskrá ef þú tekur þetta að
þér á hverju kvöldi.” __A.G.