Morgunblaðið - 03.04.1986, Qupperneq 59

MORGUNBLAÐIÐ, FIMMTUDAGUR 3. APRÍL1986
------------------__-----—--------
59
Minmng:---—
*
Hannes Olafsson
frá Hvítárvöllum
Fæddur 28. september 1903
Dáinn 15. desember 1985
Hvað er að hætta að draga andann annað
en að frelsa hann frá friðlausum öldum lífs-
ins, svo að hann geti risið upp í mætti sínum
og ófjötraður leitað á fund guðs síns.
(Kahlil Gibran.)
Þessi orð koma mér í hug, þegar
ég minnist^ nú fósturföður míns,
Hannesar Ólafssonar. Hann hafði
legið lamaður síðan í september
1981, vegna heilablæðingar. Seinna
áfallið varð í nóvember sl. og komst
hann lítið eða ekki til meðvitundar
eftir það.
Hannes fæddist á Hvítárvöilum,
sonur Maríu Sæmundsdóttur og
Ólafs Davíðssonar bónda þar, fjórði
í röð níu systkina. Hann ólst upp
og dvaldi á Hvítárvöllum til ársins
1949, er hann kvæntist móður
minni, Ásu Bjömsson frá Svarfhóli,
Borgamesi. Asa var áður gift Sig-
urði Jóhannssyni, framkvæmda-
stjóra, frá Sveinatungu, Norðurár-
dal. Þau skildu. Þeirra böm: Ingi-
björg bankastarfsmaður, gift Helga
Björgvinssyni, bifreiðastjóra. Böm
þeirra: Ása, Hannes Jón, Anna og
Helga Björg. Jón, framkvæmda-
stjóri kvæntur Ólöfur Jónu Sigur-
geirsdóttur iðnrekanda. Böm
þeirra: Ólafur Jón, Ásgeir og Elísa
Guðlaug. Synir Ásu og Hannesar
em: Gústaf, sölumaður, sambýlis-
kona Svana Ingvaldsdóttir hár-
greiðslumeistari. Böm Gústafs frá
fyrri hjónaböndum: Anna Kristín
og Egill Anton. Ingólfur íþrótta-
fréttamaður, kvæntur Guðrúnu
Bjamadóttur, fóstm. Þeirra dóttin
Harpa María.
Fyrstu hjúskaparár Ásu og
Hannesar var dvalið í Borgamesi á
vetuma, til ársins 1958, er þau
flytja til Reykjavíkur. En öll vor og
sumur dvöldu þau á Hvítárvöllum
við laxveiðar. Hannes keypti hluta
Hvítárvalla eftir að faðir hans lést
árið 1928. Stundaði hann netaveiði
fyrir móður sína, Maríu, jafnframt
sína eigin. Alls urðu árin 57 sem
hann var við netaveiði ásamt félög-
um sínum, Þorsteini Jakobssyni frá
Húsafelli og Kristjáni Guðjónssyni
frá Ferjubakka. Hannes var upp-
hafsmaður að ýmsum nýjungum,
tengdum netaveiði. Hann smíðaði
hlera í stað kláfs, sem áður var
notaður. Það varð til þess að meiri
straumur myndaðist við netin, og
þar með meiri veiðilíkur. Hann varð
með þeim fyrstu að nota nylon í
netin. Ýmsu fleim átti hann hug-
myndir að.
Fyrstu fjögur árin bjó fjölskyldan
á sumrin í vegavinnutjöldum, sem
staðsett vom á bakkanum við ána.
Hannes hafði smíðað gólf í tjöldin
og rúm, en eldhúsið var loftskeyta-
klefinn af togaranum Geir, sem enn
stendur. Árið 1953 byggði Hannes
íbúðarhús við gamla pakkhúsið, tvö
herbergi og eldhús og kallaði það
„Höll sumarlandsins". í þessu litla
húsi bjuggu þau öll sumur til ársins
1981. Óll þessi ár átti fjöldi fólks
leið um hlaðið hjá þeim, ýmist til
að kaupa af þeim lax eða þiggja
góðgerðir. Var oft glatt á hjalla,
þótt oft væri þröng á þingi. Þar
vora sagðar sögur og farið með
vísur um ótal tilefni, en Hannes
kunni ógiynni þeirra. Jafnvel eftir
að hann veiktist, hélt hann áfram
að segja okkur frá ýmsu spaugilegu
og vísur tilheyrandi. Hann talaði
gott mál, er hann hafði tileinkað
sér. Ef til vill við lestur íslendinga-
sagna hér áður fyrr.
