Morgunblaðið - 11.11.1997, Side 10

10 ÞRIÐJUDAGUR 11. NÓVEMBER 1997
MORGUNBLAÐIÐ
FRÉTTIR
Morgunblaðið/Jón Svavarsson
MENN sem grunaðir eru um innbrot í Hafnarfirði sinntu ekki
stöðvunarmerkjum lögreglu þar í bæ og endaði ferðin er bíll
þeirra skemmdist á umferðareyju í Reykjavík.
Eltir til Reykjavíkur
GERÐ var krafa í gær um gæslu-
varðhald yfír tveimur mönnum sem
grunaðir eru um innbrot í Hafnar-
firði. Lögreglan í Hafnarfírði hugðist
stöðva mennina þar sem þeir voru á
ferð í bíl í bænum í fyrrakvöld en
þeir sinntu ekki stöðvunarmerkjum
hennar og óku á ofsahraða til
Reykjavíkur.
Samkvæmt upplýsingum lögregl-
unnar í Hafnarfírði hugðist lögreglan
ná tali af mönnum sem voru á ferð
í bænum á sunnudagskvöld vegna
gruns um afbrot þeirra. Sinntu þeir
í engu stöðvunarmerkjum lögreglu
og óku rakleiðis út úr bænum, gegn-
um Kópavog og til Reykjavíkur, á
130-140 km hraða á stundum, og
endaði ferð þeirra er bfllinn lenti á
umferðareyju vestarlega á Hring-
braut. Hafði lögregla í Kópavogi og
Reykjavik þá einnig skorist í leikinn
en bíllinn rakst utan í tvo bíla. Var
ökumaður einnig grunaður um ölvun.
Rannsóknarlögreglan í Hafnar-
fírði er með málið í rannsókn og
krafðist í gær gæsluvarðhalds yfir
mönnunum tveimur.
Fyrst og fremst
fréttablað
NÝJA Mánudags-
blaðið kom út í
fyrsta skipti síð-
astliðinn laugar-
dag. Það er 12 síð-
ur og er fyrst og
fremst fréttablað,
að sögn Sigurjóns
M. Egilssonar, rit-
stjóra.
Með fréttablaði
segist hann eiga
við að ekki sé lögð sérstök áhersla
á eitthvert eitt mál á forsíðu. Þess
vegna sé blaðið enginn arftaki
Helgarpóstsins heldur geri það út
á annan fréttamarkað. Hins vegar
er einn efnisþátturinn í blaðinu,
Risasteypan, afkvæmi Gulu press-
unnar í fyrri vikublöðum, segir
Siguijón. Hann sagði að blaðinu
væri heldur ekki ætlað að taka upp
merki þess Mánudagsblaðs sem
gefið var út hér á landi fyrr á
árum.
Hlutafé Nýja Mánudagsblaðsins
er 2,5 milljónir króna. Ritstjórinn
segir það nægja til að standa
straum af útgáfukostnaði fram
yfir áramót, því
blaðið er unnið
með tækjum sem
Siguijón og aðrir
aðstandendur
blaðsins eiga og
leggjatil. „Við
þurftum að kaupa
tvö skrifborð, þau
kostuðu 16 þúsund
krónur,“ sagði
hann.
Blaðið er prentað í Isafoldar-
prentsmiðju. Fimm manns starfa
þjá Nýja Mánudagsblaðinu, sem er
til húsa í Síðumúla 15. Þar var rit-
stjóm Tímans áður til húsa. Sigur-
jón óskaði eftir að fram kæmi að
hann hefði farið að óskum móður
sinnar og loftað vel út áður en
starfsemin hófst.
Hann sagðist hafa verið ánægð-
ur með viðbrögðin við nýja blað-
inu, sem dreift var í 3.000 eintök-
um á sölustaði í Reykjavik. „Vænst
þótti mér um það að ritstjóri Dags
sagði í útvarpinu að Nýja Mánu-
dagsblaðið væri ekkert líkt Degi,“
sagði hann.
