Morgunblaðið - 10.09.1987, Page 52

MORGUNBLAÐIÐ, FIMMTUDAGUR 10. SEPTEMBER 1987
Minning:
Andreas Lapas
flugvirki
Fæddur 28. september
1948
Dáinn 29. ágúst 1987
Andreas Lapas fæddist 28. sept-
ember 1948 í Nicosiu á eynni
Kýpur. Foreldrar hans, sem eru
bæði grískrar ættar, eru Christos
trésmiður Lapas og kona hans,
Maria Lapaz, sem rekur saumastofu
í Nicosiu. Þau hjón eiga auk Andre-
asar tvær dætur, Anthollu, skrif-
stofustúlku á Kýpur, gift og á tvö
böm, o g Helenu, kennara sem starf-
ar á vegum gríska menntamála-
ráðuneytisins í Aþenu, gift Nicosi,
frettamanni hjá gríska sjónvarpinu.
Þau eiga einn son. Er Andreas, eða
Andrew einsog hann var kallaður
hér, hafði lokið skólanámi á Kýpur
árið 1966, hélt hann til London til
náms í flugvirkjun i College of
Aeronautical and Automobile Eng-
ineering í Chelsea, London, og lauk
þar námi með prýði árið 1972.
Andrew var góður námsmaður og
gekk námið vel. Hann fékk styrki
frá breska ríkinu í tvö ár en að
öðru leyti kostaði hann nám sitt
sjálfur.
Árið eftir að Andrew kom til
London kynntist hann íslenskri
stúlku sem þar vann, Jóhönnu Jó-
hannsdóttur. Hún er dóttir hjón-
anna Jóhanns Magnússonar,
skipstjóra og síðar hafnsögumanns
í Reykjavík, og konu hans Margrét-
ar Sigurðardóttur. Andrew og
Jóhanna crenem í hiónaband 21.
Sporðagrunni 10. Síðar keyptu þau
íbúð á Lynghaga 14 en fluttu seinna
í eigin íbúð á Fálkagötu 6. Þar býr
Jóhanna enn með þremur bömum
sínum, Jóhanni Christos, 17 ára
menntaskólanema, Maríu 10 ára
og Alexander 6 ára.
Fyrst eftir að Andrew kom til
íslands var ekkert fast starf fáan-
legt við flugvirkjun. En í stað þess
að gefast upp tók hann að sér starf
á Vélaverkstæðinu Kistufelli fyrsta
veturinn. Síðar fékk hann starf sem
flugvirki hjá flugfélaginu Vængj-
um. Þar vann hann í tvö ár.
Eftir það starfaði hann hjá Flug-
leiðum þar til hann veiktist alvar-
lega árið 1984. Þessi erfíðu veikindi
hafa reynt mikið á aðstandendur
Andrews og ástvini en Jóhanna
hefur sýnt óbilandi kjark og þraut-
seigju.
Hér að framan hefur verið laus-
lega drepið á lífsferil Andreasar
Lapaz. Hann reyndi margt. Lenti
hann á unglingsámm í þeirri upp-
lausn og óreiðu sem fylgdi stríði
Tyrkja og Grikkja á Kýpur. Fer
síðan til náms í Bretlandi tæpra 18
ára og er þar í sex ár og flyst svo
til íslands og eignast þar heimili.
Vinnur níu ár hjá Flugleiðum, með-
al annars í Alsír og Nígeríu. Á alltof
stuttri ævi reyndi hann meira en
margur annar sem gefínn er meiri
tími.
Til að gera langa sögu stutta er
við hæfi að vitna í þjóðskáldið Jón-
svefnugum segg,
er sjötugur hjarði.
Ég votta Jóhönnu og bömum
hennar innilega samúð mína og fjöl-
skyldu minnar.
Brynjólfur Ingólfsson
Laugardaginn 5. september var
mágur okkar, Andreas Lapas, jarð-
settur á grísku eyjunni Kýpur,
aðeins 39 ára gamall.
