Víðförli - 01.12.1952, Side 77

LÖGMÁL OG EVANGELIUM
139
halda áfram, en hver og einn getur gáð í kverið og sjálfur séð,
hvað Lúther segir.
Það er auðséð, að boðorðin eru, svona útlögð, ekki lengur auð-
gerar lífsreglur, heldur bendingar þess kærleiks til Guðs og
manns, sem hefur ótæmanlegt hlutverk.
Hér sjáum vér eina rétta svarið við spurningu, sem oft hefur
valdið deilum: Eru hin tíu boðorð í gildi einnig fyrir oss kristna
menn?
Að vissu leyti verður að svara þessari spurningu neitandi. Og
fyrst þá, er maður hefur skilið þá neitun, verðui meining í að
játast þeim á þann veg, sem vér höfum kynnst í útleggingu Jesú,
Páls og Lúthers —- þeir höfðu allir afneitað hinum tíu boðorðum
áður en þeir játuðust þeim.
í fyrsta lagi gilda boðorðin ekki í þeim skilningi, að þau séú
nægjanleg sem leiðbeining um breytnina, ef látið er nægja að
taka þau eftir bókstafnum án þess að kærleikurinn túlki þau —
og sprengi. Kærleikurinn, sem fæddur er af þeirri Guðs elsku, sem
Jesús Kristur hefur fært oss, lætur sér ekki nægja bókstaflega
uppfyllingu hinna tíu boða. Það sjáum vér í baráttu Jesú við
lögmálsfylgd Fariseanna. Fariseinn, sem hefur haldið boðorðin
og meira til, er siðugur að sönnu í borgaralegum skilningi, en ekki
réttlátur, þ. e. ekki eins og Guð vill að hann sé. Tollheimtumað-
urinn, sem hefur brotið mörg boðorð, er það hinsvegar, þegar
hann játar sekt sína. f iðruninni er viðurkenning á takmarkaleysi
boðanna, sem algerlega skortir í því ytra boðahaldi, sem er án
kærleiks. Iðrunin er kærleikurinn til Guðs og manns í mynd sjálfs-
ákærunnar. Hið sjálfsvitula boðahald er aðeins eiginást. Vér sjá-
um það á svari Jesú við ríka unglinginn. Þrátt fyrir það að hann
hafði haldið hinar ytri bókstaflegu kröfur, skortir hann enn það,
sem máli skiptir. Hann skortir þann kærleik til Guðs sem sakir
ríkis hans getur hafnað sínu eigin.
í öðru lagi eru boðorðin tíu ekki í gildi í þeim skilningi, að
þau séu hluti hinna borgaralegu laga, eins og þau voru hjá ísra-
elsmönnum. Tíu boðorðin eru ekki ein sér í Gamla testamentinu
eins og í Fræðum Lúthers. Þau eru hluti af lögmáli Móse öllu,