Læknaneminn - 01.04.2018, Page 6

6
Á
vö
rp
o
g
an
ná
la
r
6
Árni Johnsen
formaður Félags læknanema 2017-2018
Félag læknanema (FL) fagnaði á árinu 85 ára
afmæli sínu og hefur liðið starfsár verið fullt
af áskorunum og spennandi verkefnum fyrir
félagið og samstarfsfélög þess. Á árinu sátu
66 lækna nemar í stjórn Félags Lækna nema,
nefndum þess og stjórnum samstarfsfélaga.
Án þeirra væri ekkert nemendafélag til að tala
um og eiga þau mikið hrós skilið fyrir ötul
og óeigingjörn störf í þágu sinna félaga og
málefna þeirra.
Geðheilbrigðismál almennings, ungmenna
og háskóla nema hafa mikið verið í deiglunni
á liðnu ári. Innan háskólans hafa verið tak­
mörkuð úrræði fyrir nema með geðræn vanda­
mál sem hefur hingað til verið sinnt af einum
sálfræðingi í hálfu starfi og sálfræði ráðgjöf
háskóla nema sem haldið er úti af framhalds­
nemum í sálfræði. Í mars 2018 var hins vegar
ákveðið að veita auknu fé í þennan málaflokk
og ráða tvo sálfræðinga í hlutastarf og meðal
annars bjóða upp á HAM­hópmeðferð fyrir
vægan kvíða og þunglyndi en sú aðferð hefur
verið þróuð í heilsugæslu hérlendis. Það voru
nokkrir samverkandi þættir sem leiddu til
þess að þessi ákvörðun var tekin. Auknar
fjár veitingar til háskólans bjuggu til aukið
svigrúm til fjárveitinga í þennan málaflokk.
Forseti lækna deildar, Engilbert Sigurðsson
geðlæknir, beitti sér fyrir því að koma þessu
verkefni á fót og hann þekkir vel til þess
meðferðaforms sem um ræðir. Loks settu
ýmis nemendasamtök þrýsting á yfirstjórn
háskólans um að fjármagn yrði sett í þetta
verkefni og var þetta meðal annars mark mið
beggja fylkinga í stúdentapólitíkinni. Félag
læknanema lagði sitt lóð á vogarskálarnar og
fór undirritaður á fund rektors ásamt fulltrúum
Röskvu til að hvetja rektor til að setja þennan
málaflokk í forgang. Fleira jákvætt hefur gerst
í geðheilbrigðismálum ungmenna, meðal
annars hefur Hugrún farið af stað með vel
heppnaða herferð undir myllumerkinu #huguð
sem nánar má lesa um í annál Hugrúnar.
Á líðandi skólaári voru gerðar breytingar
á fyrsta námsári í læknisfræði. Eftir áratuga
baráttu nemenda var áfangi í ólífrænni efna­
fræði felldur út af námsskrá og þess í stað
kom vikulangur áfangi um „hvað er að vera
læknir“ og í kjölfarið svokölluð Bjargráðs vika.
Bjargráðsvikan felur í sér bæði skyndihjálpar­
námskeið og undirbúning fyrir starf Bjargráðs.
Fulltrúar Bjargráðs sáu um skipulagningu
þeirrar viku. Læknanemar komu einnig að
framkvæmd fyrri vikunnar um „hvað er að
vera læknir“. Tveir fulltrúar Hugrúnar héldu
fyrirlestur um streitu og andlega líðan í
námi þá viku og Félag læknanema skipulagði
kynningu um lífið í læknadeild og starfsemi
félagsins. Vikunni lauk síðan með hinni árlegu
nýnemaferð. Að mati undirritaðs er þetta mun
skemmtilegri byrjun á námi í læknisfræði
heldur en tveggja vikna keyrsla í skammtafræði
og öðru illskiljanlegu efni og stendur til að
þessi nýja byrjun verði fastur liður í námsskrá
fyrsta árs um ókomna tíð.
Tekin var ákvörðun um að fjölga þeim nemum
sem teknir eru inn í læknisfræði hvert ár, úr
48 í 50. Einhverjum fannst fullvarlega farið
í þessa fjölgun sem getur skýrst af því að
nokkur óvissa getur ríkt um fjölda í hverjum
árgangi meðal annars vegna nemenda sem
taka sér ársleyfi frá námi og nemenda sem fá
sömu einkunn á inntökuprófinu. Þó stendur til
í náinni framtíð að fjölga enn frekar og að innan
fárra ára verði teknir inn 60 nemar árlega.
Samhliða því hefur farið af stað mikil vinna
við endurskoðun allrar námskrár í læknisfræði
þannig að taka megi á móti auknum fjölda
nema og að gæði námsins séu aukin. Stjórn
FL ásamt Kennslu­ og fræðslumálanefnd hafa
setið ótal fundi vegna þessa og lagt sig fram
við að láta raddir nemenda heyrast í þessari
endurskoðun. Bindur félag læknanema vonir
við að sú vinna muni skila sér í enn betra námi
við læknadeild á næstu árum.
Að mörgu leiti hefur þó lífið hjá Félagi
læknanema gengið sinn vanagang á þessu
ári. Haldinn var samstillingarfundur í upp­
hafi skólaárs og farið í samstillingarferð
á vor önn, fundað var reglulega með
forseta lækna deildar og stjórn félagsins fór
á árlegan fund með forstjóra Landspítala.
Félag lækna nema tók í auknum mæli þátt
í alþjóða samstarfi og fór fjölmennur hópur
frá mörgum samstarfsfélögum FL bæði á
ráð stefnu Federation of International Nordic
Students’ Associations (FINO) 2017 í Svíþjóð
og marsfund (e. March Meeting) 2018
í Egypta landi. Raunar er svo komið að Ísland
er farið að full nýta pláss sín á alþjóðlegum
ráð stefnum lækna nema og sitjum við uppi
með það lúxus vandamál að þurfa að velja
úr hvaða fulltrúar okkar sækja ráðstefnur.
Rúsínan í pylsuenda þessa árs var þó að guli
sófinn á þriðju hæð í læknagarði snéri loksins
aftur á vormánuðum úr sinni tveggja ára
löngu útlegð og hefur risið upp sem fönix
í rauðum skrúða.
Verkefni á liðnu ári hafa verið fjölbreytt og
hafa að mestu gengið vel. Öflug starfsemi
félagsins er aðeins möguleg vegna þess fjölda
fólks sem lagt hefur hönd á plóg og vil ég þakka
því öllu fyrir samstarfið á árinu og hlakka til
áframhaldandi samvinnu í framtíðinni.
Annáll Félags
læknanema