Morgunblaðið - 10.09.1987, Blaðsíða 52

Morgunblaðið - 10.09.1987, Blaðsíða 52
5: 2 fiif<! irxfnfmTtlw rti •;'r-a.-'t-itmí./! ,. <•!•¦,«<, MORGUNBLAÐIÐ, FIMMTUDAGUR 10. SEPTEMBER 1987 Minning: Andreas Lapas flugvirki Fæddur 28. september 1948 Dáinn 29. ágúst 1987 Andreas Lapas fæddist 28. sept- ember 1948 í Nicosiu á eynni Kýpur. Foreldrar hans, sem eru bæði grískrar ættar, eru Christos trésmiður Lapas og kona hans, Maria Lapaz, sem rekur saumastofu í Nicosiu. Þau hjón eiga auk Andre- asar tvær dætur, Anthollu, skrif- stofustúlku á Kýpur, gift og á tvö bðrn, og Helenu, kennara sem starf- ar á vegum gríska menntamála- ráðuneytisins í Aþenu, gift Nicosi, fréttamanni hjá gríska sjónvarpinu. Þau eiga einn son. Er Andreas, eða Andrew einsog hann var kallaður hér, hafði lokið skólanámi á Kýpur árið 1966, hélt hann til London til náms í flugvirkjun í College of Aeronautical and Automobile Eng- ineering í Chelsea, London, og lauk þar námi með prýði árið 1972. Andrew var góður námsmaður og gekk námið vel. Hann fékk styrki frá breska ríkinu í tvö ár en að öðru leyti kostaði hann nám sitt sjálfur. Árið eftir að Andrew kom til London kynntist hann íslenskri stúlku sem þar vann, Jóhönnu Jó- hannsdóttur. Hún er dóttir hjón- anna Jóhanns Magnússonar, skipstjóra og síðar hafnsögumanns í Reykjavík, og konu hans Margrét- ar Sigurðardóttur. Andrew og Jóhanna gengu í hjónaband 21. . desember 1968. Sambúð þeirra var farsæl og góð og eignuðust þau þrjú börn. Er Andrew lauk námi fluttu þau heim og settust að í Reykjavík. Fyrstu fimm árin bjuggu þau í leiguíbúð hjá foreldrum Jóhönnu að Sporðagrunni 10. Síðar keyptu þau íbúð áLynghaga 14 en fluttu seinna í eigin íbúð á FálkagÖtu 6. Þar býr Jóhanna enn með þremur börnum sínum, Jóhanni Christos, 17 ára menntaskólanema, Maríu 10 ára og Alexander 6 ára. Fyrst eftir að Andrew kom til Islands var ekkert fast starf fáan- legt við flugvirkjun. En í stað þess að gefast upp tók hann að sér starf á Vélaverkstæðinu Kistufelli fyrsta veturinn. Síðar fékk hann starf sem flugvirki hjá flugfélaginu Vængj- um. Þar vann hann í tvö ár. Eftir það starfaði hann hjá Flug- leiðum þar til hann veiktist alvar- lega árið 1984. Þessi erfiðu veikindi hafa reynt mikið á aðstandendur Andrews og ástvini en Jóhanna hefur sýnt óbilandi kjark og þraut- seigju. Hér að framan hefur verið laus- lega drepið á lífsferil Andreasar Lapaz. Hann reyndi margt. Lenti hann á unglingsárum í þeirri upp- lausn og óreiðu sem fylgdi stríði Tyrkja og Grikkja á Kýpur. Fer síðan til náms í Bretlandi tæpra 18 ára og er þar í sex ár og flyst svo til íslands og eignast þar heimili. Vinnur níu ár hjá Flugleiðum, með- al annars í Alsír og Nígeríu. A alltof stuttri ævi reyndi hann meira en margur annar sem gefinn er meiri tími. Til að gera langa sögu stutta er við hæfi að vitna ( þjóðskáldið Jón- as Hallgrímsson: Hvað er langlífi? Lífsnautnin frjóva, alefling andans og athöfn þörf. Margoft tvítugur meir hefur lifað LYKILLINN AÐ ANÆGJU- LEGUM FRÍSTUNOUM Mekkanó er þroskandi leikfang, sem reynir á huga og hönd. Það ýtir undir hugmyndaf lug og sköpunargáfu og er þvf kjörið fyrir börn á öílum aldri. Mekkanó er til I mörgum stærðum og gerðum. Verð frá kr. 630.