Læknaneminn - 01.04.2018, Page 94

Sk
em
m
tie
fn
i o
g
pi
st
la
r
94
Er eitthvað sem þú hefðir viljað gera öðru-
vísi? Minni áherslu á bókalestur og bóka kaup
en meiri áherslu á að læra og lesa í kringum
tilfelli.
Eru einhverjar óskrifaðar reglur í klíníkinni
sem þú hefðir viljað vita af fyrr? Vera algjör­
lega óhrædd við að spyrja spurninga. Ekki vera
hrædd um að líta vitlaus út. Það er mun verra
að spyrja vitlausra spurninga þegar maður er
orðinn læknir! Til þeirra sem eru á skurðdeild,
ef þið viljið prófa að sauma eða gera eitthvað
annað í aðgerðum verið dugleg að biðja um það.
Önnur ráð eða skilaboð sem þig langar til
að koma til læknanema á klínísku árunum?
Reynið að njóta áranna sem læknanemar í
klíníkinni. Passið að brenna ekki út í lestri og
farið inn í alla kúrsa með opinn huga.
Anna Kristín Gunnarsdóttir
kandídat 2017-2018
Hvaða ráð myndir þú gefa læknanemum sem
eru að stíga sín fyrstu skref í klíník? Mæli
með að stíga skrefin í þægilegum skóm með
súkkulaði og glósubók í vasanum.
Númer eitt, tvö og hundrað er að kasta þeirri
hugmynd í ruslið að þið þurfið að vita allt ­
það er ástæða fyrir því að orðið læknanemi
inniheldur „nemi“. Spyrjið strax ef þið skiljið
ekki ­ ef þið eruð í hóp eru allar líkur á því
að einhver annar sé að velta því sama fyrir sér.
Google er ástvinur okkar allra en jafnast ekki
á við útskýringar sem settar eru fram í klínísku
samhengi. Svo er mikilvægt að hjálpast að sem
bekkur og passa upp á hvert annað. Þið eigið
eftir að rekast á ýmislegt sem getur tekið á og
þá er nauðsynlegt að geta talað um það við
góðan kollega.
Hvað fannst þér þú læra mest af í klínísku
námi? Góðar klíníkur, kennsla og samræður
á þeirri deild sem maður er á hverju sinni.
Það er líka mjög lærdómsríkt að tala við
sjúklinga sem hafa innsæi í sjúkdóminn sinn
og eru tilbúnir að miðla reynslu sinni. Verið
óhrædd við að leita til annarra en lækna ­
ritarar, lífeindafræðingar, félagsráðgjafar,
sálfræðingar, hjúkrunarfræðingar, sjúkraliðar,
sjúkraþjálfarar, lyfjafræðingar og fleiri hafa
kennt mér mjög mikið. Svo er það mjög
jákvætt ef einhver gefur sér tíma til að grilla
ykkur. Ekki fara á bömmer yfir því að vita ekki
svörin, þetta snýst um kennslu og ykkur á ekki
að líða illa á meðan. Annaðhvort þurfið þið
að breyta hugarfarinu eða viðkomandi grillari
þarf eitthvað að endurskoða taktana með
grillspaðana.
Er eitthvað sem þú hefðir viljað gera
öðruvísi? Meðal annars sleppa öllum þeim
óteljandi all­nighter­um sem mér fannst
stórgóð hugmynd á sínum tíma, vakna
tímanlega til að sleppa við angistina sem fylgir
smekkfullu LSH­bílastæði, uppgötva fyrr
Stærk blandning­familie pose sem leynist í
sjálfsölunum og þægindin sem felast í frotte
peysunum.
Önnur ráð eða skilaboð sem þig langar til
að koma til læknanema á klínísku árunum?
Ekki ákveða fyrirfram að þið hafið ekki tíma til
þess sem ykkur langar að gera. Þið getið áfram
sinnt áhugamálunum ykkar og félagsstarf
innan læknadeildar getur gefið ykkur
ómetanlegan vinskap og dýrmæta reynslu.