Fimm hæða nýbygging fyrirhuguð við Laugaveg
Harðorð mótmæli íbúa
ÍBÚASAMTÖK gamla austurbæj-
arins hafa mótmælt harðlega fyrir-
hugaðri byggingu fímm hæða versl-
unarhúsnæðis á lóð við Laugaveg
53b, en nýbyggingin á að koma í
stað tveggja timburhúsa sem nú eru
á lóðinni. Fulltrúar íbúasamtakanna
mótmæltu við fundarstað skipu-
lagsnefndar Reykjavíkur í Borgar-
túni í gærmorgun þar sem fyrir lá
tillaga um niðurrif húsanna tveggja.
Að sögn Guðrúnar Ágústsdóttur,
formanns skipulagsnefndar, var
afgreiðslu málsins frestað þar sem
tveir fulltrúar í byggingarnefnd
óskuðu frekari upplýsinga um fyrir-
hugaðar framkvæmdir.
Guðrún sagði í samtali við Morg-
unblaðið að eigandi umræddrar lóð-
ar og þeirra húseigna sem á henni
eru hefði óskað eftir að fá að byggja
á henni verslunarhúsnæði.
„Við erum hrifin af því og viljum
að það sé byggt upp öflugt verslun-
arlíf við Laugaveginn, sem er elsta
verslunargata borgarinnar, og sem
er þó í sátt og samlyndi við um-
hverfí sitt og fellur vel að því. Þarna
er um að ræða byggingu sem fer
afar vel í götulínunni á Laugavegin-
um og er ekki hærri en húsin í
nágrenninu og á lóðinni er ekki
meiri nýting en á nágrannalóðum
og í sumum tilvikum mun minni,“
sagði Guðrún.
Hún sagði að vegna mótmæla
næstu nágranna hefði verið óskað
eftir því á fundi skipulagsnefndar
fyrir rúmum hálfum mánuði að
rætt yrði við báða aðila og reynt
að fínna niðurstöðu í málinu. Bygg-
ingaraðilinn hefði fallist á að lækka
framhúsið um 1,65 metra og bak-
húsið um 2,5 metra, auk þess að
flytja húsið austar frá þeim ná-
grönnum sem mótmæla bygging-
unni hvað mest.
„Það er frekar óvenjulegt að
byggingaraðili komi á þennan hátt
jafn vel til móts við þá sem kvarta.
Næstu nágrannar eru hins vegar
ekki sáttir við þetta og mótmæla
enn. Við verðum auðvitað að meta
þetta og það er okkar hlutverk, en
þarna eru tveir aðilar sem hafa
mismunandi skoðanir. Báðir eru
hagsmunaaðilar á svæðinu, og það
er okkar að skera úr um það á
grundvelli aðalskipulags, nýtingar-
hlutfalls og þeirra uppbyggingar-
áætlana í borginni sem við styðj-
umst við,“ sagði Guðrún.
Mogunblaðið/Ásdís
ÍBÚASAMTÖK gamla austurbæjarins stóðu fyrir mótmælum
við fundarstað skipulagsnefndar Reykjavíkur í gærmorgun. Á
myndinni sést Guðrún Ágústsdóttir, formaður skipulagsnefnd-
ar, ræða við mótmælendur áður en fundurinn hófst.
Kaldar kveðjur frá
borgaryfirvöldum
Magnús Skarphéðinsson, einn
talsmanna íbúasamtaka gamla
austurbæjarins, sagði í samtali við
Morgunblaðið að mikill hiti væri í
íbúum vegna þessa máls og kaldar
kveðjur hefðu komið frá borgaryfir-
völdum sem rætt hefði verið við.
„Við héldum að sjónarmið um
íbúavænlegri miðbæ fengju meiri
hljómgrunn hjá borgaryfirvöldum
heldur en verið hefur og erum við
mjög vonsvikin út af því,“ sagði
Magnús.