Hannes var í eðli sínu mikið
náttúmbam. Hafði áður fyrr yndi
af hestamennsku og átti úrvals
hesta. Á sínum yngri ámm var
hann góður íþróttamaður, sérstak-
lega í glímu, en þar naut hann sín
sökum léttleika og lipurðar. Fékk
mörg verðlaun á íþróttamótum hér
fyrr á ámm. Mesta yndi hafði hann
þó af hverskyns veiðum og þá sér-
staklega laxveiðum, þær vom hans
líf. Vitneskja hans um laxinn var
ótrúleg, enda mikil reynsla að baki
öll þessi ár. Hann gat sagt til um
hvort göngulaxinn væri Grímsárlax
eða Norðurárlax, sá hann það á
byggingu laxsins. Hann gat sagt
fýrir um hvort sumarveiðin yrði
aðallega smálax eða stórlax. Gekk
það oftast eftir. Hannes var ákaf-
lega músíkalskur, hafði fagra nátt-
úmrödd. Minnist ég þess, að móðir
mín settist oft við píanóið og spilaði
og hann söng. „Hamraborgin" var
þá stundum sungin og minnast
margir þess enn, að hafa heyrt
hann syngja hana. Hann átti gott
safn hljómplatna með söng helstu
söngvara heims, bæði eldri og
yngri. Var það honum mikil gleði
að sitja við hljómflutningstækin sín
og taka kannski lagið með.
Því veldur mér trega tónanna slagur,
sem töfrar og dregur og er svo fagur?
Ég veit það og finn, hvers sál mín saknar.
Söngvanna minning af gleymsku raknar.
Ómur af lögum og brot úr brögum,
bergmál frá ævinnar liðnu dögum,
af hljómgrunni hugans vaknar.
(EinarBen.)
Mér er ljúft að minnast fóstra
míns, Hannesar, vegna þess hversu
vel hann reyndist okkur fóstur-
bömum sínum alla tíð. Kvatti okkur
til að hafa samband við föður okkar
og föðurfólk, sem hann bar mikla
virðingu fyrir. Fylgdist alltaf vel
með hvemig okkur og bömum
okkar gekk í lífinu og hafði mikinn
metnað fyrir okkar hönd.
Nú að leiðarlokum vil ég þakka
alla hugulsemi og góðvild í okkar
garð og munu hlýjar hugsanir okkar
fylgja honum í nýjum heimkynnum.
Dauðinn því orkar enn til sanns,
út slokkna hlýtur lífið manns,
holdið leggst í sinn hvíldarstað,
hans makt nær ekki lengra en það.
, Sálinaföllufárifrí,
flutt verður himna sælu í.
(Hallgr. Pétursson)
Ingibjörg Sigurðardóttir
t
Útför mannsins míns,
ÁSGRÍMS JÓNSSONAR,
Kaplaskjólsvegi 51,
veröur gerð frá Fossvogskirlcju föstudaginn 4. apríl kl. 13.30.
Þorbjörg Eiríksdóttir.
t
Þökkum auðsýnda samúð og hlýhug við andlát og jarðarför móður
okkar, tengdamóður og ömmu,
ÁSU BJARNADÓTTUR.
Guðrún Bjarnadóttir,
Árni Bjarnason,
Reynir Bjarnason,
Skarphéðinn Kristjánsson,
Áslaug Ólafsdóttir,
Guðný Bernhard,
og barnabörn.
t
Utför sonar okkar, bróður, mágs og frænda,
HAFÞÓRS MÁS HAUKSSONAR,
Fjarðarási 28, Reykjavík,
sem lést af slysförum 20. janúar 1985 fer fram frá Langholtskirkju
föstudaginn 4. apríl kl. 16.00.
Þeim sem vildu minnast hans er bent á björgunar- og hjálpar-
sveitir.
Sigrún Steinsdóttir, Haukur Harðarson,
Dagrún Helga Hauksdóttir, Bergþór Bjarnason,
Vignir Bragi Hauksson, Katrín Sif Ragnarsdóttir,
Andri Már Bergþórsson.
t
Innilegar þakkir til allra er auösýndu okkur samúð og hlýhug við
andlát og útför móður okkar,
KRISTÍNAR GUÐMUNDSDÓTTUR OLSEN,
áður búsett í Bergholti,
Vestmannaeyjum.