-. Póstsendum. svefnugum segg, er sjötugur hjarði. Ég votta Jóhönnu og börnum hennar innilega samúð mfna og fjöl- skyldu minnar. lírynjólfur Ingólfsson Laugardaginn 5. september var mágur okkar, Andreas Lapas, jarð- settur á grísku eyjunni Kýpur, aðeins 39 ára gamall. Andreas var fæddur í Nikósíu á Kýpur 28. nóvember 1948. Foreldr- ar hans eru María og Christos Lapas, en þau eru grískir Kýpurbú- ar. Christos er trésmiður og rak sitt eigið verkstæði þar til hann lét af störfum vegna aldurs. María er saumakona og hafði hún nokkrar stúlkur í vinnu þegar hún starfaði við sauma. Andreas á tvær systur, þær Anthoullu og Helenu. Antho- ulla er skrífstofustúlka og býr á Kýpur. Hún er gift Louise, sem er verslunarmaður og eiga þau tvo syni. Helena er kennari en starfar í gríska menntamálaráðuneytinu og býr í Aþenu. Hún er gift Nikos, sem er fréttamaður hjá gríska sjón- varpinu. Þau eiga einn son. Andreas var alinn upp hjá foreldrum sínum, en einnig um tíma hjá móðursystur sinni og manni hennar. Amma Andreasar bjó á heimili foreldra hans þegar hann var barn. Hún var honum mjög kær, en ömmur gegna mikilvægu hlutverki í lífi barna á Kýpur. Þegar Andreas hafði lokið al- mennri skólagöngu á Kýpur 18 ára gamall, hélt hann til Englands til að læra flugvirkjun. Hann dvaldi þar næstu sex árin og lauk námi í flugvirkjun frá The College of Aero- nautical and Automobile Engineer- ing, Chelsea, London, með góðum árangri, en Andreas var ágætur námsmaður. Andreas fór aðeins einu sinni til Kýpur meðan á náms- tímanum stóð. Hann fékk engin námslán né önnur lán. I tvö ár fékk hann styrk frá enska ríkinu, en að öðru leyti fjármagnaði hann sitt nám sjálfur með vinnu á kvöldin og um helgar. Ári eftir að Andreas kom til Englands hitti hann systur okkar, Jóhönnu Jóhannsdóttur, sem síðar varð eiginkona hans. Þau fluttu til íslands eftir að Andreas lauk námi árið 1972. Þeg- ar heim var komið var enga vinnu við flugvirkjun að fá, þess í stað fékk hann vinnu hjá vélaverkstæð- inu Kistufelli og vann hann þar í einn vetur. Vorið eftir réðst hann til starfa hjá flugfélaginu Vængjum og starfaði sem flugvirki þar í tvö ár. Þá fékk hann vinnu hjá Flugleið- um og var það starf mjög kærkom- ið. Þar starfaði hann í níu ár. Andreas kvæntist systur okkar, Jóhönnu, 21. desember 1968. Þau eignuðust þrjú börn, Jóhann Christ- os 17 ára menntaskólanema, Maríu 10 ára og Alexander 6 ára. Fyrstu fimm hjúskaparár sín leigðu þau hjá foreldrum okkar á Sporða- grunní 10. Þá keyptu þau sér íbúð á Lynghaga 14 og bjuggu þar í fimm góð ár með góðum grönnum, en síðan fluttu þau að Fálkagötu 6, þar sem Jóhanna og börnin búa nú. Sennilega eiga ísland og Kýpur aðeins það eitt sameiginlegt að vera eyjur. Hér var allt svo ólíkt því sem Andreas átti að venjast, fólkið, tungan, veðurfarið, maturinn og ekki síst hefðir og venjur. Okkur hættir svo oft til að dæma allt og alla út frá okkar eigin lífsreynslu,. en gleymum því svo oft að annars staðar eru í gildi aðrar hefðir og reglur sem eru okkur framandi. Andreas hafði sterkar tilfinningar til föðurlandsins og fólksins