Hann sagði að upphaflega hefði
íbúum í hverfínu verið kynnt bæði
beint og óbeint að á umræddri lóð
yrði tveggja hæða hús og það hefðu
þeir getað sætt sig við, en ekki þá
fímm hæða byggingu sem nú væri
á teikniborðinu.
„Helst af öllu hefðum við kosið
að gömlu húsin sem þarna eru yrðu
gerð upp í upprunalegum stfl og
verslanir yrðu í þeim áfram. En við
getum svo sem vel skilið að menn
vilji rífa hús þótt það sé sárt en
alls ekki að þama komi einhver
„Berlínarmúr" sem loki upp í þetta
gat sem þarna er. Það eru allir íbú-
ar í hverfinu á móti þessu og ég
veit ekki hverra erinda borgaryfir-
völd ganga í þessu máli. Því miður
eru engar líkur á að það verði frið-
ur um þetta mál nema húsið verði
lækkað niður í tvær hæðir eins og
upphaflega var talað um,“ sagði
Magnús.
Samstaða flokksstjórnar Alþýðuflokks um framboð jafnaðarmanna og félagshyggjufólks
Alþýðuflokkurínn vill
sameiginlegt framboð
ALGJÖR samstaða var á flokks-
stjórnarfundi Alþýðuflokksins um að
veita formanni flokksins umboð til
að hefla undirbúning að sameig-
inlegu framboði jafnaðarmanna og
félagshyggjufólks við næstu alþing-
iskosningar. í ályktun sem samþykkt
var á fundinum segir að sameigin-
legt framboð væri skref í átt að loka-
markmiðinu, einum stórum flokki
jafnaðarmanna.
Sighvatur Björgvinsson, formaður
Alþýðuflokksins, sagði á fundinum
að fólkið í landinu vildi að jafnaðar-
og félagshyggjumenn sameinuðu
krafta sína. Alþýðuflokkurinn ætti
að svara þessum kröfum með skýrum
og afdráttarlausum hætti og með því
að segja: „Ég er reiðubúinn."
Ekki verður annað sagt en að
flokksstjómarfundurinn hafí svarað
kalli formannsins afdráttarlaust. Eft-
ir að tillaga um sameiginlegt framboð
hafði verið lögð fram kom Birgir
Dýrfjörð í ræðustól og sagði að ein-
huga skilaboð Alþýðuflokksins væru
það mikilvægasta sem gæti komið
frá þessum fundi. í komandi viðræð-
um þyrfti formaður flokksins að geta
skýrt frá því að í Alþýðuflokknum
væru menn einhuga um að vinna að
sameiginlegu framboði í næstu al-
þingiskosningum. Eftir þessa ræðu
var ályktun um sameiginlegt framboð
jafnaðarmanna samþykkt með öllum
greiddum atkvæðum.
Fyrr á fundinum kynntu fulltrúar
Grósku þá Opnu bók sem Gróska
hefur nýlega lagt fram. Hólmfríður
Sveinsdóttir stjórnmálafræðingur
sagði að ef sú sameiningarbylgja
sem nú risi á vinstri væng stjómmál-
anna hjaðnaði væri það ekki vegna
málefnanna heldur vegna þess að
hagsmunir einstaklinga yrðu látnir
ráða ferðinni. Hún sagði að ef svo
illa færi myndi eiga sér stað trúnað-
arbrestur milli unga fólksins og
flokkanna.
Vilji til sameiningar
í ályktun um sameiningu jafnað-
armanna segir orðrétt: „Viðræður
um sameiginleg framboð jafnaðar-
manna og félagshyggjufólks í kom-
andi sveitarstjórnarkosningum fara
nú fram í hartnær öllum þéttbýlis-
sveitarfélögum á íslandi. Ákvarðanir
um slík framboð hafa nú þegar ver-
ið teknar í nokkrum þeim íjölmenn-
ustu og eru skammt undan í öðrum.
Flokksstjórnarfundur Alþýðuflokks-
ins haldinn 8. nóvember 1997 fagn-
ar þessari þróun og styður hana.
