Fróðskaparrit - 01.01.1959, Page 13

Nýggir tilburðir við tuberklasjúkum í Eiðis læknadømi 19
Tilkomin fólk hava borið torv ella gjørt annað tungt arbeið
við smittuhita. Ikki fyrr enn um kvøldið, tá ið tey eru
givin uppat at arbeiða, er komið upp, at hitin nú var 39°
ella meir.
Er tað pinkubarn, ið sjúkt er við smittuhita, síggja vit
aloftast á tí, at tað er ikki frískt. Matarlysturin er vánaligur,
tað grætur av ongum, er illa í holdum og fer skjótt at
lætna. Men tað ernast skjótt aftur, tó at hitin heldur á. Hjá
størri børnum og tilkomnum sæst, sum longu nevnt, sjáldan
nakað, ið sigur frá sjúku, uttan við at tráspyrja og kanna.
A. Pína, tá ið tú svølgir. 15 børn og tilkomin við smittu*
hita gramdu seg, tá ið tey svølgdu, um pínu aftanfyri bringu*=
beinið, báðu megin við tað, uttanum fleiri ella færri ryggja^
geislar ella ovarlaga undir flagbróstinum. Henda pínan kom
vanliga allarfyrst í smittuhitaskeiðinum. Summi kendu hana
fyrsta sjúkudagin, hjá øðrum kom hon nakrar dagar seinni.
Vanliga vardi hon bert í einar 2 vikur, og stundum stytri.
Eingin av hesum nevndu 15 sjúklingum varð kannaður við
røntgen, meðan henda pínan stóð við. Tó er neyvan nakað
at ivast í, at orsøkin til hennara er trýst frá trútnum eitlum
við lungarótina og kann henda eisini broytingar uttanum
teir.
Summi kendu pínuna, hvørja ferð tey svølgdu, sama um
tað var fastur matur ella flótandi, onnur bert tá ið tey
svølgdu stórar munnbitar. Yngsti sjúklingurin, ið gramdi
seg um hesa pínu, var 8 ára drongur, elsti var 26 ára gomul
genta. Tíggju ára gamal drongur segði, tá ið hann var biðin
svølgja eina tablet, at hann mátti hava vatn afturvið, tí
annars fekk hann hana ikki niður, tí tað var so trongt;
hann hevði pínu allan vegin aftan fyri bringubeinið, hvørja
ferð hann vildi svølgja. 16 ára gomul genta peikaði á pínu*
staðið áraka 5. rivini. 12 ára drongur beindi pínuna til
jaðararnar á bringubeininum, ella heldur eitt sindur burtur
frá teimum.
Minni enn so øll festu pínuna at økinum aftan fyri ella
tætt hjá bringubeininum. Nøkur nevndu eisini í hesum