síns. Hann fór oft heim til sín og tók fjölskylduna með sér. Þar var hann í sínu rétta umhverfi. Andreas var samviskusamur og duglegur maður. Hann vann alltaf mjög mikið og hlífði sér ekki þrátt fyrir veikindi sem hann átti við að stríða frá unga aldri. Helsta áhugamál hans var stang- veiði, en hann hafði mikla ánægju af veiðitúrum. Andreas var myndarlegur maður, suðrænn í útliti, sannur Grikki jafnt utan sem innan. Fyrir þremur árum veiktist Andreas alvarlega og þurfti að líða nær óbærilegar kvalir, jafht andleg- ar sem líkamlegar. í öilurn veikind- um hans stóð Jóhanna við hlið hans og sýndi ótrúlegan styrk og dugn- að. Tryggð hennar og væntumþykja sem hún sýndi Andreas í hans miklu erfiðleikum var einstök. Jóhann Christos, eldri sonur þeirra, hefur reynst foreldrum sínum ótrúlega vel í þeirra miklu erflðleikum. Hann hefur sýnt mikinn þroska þrátt fyr- ir ungan aldur, en mikið hefur verið lagt á herðar hans. í þessi þrjú erfiðu ár hafa starfs- félagar Andreasar hjá Flugleiðum gert allt, sem í þeirra valdi stóð, til að létta þessa þungu byrði, sem á fjölskylduna var lögð. Sá stuðn- ingur og tryggð sem þeir hafa sýnt þeim er einstakur. Mikið hefur verið lagt á foreldra okkar að ganga í gegnum þessar þrengingar með systur okkar og mági. En þau hafa staðið við hlið þeirra eins og alltaf og hvergi bug- ast. Faðir okkar heimsótti Andreas í hverri viku og stundum oftar þessi þrjú ár sem hann var á sjúkrastofn- unum. En hver heimsókn var honum erfið, því það tekur á fólk að þurfa að horfa á astvini sína þjast. Nú eru þrautir elsku vinar okkar á enda og hann hefur öðlast friðinn eina sem gefur honum hvfld frá þjáningum hans og sorgum. Elsku Jóhanna mín, Jói, María og Alexander, megi góður Guð gefa ykkur styrk og þrek til að sigrast á sorginni og til að finna ánægju og gleði aftur. Blessuð sé minning góðs drengs og hvíli hann í friði. Kristín og Áslaug Laugardaginn 5. september var lagður til hinstu hvíldar í griskri mold á eyjunni Kýpur Andreas Lap- as, aðeins 39 ára gamall, eftir nánast óbærileg veikindi sl. 3 ár. Andreas fæddist á eyjunni Kýpur 28. nóv. 1948. 18 ára gamall hélt hann til náms í London og nam flug- virkjun. Dvaldi hann þar í 6 ár, og lauk námi með mjög góðum vitnis- burði. Andreas var góður námsmað- ur, hafði mikla ánægju af alls kyns þrautum og flóknum reiknings- dæmum. í London kynntist hann Jóhönnu Jóhannsdóttur sem síðar varð eiginkona hans og fluttust þau til íslands að námi hans loknu. Andreas fékk vinnu hjá Flugleiðum og starfaði þar í 9 ár og undi hag sínum þar vel. Hjá Flugleiðum átti hann afbragðsvinnufélaga sem kom þó gleggst í ljós í veikindum hans, en þeir sýndu honum og fjölskyldu hans einstaka umhyggju í öllum þessum erfiðleikum. Andreas var nú ekki alltaf sáttur við að dvelja svo langt frá sínu heimalandi enda löndin ólík að sið- um, tungu og menningu. Andreas var skýr í hugsun, og hafði góða kímnigáfu, og hélt sínum skoðunum til streitu. íslendingar átta sig ekki alltaf á hugsunarhætti svo ólíkra þjóða sem Islendingar og Grikkir eru, þess vegna komu oft upp ólík sjónarmið, enda engin ástæða til að vera í einhverjum jákór. Andreas var