Læknaneminn - 01.04.2018, Blaðsíða 8

8
Á
vö
rp
o
g
an
ná
la
r
8
Kennslu- og
fræðslumálanefnd
Sigmar Atli Guðmundsson
formaður Kennslu- og fræðslumálanefndar
2017-2018
Starfsárið 2017­2018 hefur líkt og fyrri ár
verið viðburðarríkt hjá okkur í Kennslu­ og
fræðslumálanefnd (KF). Að venju áttum við
okkar föstu sæti á kennsluráðsfundum sem
haldnir eru mánaðarlega. Heitasta umræðu­
efnið var líkt og fyrri ár endur skipulagning
námsins en stór skref hafa verið tekin í ár í átt
að áætluðum breytingum. Að þessu verkefni
kemur einnig stjórn Félags læknanema (FL)
og höfum við átt í góðum samskiptum við
stjórn ina á yfirstandandi starfsári. Við sátum
einnig, líkt og fyrr, deildarráðs­ og deildarfundi
þar sem ýmis mál sem snúa að utanumhaldi
læknadeildar voru rædd.
Starfsárið hófst á því að skipta fyrsta árinu
upp í hópa og útvega hverjum hópi einn til
tvo nema af fimmta ári sem myndu gegna
hlutverki eins konar leiðbeinenda (e. mentor)
hópsins. Mentoraverkefninu er ætlað að veita
fyrsta árs nemum samskiptaleið til reyndari
nema hvað varðar hin ýmsu mál tengd (og
ótengd) læknisfræði.
Fulltrúar í KF hafa skipulagt hin ýmsu
kennslu­ og fræðslutækifæri á árinu. Þeirra á
meðal er hjartahlustunarvísó þar sem Axel F.
Sigurðsson hjartalæknir kom og kenndi nemum
hin ýmsu hjartahljóð og meiningu þeirra.
Við stóðum einnig fyrir hinum árlega
sérnáms fundi en á hann komu sérfræðingar úr
fjöl breyttum sérgreinum og sögðu frá reynslu
sinni af sérnámi á mismunandi stöðum.
Einnig fengum við sérfræðinga til að kynna
íslensk sérnámsprógrömm á þessum fundi.
Fyrirlesarar voru Agnar Bjarnason, Birgir
Briem, Dögg Hauksdóttir og Lárus Jónasson.
Að auki kynnti Jón Magnús Jóhannesson
fyrir komulag United States Medical Licensing
Examination (USMLE) prófanna á sama
fundi.
KF skipulagði líkamsskoðunarkennslu en þar
fengu annars árs nemar kennslu í líkamsskoðun
frá fjórða árs nemum. Í ár tók KF einnig við
stjórnartaumum á kennsluverkefni í lífefna­
og lífeðlisfræði þar sem nemar af fimmta og
sjötta ári kenna annars árs nemum hin ýmsu
kennsluefni úr áföngunum með aukinni
klínískri tengingu.
Í ár stóðum við fyrir BS kynningum þar sem
BS nám erlendis og hérlendis var kynnt fyrir
annars  og þriðja árs nemum. Að kynningunni
komu nemar sem hafa gert BS verkefni sín
ýmist hérlendis eða erlendis.
Í samstarfi við heilsugáttarteymið héldum við
fræðslukvöld um hin ýmsu „brögð“ heilsu­
gáttarinnar fyrir klíníska nema. Nám skeiðið
var vel sótt og mikil ánægja með útkomuna af
okkar hálfu og teljum við þörf á að gera þetta
námskeið að árlegum viðburði.
Að venju var hin stórskemmtilega Holsjár­
keppni haldin í vikunni fyrir árshátíðina.
Hún gekk að venju vel fyrir sig og voru
þáttakendur að sögn ánægðir með þraut
ársins. Að þessu sinni átti að sauma þrjá
sauma í „sjúkling“ með holsjá. Í ár var það
Jóhanna Vigdís Ríkharðsdóttir á sjötta ári úr
liðinu Súkkulaðicysturnar sem sigraði á 2:14
mínútum, í öðru sæti var Salvör Rafnsdóttir
á fimmta ári úr liðinu Dardanellasund á tím­
anum 2:56 mínútum og í þriðja sæti var Helga
Þórunn Óttarsdóttir á fimmta ári úr liðinu
Árni Johnsen á tímanum 3:15 mínútum.

Á árinu styrkti Fastus skoðunarherbergið
sívinsæla með gjöf á augn­ og eyrnasjá sem er
mikil búbót í áhaldasafnið en her bergið
hafa nemar nýtt við æfingar í líkams skoðun.
Kunnum við Fastus miklar þakkir fyrir
þennan styrk.
Árinu hjá KF lýkur með áframhaldandi
fundarstörfum og sem fyrr halda nemar eldri
ára áfram með kúrsakynningar fyrir yngri
nema. Einnig stefnum við að því að halda
fræðslufund fyrir klíníska nema og kandídata
um National resident matching program
(NRMP) fyrir sérnám í Bandaríkjunum nú
í lok skólaársins.
Starfsárið hefur verið gífurlega skemmtilegt
og hafa það verið mér sönn forréttindi að fara
með formennsku þessa glæsilega hóps sem
hefur leyst hvert verkefnið á fætur öðru með
miklum glæsibrag. Að endingu vil ég fyrir
hönd KF þakka kærlega fyrir starfsárið sem
er að líða.
Frá heilsugáttarkynningunni