Andreas var fæddur í Nikósíu á
Kýpur 28. nóvember 1948. Foreldr-
ar hans em María og Christos
Lapas, en þau em grískir Kýpurbú-
ar. Christos er trésmiður og rak
sitt eigið verkstæði þar til hann lét
af störfum vegna aldurs. María er
saumakona og hafði hún nokkrar
stúlkur í vinnu þegar hún starfaði
við sauma. Andreas á tvær systur,
þær Anthoullu og Helenu. Antho-
ulla er skrífstofustúlka og býr á
Kýpur. Hún er gift Louise, sem er
verslunarmaður og eiga þau tvo
syni. Helena er kennari en starfar
í gríska menntamálaráðuneytinu og
býr í Aþenu. Hún er gift Nikos, sem
er fréttamaður hjá gríska sjón-
varpinu. Þau eiga einn son. Andreas
var alinn upp hjá foreldmm sínum,
en einnig um tíma hjá móðursystur
sinni og manni hennar. Amma
Andreasar bjó á heimili foreldra
hans þegar hann var bam. Hún var
honum mjög kær, en ömmur gegna
mikilvægu hlutverki í lífí bama á
Kýpur.
Þegar Andreas hafði iokið al-
mennri skólagöngu á Kýpur 18 ára
gamall, hélt hann til Englands til
að læra flugvirkjun. Hann dvaldi
þar næstu sex árin og lauk námi í
flugvirkjun frá The College of Aero-
nautical and Automobile Engineer-
ing, Chelsea, London, með góðum
árangri, en Andreas var ágætur
námsmaður. Andreas fór aðeins
einu sinni til Kýpur meðan á náms-
tímanum stóð. Hann fékk engin
námslán né önnur lán. í tvö ár fékk
hann styrk frá enska ríkinu, en að
öðru leyti fjármagnaði hann sitt
nám sjálfur með vinnu á kvöldin
og um helgar. Ári eftir að Andreas
kom til Englands hitti hann systur
okkar, Jóhönnu Jóhannsdóttur, sem
síðar varð eiginkona hans.
Þau fluttu til íslands eftir að
Andreas lauk námi árið 1972. Þeg-
ar heim var komið var enga vinnu
við flugvirkjun að fá, þess í stað
fékk hann vinnu hjá vélaverkstæð-
inu Kistufelli og vann hann þar í
einn vetur. Vorið eftir réðst hann
til starfa hjá flugfélaginu Vængjum
og starfaði sem flugvirki þar í tvö
ár. Þá fékk hann vinnu hjá Flugleið-
um og var það starf mjög kærkom-
ið. Þar starfaði hann í níu ár.
Andreas kvæntist systur okkar,
Jóhönnu, 21. desember 1968. Þau
eignuðust þrjú böm, Jóhann Christ-
os 17 ára menntaskólanema, Maríu
10 ára og Alexander 6 ára. Fyrstu
fímm hjúskaparár sín leigðu þau
hjá foreldrum okkar á Sporða-
grunni 10. Þá keyptu þau sér íbúð
á Lynghaga 14 og bjuggu þar í
fímm góð ár með góðum grönnum,
en síðan fluttu þau að Fálkagötu
6, þar sem Jóhanna og bömin búa
nú.
Sennilega eiga ísland og Kýpur
aðeins það eitt sameiginlegt að vera
eyjur. Hér var allt svo ólíkt því sem
Andreas átti að venjast, fólkið,
tungan, veðurfarið, maturinn og
ekki síst hefðir og venjur. Okkur
hættir svo oft til að dæma allt og
alla út frá okkar eigin lífsreynslu,
en gleymum því svo oft að annars
staðar em í gildi aðrar hefðir og
reglur sem em okkur framandi.
Andreas hafði sterkar tilfínningar
til föðurlandsins og fólksins síns.
Hann fór oft heim til sín og tók
fjölskylduna með sér. Þar var hann
í sínu rétta umhverfí.
Andreas var samviskusamur og
duglegur maður. Hann vann alltaf
mjög mikið og hlífði sér ekki þrátt
fyrir veikindi sem hann átti við að
stríða frá unga aldri.
Helsta áhugamál hans var stang-
veiði, en hann hafði mikla ánægju
af veiðitúmm.
Andreas var myndarlegur maður,
suðrænn í útliti, sannur Grikki jafnt
utan sem innan.
