Morgunblaðið - 21.11.1987, Blaðsíða 75
MORGUNBLAÐIÐ, LAUGARDAGUR 21. NÓVEMBER 1987
75
Um illt umtal o g óhróður
Heiðraði Velvakandi.
Um áratugaskeið hafa tíðkast
hér þær venjur, eða öllu heldur
óvenjur, að tala illa um fólk eða
uppnefna það.
Dæmi: 1) Mætur maður og merk-
ur, Stefán Jóhann Stefánsson
forsætisráðherra, varð fyrir slíkum
árásum í lifanda lífi að fátítt mun
og er þó af nógu að taka í þeim
efnum. Nú fær hann ekki einu sinni
að hvíla í friði í gröf sinni eins og
alkunna er. Hér skal aðeins minnst
á tvennt, sem stjóm St. J. St. kom
til leiðar og ég vil nefna afreks-
verk: Hið fyrra er setning land-
grunnslaganna 1948, sem allar
útfærslur landhelginnar, allt upp í
200 mflur, hafa byggst á. Hið síðara
er inngangan í Atlantshafsbanda-
lagið 1949, en þau samtök hafa
komið í veg fyrir frekari yfírgang
Rússa í hinum vestræna heimi.
2) Um langt skeið var einn merk-
asti stjómmálamaður sem hér hefur
verið uppi, Jón Þorláksson forsætis-
ráðherra og síðar borgarstjóri,
kallaður „urðarmáni íhaldsins" í
blöðum andstæðinga.
3) Um það bil sem núverandi
stjóm var mynduð upphófst heljar-
mikill söngur í blöðum um það að
óhæfa væri, að Jón Baldvin yrði
gerður að kirkjumálaráðherra, því
að hann hefði ekki verið skírður(?)
Þetta varð til þess að doktor Jakob
Jónsson lýsti því yfir í blaði einu,
að hann hefði raunar skírt Jón
Baldvin vestur á ísafírði. En ekki
sáu þeir sem mest höfðu þanið sig
út af þessu, ástæðu til að leiðrétta
sögur sínar.
Ótal önnur dæmi mætti nefna
en hér verður látið staðar numið
að sinni.
Guðm. Guðmundsson
Þessir hríngdu ..
Eyrnalokkur
Eymalokkur tapaðist á Hótel
Sögur föstudaginn 13. nóvember.
Um er að ræða ættargrip sem er
sárt saknað. Finnandi er vinsam-
legast beðinn að hringja í
Ragnheiði í síma 12095.
Hnappagöt
Kona hringdi og spurðist fyrir
um hvar hægt væri að fá gerð
happagöt og er þeirri fyrirspum
hér með komið á framfæri.
Gula línan - góö
þjónusta
Þórhildur hringdi:
„Ég vil koma á framfæri þökk-
um til Gulu línunar fyrir mjög
góða þjónustu. Ég hef tvisvar
þurft að leita til þeirra og höfðu
þeir töluvert fyrir því að afla upp-
lýsinga fyrir mig í síðara skiptið.
Þjónustan þama er til fyrirmynd-
ar.“
Armband
„Gullarmband með munstri
tapaðist hinn 7. þ.m. á Hótel Loft-
leiðum eða þar í grennd. Finnandi
er vinsamlegast beðinn að hringja
í síma 21024.
Tjarnarbakkinn
ekki rétti
staðurinn
Guðrún Möller hringdi:
„Ráðhúsið, sem nú er svo mikið
talað um, er glæsilegt hús en
'Ijamarbakkinn er ekki rétti stað-
urinn fyrir það. Þama yrði ein-
faldlega alltof þröngt um þetta
hús. Þá tel ég að Tjamargatan
og Fríkirkjuvegurinn myndu ekki
standa undir þeim umferðarþunga
sem skapaðist ef ráðhúsið yrði
reist þama.“
Peningaveski
tapaðist í
strætisvagni
Fjórtán ára stúlka týndi á fímmtu-
dag veski með peningum í strætis-
vagni. Þetta gerðist í leið 7 milli
klukkan 16 og 17 á leiðinni frá
Kringlunni að Elliheimilinu
Gmnd. Veskið er grænt með renn-
ilás. Peningamir í veskinu voru
andvirði happdrættismiða, sem
stúlkan var að selja. Finnandi er
vinsamlegast beðinn að hafa sam-
band í síma 15621.
Hanskar
„Rauðbrúnir hanskar töpuðust
á Grettirsgötu sl. sunnudag.
Finnandi er vinsamlegast beðinn
að hringjaí Soffíu í síma 35160.
Brúnn leðurjakki
„Brúnn leðurjakki tapaðist
laugardaginn 7. nóvember að
líkindum á bflaplaninu við hjóna-
garða eða á Aragötu. Finnandi
er vinsamlegast beðinn að hringja
í síma 11245. Fundarlaun.
Bætum
umf erðarmenn-
inguna
Ökumaður hringdi:
„í þættinum 19:19 á Stöð 2 sl.
miðvikudagskvöld var rætt um
umferðarmenninguna hér á Fróni
og kom mönnum saman um að
hún væri ekki til fyrirmyndar. Ég
hef ekið töluvert erlendis, bæði í
Danmörku og Noregi, og verð ég
að segia að umferðarmenningin
hér á Islandi stenst illa saman-
burðinn. Hér troðast allir áfram
og margir telja það langt fyrir
neðan sína virðingu að sína
minnstu biðlund eða tillitsemi.
Það fer ekki á milli mála að við
íslendingar getum bætt okkur að
þessu leyti og ættu allir ökumenn
að líta í eigin barm og bæta sitt
framlag til umferðarmenningar
okkar. Það myndi áreiðanlega
auka öryggið í umferðinni."
CANNÖN
RoyalFkmily.
Amerísku handklæðin á góðu verði
Stór498kr. Lrtil398kr.
Góðar vörur á góðu verði
— það borgar sig
Opið í dag laugardag frá kl. 10-4
KÚPLINGSPRESSUR
KÚPLINGSDISKAR
KÚPLINGSLEGUR
Fyrir flestar tegundir
evrópskra og japanskra
fólks- og vörubifreiða.
Útvegum í allar helstu tegundir
fólks- og vörubifreiða.
Þeiœing Reynsla Þjónusta
FALKIN N
SUÐURLANDSBRAUT 8. SÍMI 84670