heimakær og naut sín vel við eldamennsku á grískum réttum eins og Grikkjum er einum lagið. Hann þekkti ógrynni krydd- jurta sem hann notaði óspart í rétti sína, sem brögðuðust afbragðs vel. Andreas og Jóhanna eignuðust 3 börn, Jóhann Kristos 17 ára sem stundar menntaskólanám, Maríu 10 ára og Alexander 6 ára. Eins og fyrr var sagt átti Andre- as f miklum veikindum sfðustu 3 ár ævi sinnar og stóð Jóhanna eigin- kona hans og fjölskylda hennar við hlið hans og studdu og gerðu allt sem f þeirra valdi stóð til að gera honum lífið léttbærara. Andreas á aldraða foreldra á lífi á Kýþur og tvær systur. Er hann. nú kominn heim eftir langa útivist. Blessuð sé minning hans. Elsku Jóhanna mín og börn, ég votta ykkur innilega samúð mína í þessum erfiðleikum. M.S. Kveðja frá Flugvirkjafélaginu Til moldar er nú borinn á fæðing- arstað sínum Andreas Christou Lapas flugvirki. Hann fæddist í Nikósíu á Kýpur 22. nóvember 1948. Sonur hjónanna Christos Lapas, starfsmanns landbúnaðar- ráðuneytisins þar, og Maríu konu hans. Ekki kann ég sögu hans þar frekar þar til hann hverfur til náms í London og innritast að loknu und- irbúningsnámi í The College of Aeronautical and Automobile Eng- ineering 11. nóvember 1969. Ekki tók Andreas með sér gilda sjóði að heiman því að allan tímann sem hann var við nám í London, vann hann með skólanum. í London kynntist Andreas eftirlifandi konu sinni, Jóhönnu Jóhannsdóttur, og gengu þau í hjónaband 21. desem- ber 1968. Að loknu flugvirkjanámi Andreasar fluttu þau hjón til ís- lands. Þá var erfitt að fá vinnu við flugvirkjun svo að Andreas hóf störf hjá vélaverkstæðinu Kistufell þar til 1. maí 1973 að hann fékk starf við flugvirkjun hjá flugfélaginu Vængir. Vinnuaðstaða flugvirkja var lengi slæm og mjög kaldsamt á vetrum að gegna nákvæmnis- vinnu í óupphituðum flugskýlum eða jafnvel úti í hvaða veðri sem var. Frá þessum tíma minntist Andreas þó sérstaklega Erlings Jó- hannessonar, sem velgjörðarmanns síns, en hann var þá yfirflugvirki Vængja. í ársbyrjun 1977 fékk Andreas flugvirkjastarf hjá Flug- leiðum. Það varð mikil breyting á vinnuaðstöðu hans þar sem þá var verið að taka í notkun nýja verk- stæðisbyggingu eftir að gamla verkstæðið ásamt flugskýli höfðu brunnið á Reykjavíkurflugvelli. Andreas fékk sveinsréttindi í flug- virkjun í júlí 1977 og starfaði alla tíð síðan í iðngrein sinni hjá Flug- leiðum. Starf hans hjá Flugleiðum einkenndist af iðni og samvisku- semi. Aldrei varð þess vart að hann hlífði sér við vinnu þótt hann ætti alltaf við erfiðan sjúkdóm að stríða. Líklega hefur enginn af samstarfs- mönnum hans vitað af sjúkdómi hans fyrr en eftir að hann gekkst undir uppskurð f nóvember 1984. Hann átti ekki afturkvæmt til starfa eftir það. Við félagar í Flugvirkjafélaginu þökkum samferðina með góðtim dreng og vottum Jóhönnu, börnum þeirra og fjölskyldu innilega samúð á þessum erfiðu tímum. O.Á.P. + Móðir okkar, SOIMJA GÍSLADÓTTIR hjúkrunarkona, andaoist í Landakotsspitalanum í Reykjavik 7. september. Jarðarförin verður augiýst síðar. Eva Geirsdóttir, Jón Geirsson, Sturla Geirsson, Þóra Geirsdóttir.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.