Fyrir þremur ámm veiktist
Andreas alvarlega og þurfti að líða
nær óbærilegar kvalir, jafnt andleg-
ar sem líkamlegar. í öllum veikind-
um hans stóð Jóhanna við hlið hans
og sýndi ótrúlegan styrk og dugn-
að. Tryggð hennar og væntumþykja
sem hún sýndi Andreas í hans miklu
erfiðleikum var einstök. Jóhann
Christos, eldri sonur þeirra, hefur
reynst foreldmm sínum ótrúlega
vel í þeirra miklu erfíðleikum. Hann
hefur sýnt mikinn þroska þrátt fyr-
ir ungan aldur, en mikið hefur verið
lagt á herðar hans.
í þessi þijú erfíðu ár hafa starfs-
félagar Andreasar hjá Flugleiðum
gert alit, sem í þeirra valdi stóð,
til að létta þessa þungu byrði, sem
á fjölskylduna var lögð. Sá stuðn-
ingur og tiyggð sem þeir hafa sýnt
þeim er einstakur.
Mikið hefur verið lagt á foreldra
okkar að ganga í gegnum þessar
þrengingar með systur okkar og
mági. En þau hafa staðið við hlið
þeirra eins og alltaf og hvergi bug-
ast. Faðir okkar heimsótti Andreas
í hverri viku og stundum oftar þessi
þijú ár sem hann var á sjúkrastofn-
unum. En hver heimsókn var
honum erfíð, því það tekur á fólk
að þurfa að horfa á ástvini sína
þjást.
Nú em þrautir elsku vinar okkar
á enda og hann hefur öðlast friðinn
eina sem gefur honum hvfld frá
þjáningum hans og sorgum.
Elsku Jóhanna mín, Jói, María
og Alexander, megi góður Guð gefa
ykkur styrk og þrek til að sigrast
á sorginni og til að fínna ánægju
og gleði aftur.
Blessuð sé minning góðs drengs
og hvfli hann í friði.
Kristín og Áslaug
Laugardaginn 5. september var
lagður til hinstu hvfldar í grískri
mold á eyjunni Kýpur Andreas Lap-
as, aðeins 39 ára gamall, eftir
nánast óbærileg veikindi sl. 3 ár.
Andreas fæddist á eyjunni Kýpur
28. nóv. 1948. 18 ára gamall hélt
hann til náms í London og nam flug-
virkjun. Dvaldi hann þar í 6 ár, og
lauk námi með mjög góðum vitnis-
burði. Andreas var góður námsmað-
ur, hafði mikla ánægju af alls kyns
þrautum og flóknum reiknings-
dæmum. í London kynntist hann
Jóhönnu Jóhannsdóttur sem síðar
varð eiginkona hans og fluttust þau
til íslands að námi hans loknu.
Andreas fékk vinnu hjá Flugleiðum
og starfaði þar í 9 ár og undi hag
sínum þar vel. Hjá Flugleiðum átti
hann afbragðsvinnufélaga sem kom
þó gleggst í ljós í veikindum hans,
en þeir sýndu honum og fjölskyldu
hans einstaka umhyggju í öllum
þessum erfíðleikum.
Andreas var nú ekki alltaf sáttur
við að dvelja svo langt frá sínu
heimalandi enda löndin ólík að sið-
um, tungu og menningu. Andreas
var skýr í hugsun, og hafði góða
kímnigáfu, og hélt sínum skoðunum
til streitu. íslendingar átta sig ekki
alltaf á hugsunarhætti svo ólíkra
þjóða sem Islendingar og Grikkir
eru, þess vegna komu oft upp ólík
sjónarmið, enda engin ástæða til
að vera í einhveijum jákór.
Andreas var heimakær og naut
sín vel við eldamennsku á grískum
réttum eins og Grikkjum er einum
lagið. Hann þekkti ógrynni krydd-
jurta sem hann notaði óspart í rétti
sína, sem brögðuðust afbragðs vel.
Andreas og Jóhanna eignuðust 3
böm, Jóhann Kristos 17 ára sem
stundar menntaskólanám, Maríu 10
ára og Alexander 6 ára.
Eins og fyrr var sagt átti Andre-
as í miklum veikindum síðustu 3
ár ævi sinnar og stóð Jóhanna eigin-
kona hans og fjölskylda hennar við
hlið hans og studdu og gerðu allt
sem í þeirra valdi stóð til að gera
honum lífíð léttbærara.
Andreas á aldraða foreldra á lífí
á Kýpur og tvær systur. Er hann
nú kominn heim eftir langa útivist.
Blessuð sé minning hans.