Vissulega koma álagstímabil þar sem fátt
annað en læknisfræðin kemst að en munið þá
að þið eruð manneskjur. Stundum er betra að
eiga stund með fólkinu sem ykkur þykir vænt
um í staðinn fyrir að lesa sömu blaðsíðuna í
tíunda skipti. Og annað ­ ef þið lendið í erfiðri
framkomu á spítalanum getið þið forðað
öðrum frá því að upplifa það sama með því
að tileinka ykkur annars konar samskipti. Ef
einhver ranghvolfir augunum til ykkar er oftar
en ekki eitthvað annað að plaga viðkomandi
en tilvist læknanemans. Og varðandi sögutöku
þá hefur það sjaldnast alvarlegar afleiðingar þó
þið gleymið að spyrja sjúklinginn um áferðina
á hægðunum, hann tekur yfirleitt vel á móti
ykkur ef þið farið og spyrjið aftur.
Ráð til
kandídata
Katrín Hjaltadóttir
læknir á skurðlækningasviði
Hvar varðir þú þínu kandídatsári? Á lyf­
lækninga sviði fór ég á Hjartagátt, hjarta­,
lungna­, innkirtla­ og smitsjúkdómadeildir.
Á skurðlækningasviði var ég á kviðarhols­,
brjósthols­ og þvagfæraskurðdeildum. Ég tók
heilsugæsluhlutann á Selfossi.
Hvernig fá kandídatar sem mest út úr
kandídats náminu? Með því að mæta með
opnum hug á allar nýjar deildir. Sumar þessara
deilda kemur þú kannski ekki til með að mæta
á aftur svo það er um að gera að reyna að fá
sem mesta reynslu á hverjum stað.
Hvar eða hvernig fannst þér þú læra mest
sem kandídat? Ég reyndi að taka að mér
flókna sjúklinga á deildunum til dæmis þá
sem mikið var með eða voru með mörg
vandamál. Fannst ég læra mest þannig. Einnig
nota vaktirnar þegar maður innritaði fólk
eins og vindurinn til þess að reyna að lesa
aðeins í kringum tilfellin og velta vöngum
yfir mismunagreiningum. Ekki bara fara í
færibandsgírinn. Mergsjúga deildarlæknana
með öll hagnýt atriði, þannig lærði maður fyrr
á kerfið og varð fyrir vikið sjálfstæðari í vinnu.
Hverjar voru helstu hindranir eða áskoranir
sem þú rakst á? Að vera „nýi gæinn“ um
það bil mánaðarlega getur tekið á. Ef maður
er almennilegur og sýnir því skilning að
starfsfólk og hjúkrunar fræðingar á deildinni
þurfa að kynnast nýjum lækni vikulega þá
gengur allt vel.
Önnur ráð eða skilaboð til kandídata? Á
kandídatsárinu er maður dálítið „súkkulaði“,
getur flakkað á milli og valið sér skemmtileg
tilfelli sem er ákveðinn lúxus. Njótið þess á
meðan það varir!
Agnar Hafliði Andrésson
læknir á barnalækningasviði í Svíþjóð
Hvar varðir þú þínu kandídatsári? Heilsu­
gæsluni í Efra­Breiðholti, skurðdeildum,
lungna­ og hjartadeild mest á lyflækningasviði
og á Barnaspítalanum.
Hvernig fá kandídatar sem mest út úr
kandídatsnáminu? Það er mikilvægt að átta
sig á einstakri stöðu læknakandídatsins. Hann
er í senn nemi og starfsmaður og mikilvægt
er að hlúa að báðum þessum þáttum og halda
þeim í jafnvægi. Það er ekki gott að leggjast of
mikið á nemahliðina og vera passífur eins og
árin á undan og heldur ekki gott að haga sér
eins og fullnuma læknir og gleyma að þetta er
starfsnám.
Hvar eða hvernig fannst þér þú læra mest
sem kandídat? Maður lærði mest af því að
vera í framlínunni, meta hverja stöðu fyrir sig
og læra að skapa sitt eigið álit og í framhaldinu