Hún er til vitnis um mikinn og út-
breiddan vilja fólks til þess að mynda
nýtt og sterkt stjórnmálaafl á ís-
landi í þágu almannahagsmuna til
mótvægis við stjórnmálaflokka sér-
hagsmunanna, sem ráðið hafa ferð-
inni í stjórn landsins síðastliðna sjö
áratugi. Þessi sterki vilji fólksins í
landinu endurspeglast einnig í fjöl-
mörgum skoðanakönnunum sem
staðfesta, að slík róttæk uppstokkun
á flokkakerflnu nýtur stuðnings um
eða yfir 40% kjósenda. Þeir vilja sjá,
að einn stór jafnaðarmannaflokkur
verði kjölfesta íslenskra stjórnmála
á nýrri öld.
Flokksstjóm Alþýðuflokksins vill
að það verði. Flokksstjómin vill, að
öflugur flokkur jafnaðarmanna, sem
byggi á hugmyndum jafnaðarstefnu,
kvenfrelsis og jafnréttis, verði sem
fyrst að veruleika. I senn rökrétt og
óhjákvæmilegt framhald þess sam-
starfs, sem nú er að verða á sveitar-
stjómarvettvangi er, að allir þeir, sem
aðhyllast framangreind sjónarmið,
bjóði fram sameiginlega til alþingis-
kosninganna vorið 1999. Sameiginleg
framboð til alþingiskosninga í öllum
kjördæmum landsins er næsta skref-
ið, sem stíga verður í áttina að loka-
markmiðinu um sameiningu í einum,
stóram flokki jafnaðarmanna. Verði
ekki af slíkum framboðum væri stig-
ið stórt spor til baka í samstarfs- og
samranaferli jafnaðarmanna á Is-
landi og miklum vonbrigðum valdið
þeim flölmenna hópi kjósenda, sem
nú þegar hefur lýst stuðningi sínum
við slík framboð.
Flokksstjómarfundur Alþýðu-
flokksins felur því formanni Alþýðu-
flokksins að hefja nú þegar á vegum
flokksins undirbúning að sameigin-
legu framboði jafnaðarmanna og fé-
lagshyggjufólks við næstu alþingis-
kosningar með viðræðum við aðra
flokka, hópa og samtök, sem leggja
vilja hönd að því verki og með öflugu
kynningar- og áróðursstarfi meðal
almennings í J)ví skyni að fá sem
flesta til liðs. I þeim viðræðum, sem
fram þurfa að fara við undirbúning
sameiginlegs framboðs, þarf að sjálf-
sögðu að ræða ýmis málefni, og ná
um þau sameiginlegri niðurstöðu, en
þar ber að leggja megináherslu á
afmörkuð og skýr viðfangsefni næsta
kjörtímabils, sem sameiginlegt fram-
boð jafnaðarmanna boðar til mót-
vægis við stefnu núverandi ríkis-
stjórnar. Flokksstjórnarfundurinn
telur, að „Viðræðuáætlun" formanns
Alþýðuflokksins og „Hin opna bók“
Grósku séu mikilvægt og málefnalegt
innlegg í þá umræðu án þess að
flokksstjómarfundurinn taki á þessu
stigi málsins efnislega eða bindandi
afstöðu til einstakra atriða, sem þar
er að fínna, enda um umræðugrand-
völl að ræða, en ekki skilmála.
Flokksstjóm Alþýðuflokksins hef-
ur lýst þeirri afdráttarlausu skoðun
sinni, að til sameiginlegs framboðs
jafnaðarmanna eigi að ganga. Undir-
búningur slíks nýs framboðs þarf
óhjákvæmilega talsverðan aðdrag-
anda. Flokksstjómin felur því for-
manni Alþýðuflokksins að kosta
kapps um að fá sem allra fyrst af-
dráttarlaus svör þeirra, sem rætt
hefur verið og rætt verður við, um
afstöðu þeirra til sameiginlegs fram-
boðs jafnaðarmanna og félags-
hyggjufólks í næstu alþingiskosning-
um.“