Elsku Jóhanna mín og böm, ég
votta ykkur innilega samúð mína í
þessum erfíðleikum.
M.S.
Kveðja frá
Flugvirkjafélaginu
Til moldar er nú borinn á fæðing-
arstað sínum Andreas Christou
Lapas flugvirki. Hann fæddist í
Nikósíu á Kýpur 22. nóvember
1948. Sonur hjónanna Christos
Lapas, starfsmanns landbúnaðar-
ráðuneytisins þar, og Mariu konu
hans. Ekki kann ég sögu hans þar
frekar þar til hann hverfur til náms
í London og innritast að loknu und-
irbúningsnámi í The College of
Aeronautical and Automobile Eng-
ineering 11. nóvember 1969. Ekki
tók Andreas með sér gilda sjóði að
heiman því að allan tímann sem
hann var við nám í London, vann
hann með skólanum. í London
kynntist Andreas eftirlifandi konu
sinni, Jóhönnu Jóhannsdóttur, og
gengu þau í hjónaband 21. desem-
ber 1968. Að ioknu flugvirkjanámi
Andreasar fluttu þau hjón til ís-
lands. Þá var erfítt að fá vinnu við
flugvirkjun svo að Andreas hóf störf
hjá vélaverkstæðinu Kistufell þar
til 1. maí 1973 að hann fékk starf
við flugvirkjun hjá flugfélaginu
Vængir. Vinnuaðstaða flugvirkja
var lengi slæm og mjög kaldsamt
á vetrum að gegna nákvæmnis-
vinnu í óupphituðum flugskýlum
eða jafnvel úti í hvaða veðri sem
var. Frá þessum tíma minntist
Andreas þó sérstaklega Erlings Jó-
hannessonar, sem velgjörðarmanns
síns, en hann var þá yfirflugvirki
Vængja. í ársbyijun 1977 fékk
Andreas flugvirkjastarf hjá Flug-
leiðum. Það varð mikil breyting á
vinnuaðstöðu hans þar sem þá var
verið að taka í notkun nýja verk-
stæðisbyggingu eftir að gamla
verkstæðið ásamt flugskýli höfðu
brunnið á Reykjavíkurflugvelli.
Andreas fékk sveinsréttindi í flug-
virkjun í júlí 1977 og starfaði alla
tíð síðan í iðngrein sinni hjá Flug-
leiðum. Starf hans hjá Flugleiðum
einkenndist af iðni og samvisku-
semi. Aldrei varð þess vart að hann
hlífði sér við vinnu þótt hann ætti
alltaf við erfíðan sjúkdóm að stríða.
Líklega hefur enginn af samstarfs-
mönnum hans vitað af sjúkdómi
hans fyrr en eftir að hann gekkst
undir uppskurð í nóvember 1984.
Hann átti ekki afturkvæmt til starfa
eftir það.
Við félagar í Flugvirkjafélaginu
þökkum samferðina með góðúm
dreng og vottum Jóhönnu, bömum
þeirra og fjölskyldu innilega samúð
á þessum erfíðu tímum.
O.Á.P.
t
Móðir okkar,
SONJA GÍSLADÓTTIR
hjúkrunarkona,
andaöist i Landakotsspítalanum i Reykjavik 7. september.
Jarðarförin verður auglýst síðar.
Eva Geirsdóttir,
Jón Geirsson,
Sturla Geirsson,
Þóra Geirsdóttir.

desember 1968. Sambúð þeirra var
farsæl og góð og eignuðust þau
þijú böm.
Er Andrew lauk námi fluttu þau
heim og settust að í Reykjavík.
Fyrstu fímm árin bjuggu þau í
leiguíbúð hjá foreldrum Jóhönnu að
as Hallgrímsson:
Hvað er langlífi?
Lífsnautnin fijóva,
alefling andans
og athöfii þörf.
Margoft tvítugur
meir hefur lifað
LYKILLINN AÐ ANÆGJLf-
LEGUM FRÍSTUNDUM
Mekkanó er þroskandi leikfang, sem reynir á huga og
hönd. Þaö ýtir undir hugmyndaflug og sköpunargáfu og
er þvi kjörið fyrir börn á öllum aldri.
Mekkanó ertil i mörgum stærðum og gerðum. Verð frá
kr. 630.-. Póstsendum.