Fróðskaparrit - 01.01.1959, Síða 14

20 Nýggir tilburðir við tuberklasjúkum í Eiðis læknadømi
sambandi ryggin. Ein 18 ára gomul genta, tá ið hon varð
spurd, hvar hon fekk ilt, tá ið hon svølgdi, vísti á 5. ryggja*
geisla og bert á hann. Ein onnur genta, 23 ára gomul,
vísti á økið vinstrumegin niðasta partin á bringubeininum
ovarlaga undir flagbróstinum, og vísti samstundis á vinstru
lið á 7. geisla. Triðja gentan, 26 ára gomul, hevði pínu
bæði á niðasta parti av bringubeininum og í rygginum frá
3. til 6. geisla. Hon festi heftiplástur ímillum herðabløðini
og vónaði at fáa linna. 16 ára gamal drongur hevði pínu
niðast á bringubeininum, ikki bert, tá ið hann svølgdi, men
eisini, tá ið hann andaði djúpan. Ein drongur, 14 ára gamal,
nevndi pínuna aftan fyri bringubeinið fyri trýst; hon var
óbroytt tann sama, tá ið hann vildi svølgja.
B. Stingur. Ikki heilt fá av teim 106 børnunum og tib
komnu við smittuhita talaðu um sting. Hann varð stað=
festur ymsar staðir á bróstinum: undir óstbeinunum, undir
hondunum, eftir bringusneiðingini, undir síðunum, á bak*
inum og ovast uppi í flagbróstinum og nakað út á rivini
frammantil. Av og á hoyrdust hvín og gnadd á staðnum,
har stingurin var. Tó at røntgenkanning sjáldan er til taks,
tora vit kortini at ætla, at stingirnir og funnini komu frá
trútnum eitlum við lungarótina og lungatrotum, ið upp eru
komin saman við smittuhitanum.
Funnu eyðkenni smittuhitans. Við smittuhita skilja vit,
so sum orðið her er avmarkað, sjúku, ið altíð hevur hita
við sær. Hetta eyðkenni kunnu vit tí seta javnt við pirking,
tá ið + kemur fram aftan á smittu, hækkandi blóðkroppa*
fall og broytingar í og um eitlarnar í lungarótini. Har
afturat kemur knútarósin, ið, sum vit væl vita, kemur minni
enn so saman við øllum tilburðum við smittuhita og av
og á bendir á okkurt heilt annað. Hesi 5 sjúkubrøgd, ið
eru týdningarmestu funnu eyðkenni smittuhitans, verða her
viðgjørd í stuttum, men í eitt sindur øðrum rað enn oman*
fyri. Síðan verða onnur, týdningarminni ella sjáldsamari
funnin sjúkueyðkenni viðgjørd. — Røntgenkanningina taka
vit av orsøkum, sum fyrr eru nevndar, ikki við.