Börn hinnar látnu.
t
Innilegar þakkir fyrir auðsýnda samúö og vinarhug við andlát og
útför eiginkonu minnar,
SVÖVU ERLENDSDÓTTUR,
Jöklaseli 3.
Sérstakar þakkir til starfsliös og lækna Borgarspítalans, Lyflækn-
ingadeildara 7.
Hjalti G. Jónathansson.
t
Eiginkona mín, móðirokkar, tengdamóðirog amma
FJÓLA JENSDÓTTIR
Boðslóð 25
Vestmannaeyjum,
verður jarðsunginn frá Landakirkju í Vestmannaeyjum laugar-
daginn 5. apríl kl. 16.00.
Sigurður Bogason,
Jens Ó. Bogason,
Valur Bogason,
Bryndís Bogadóttir
Bogi Sigurðsson,
Halldóra E. Eggertsdóttir,
og barnabörn.
t
Eiginmaður minn, faðir okkar, bróðir, tengdafaðir og afi,
GUNNAR MAGNÚS BJÖRNSSON,
Löngufit 16,
Garðabæ,
verður jarðsunginn frá Garöakirkju föstudaginn 4. apríl kl. 13.30.
Erla Ársælsdóttir,
Dagmar Gunnarsdóttir, Örn Jóhannesson,
Ársæll Gunnarsson, Erla Skarphéðinsdóttir,
Jóhanna Gunnarsdóttir, Lúðvik Þorvaldsson
og barnabörn.
t
Eiginmaður minn, faðir okkar, tengdafaöir og afi,
MARTEINN LÚTHER EINARSSON,
Hafnarbraut 47,
Höfn,
Hornafirðl,
verður jarðsunginn frá Bjarnarneskirkju fimmtudaginn 3. apríl kl.
14.00. Blóm eru vinsamlegast afþökkuð en þeir sem vildu minnast
hins látna eru beönir að láta Bjarnarneskirkju njóta þess.
Ástriður Oddbergsdóttir,
börn, tengdabörn og barnabörn.
t
Innilegar þakkir fyrir auðsýnda samúð og vinarhug við andlát og
útför móður okkar, tengdamóður, ömmu og langömmu,
SKÚLÍNU HLÍFAR GUÐMUNDSDÓTTUR,
frá Krossnesi, Eyrarsveit.
Sérstakar þakkir til sjúkrahúss Keflavíkur fyrir frábæra hjúkrun
og umhyggju íveikindum hennar.
Arnór Jóhannesson,
Guðmundur Jóhannesson,
Guðrún Jóhannesdóttir,
Kristín Jóhannesdóttir,
tengdabörn, barnabörn
og barnabarnabörn.
t
Hjartans þakkir fyrir alla þá miklu samúð og vinsemd okkur
auðsýnda við andlát og útför mannsins míns, fööur okkar, tengda-
föður og afa,
JÓNS THORARENSEN,
prests.
Guð blessi ykkur öll.
Ingibjörg Ólafsdóttir Thorarensen
Hildur Thorarensen, Elín K. Thorarensen,
Ólafur Thorarensen, Þóra Ölversdóttir,
Ingibjörg Thorarensen.
t
Innilegar þakkir færum við öllum þeim er sýndu okkur vináttu og
hlýhug við andlát og útför bróður míns og frænda okkar,
ÞÓRHALLS GUÐJÓNSSONAR
frá Þúfu.
Alúðarþakkir færum við læknum og starfsfólki á deild 1A Landa-
kotsspítala.
Sólveig Guðjónsdóttir,
systrabörn og fjölskyldur þeirra.
Lokað
vegna jarðarfarar. Rannsóknarstofnun landbúnaðarins
verður lokuð eftir hádegi föstudaginn 4. apríl vegna
útfarar ÁSGRÍMS JÓNSSONAR tilraunastjóra.
Vegna jarðarfarar FRÚ SIGRÍÐAR EIRÍKSDÓTTUR fyrr-
verandi formanns Hjúkrunarfélags íslands verður skrif-
stofa félagsins lokuð frá hádegi í dag.
Hjúkrunarfélag íslands.