Morgunblaðið - 23.10.1997, Síða 11

MORGUNBLAÐIÐ
FIMMTUDAGUR 23. OKTÓBER 1997 11
Árni Sigfússon, oddviti sjáifstæðismanna í borgarstjórn Reykjavíkur
Til árangurs
Ágætu Reykvíkingar!
Prófkjör okkar sjálfstæðismanna í Reykjavík hefst á morgun og stendur fram á laugar-
dag. Ég hvet ykkur til að nýta þetta tækifæri til að velja þann hóp sem þið teljið sigur-
stranglegastan í næstu borgarstjórnarkosningum.
Undanfarna daga hef ég hitt fjölda fólks sem þakkar fyrir það lýðræði sem haft er við
val á borgarfulltrúum Sjálfstæðisflokksins. Ég finn mikinn meðbyr. Fólk er vonsvikið
vegna svikinna loforða og skattahækkana R-listans. Ekki bætir úr skák hvernig sá
hópur raðar á framboðslista eftir lokuðu pólitísku skömmtunarkerfi.
Viðmælendur mínir bera mikið traust til þeirra einstaklinga sem nú bjóðast til að
skipa borgarstjórnarflokk sjálfstæðismanna. Þar er að finna ný andlit atorkufólks
ásamt reyndum stjórnmálamönnum.
Ég veit hvernig við gerum borgarkerfið skilvirkara og ódýrara í rekstri, sem er
forsenda þess að álögur á Reykvíkinga lækki. Ég veit hvernig við eigum að bæta
menntun, sem er forsenda betri atvinnutækifæra.
Ég vil að barátta okkar fyrir kjörum aldraðra og þeirra sem verst eru settir verði
aðalsmerki okkar sjálfstæðismanna.
Þar sem ég hef haft forystu hefur árangur náðst.
Ég býðst til að veita sjálfstæðismönnum forystu sem næsti borgarstjóri Reykvíkinga.
Til þess þarf ég stuðning ykkar, fyrst í prófkjörinu, síðan í kosningunum í vor.
Með baráttukveðju,