Morgunblaðið - 19.02.1998, Blaðsíða 38

38 FIMMTUDAGUR 19. FEBRÚAR 1998
MORGUNBLAÐIÐ

STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgríraur B. Geirsson.
RITSTJÓRAR: Matthías Johannessen,
Styrmir Gunnarsson.
BYGGING
SUNDABRAUTAR
BORGARRÁÐSMENN Sjálfstæðisflokksins, Árni Sig-
fússon og Vilhjálmur Þ. Vilhjálmsson, hafa flutt at-
hyglisverða tillögu um könnun á því, hvort unnt sé að fá
einkaaðila til að fjármagna byggingu svonefndrar Sunda-
brautar, þ.e. brýr og vegi yfír Kleppsvík, Gufunes, Álfsnes
og síðar yfir Kollafjörð. Kostnaður er áætlaður 8-9 millj-
arðar króna. Markmiðið er að ljúka verkinu á þremur til
fjórum árum í stað 9-12 ára sem það tæki ef fjármagnað
yrði á vegaáætlun. Þeir Árni og Vilhjálmur telja þessa
framkvæmd forsendu fyrir því, að uppbygging þessa svæð-
is geti hafízt.
Með þessum hætti vilja borgarráðsmennirnir flýta fram-
kvæmdum, sem ekki eru á lista ríkisins um vegagerð.
Einkaaðilar byggi umferðarmannvirkin og annist viðhald í
ákveðinn tíma. Borgin hafí frumkvæðið að framkvæmdun-
um, sem verði kostaðar með notkunargjaldi, sem t.d. ríkið
greiði fyrir hvern bíl. Telja þeir líklegra, að ríkið standi að
slíkri fjármögnun en með framlögum á vegaáætlun.
Hvalfjarðargöngin, sem tekin verða í notkun næsta sum-
ar, eru gerð og kostuð af einkaaðilum. Þegar hugmyndin
um slíka fjármögnun kom fram á sínum tíma höfðu ekki
margir trú á, að hún gæti orðið að veruleika. Það er al-
gengt erlendis, m.a. á Norðurlöndum, að einkaaðilar taki
að sér gerð og rekstur umferðarmannvirkja. Hvalfjarðar-
göngin hafa væntanlega breytt afstöðu manna hér á landi í
þessum efnum. Hugmynd borgarráðsmannanna á fullan
rétt á sér, m.a. vegna þess, að umferðarþunginn inn og út
úr borginni til norðurs er orðinn slíkur, að við það verður
ekki búið til langrar framtíðar. Öngþveiti kemur iðulega
fyrir á Vesturlandsvegi vegna umferðar í Grafarvogs-
hverfí. Að ekki sé minnzt á ástandið við Gullinbrú.
Tími er því til kominn að taka gerð Sundabrautar á dag-
skrá og væntanlega getur sú aðferð, sem Árni Sigfússon og
Vilhjálmur Þ. Vilhjálmsson benda á, flýtt framkvæmdum
við hana um mörg ár.
SVÖR
RÍKISENDURSKOÐUNAR
EINN MIKILVÆGASTI þáttur í störfum Alþingis er
eftirlit með framkvæmdavaldinu. Þess vegna var Rík-
isendurskoðun færð beint undir þingið á sínum tíma og
sinnir hún eftirlitsstörfum með ríkisrekstrinum. Ábyrgð
stofnunarinnar er því mikil og áríðandi, að hún njóti fyllsta
trausts alls almennings, svo og stofnana ríkisins. Ríkisend-
urskoðun verður því að vanda ábendingar sínar, gagnrýni
og tillögur og Alþingi þarf að sjá til þess að þeim sé fram-
fyigt-
I umræðum á Alþingi um málefni ÞÞÞ á Akranesi gagn-
rýndu fjármálaráðherra og dómsmálaráðherra harðlega
skýrslu Ríkisendurskoðunar um meðferð málsins. Dóms-
málaráðherra hélt því m.a. fram, að Ríkisendurskoðun
hefði ekki tekið tillit til lagaákvæða um meðferð slíkra
mála og fjármálaráðherra kvað koma fyrir æ ofan í æ, að
Ríkisendurskoðun græfí undan starfí í ráðuneytunum.
Svör ríkisendurskoðanda hafa birzt í blöðum, m.a. í Morg-
unblaðinu í gær, en eru ekki fyllilega sannfærandi. Því er
nauðsynlegt, að hann veiti ítarlegri skýringar á gagnrýni
sinni.
SKATTAR
BARNAFÓLKS
SAMANBURÐUR á tekjuskattbyrði hjóna með tvö
börn, sem hlutfalls af heildartekjum, innan 29 ríkja
OECD, sýnir, að ísland er í 24. sæti með 12,8% skattbyrði.
Hún er aðeins léttarí í fímm ríkjum, þar af aðeins í tveimur
Evrópuríkjum. Danir tróna á toppnum með 39,5% tekju-
skattbyrði.
Tekjuskattbyrði þessa hóps hérlendis ræðst m.a. af per-
sónuafslætti, barnabótum og því, að tryggingagjöld eru
engin á Islandi. Samanburðurinn tekur aðeins til tekju-
skatta og því væri fróðlegt að fá samanburð milli OECD-
ríkja á heildarskattbyrði, þ.e. á beinum og óbeinum
sköttum og öðrum álögum ríkis og sveitarfélaga. En þessi
samanburður er að minnsta kosti vísbending um að skatt-
byrði sé sízt þyngri hér en annars staðar og hugsanlega
mun léttari, þótt óbeinir skattar yrðu teknir með.
Fram-
kvæmdum
miðar vel
í Sultar-
tanga
FRAMKVÆMDIR eru í fullum
gangi við Sultartangavirkjun.
Þar er unnið við að steypa upp
stöðvarhús, sprengja fyrir að-
rennslisgöngum og grafa 7,2 km
langan frárennslisskurð frá
stöðvarhúsinu að Þjórsá.
Verkið gengur vel, að sögn
Hermanns Sigurðssonar staðar-
stjóra Fossvirkis, og Guðmundur
Björnsson, tæknifræðingur hjá
S.A. verktak, sem annast gerð
frárennslisskurðarins, tók í sama
streng.
Fyrsta haftið í aðrennslisgöng-
um Sultartangavirkjunar var
sprengt síðastliðið haust. Göngin
verða 3,4 km á lengd og segir
Hermann að búið sé að sprengja
um 600 metra. Sprengt er milli
50 og 70 metra haft á viku og er
verkið á áætlun. Byijað er að
sprengja efri hlutann, 7,5 m á
hæð, en neðri hlutinn verður
sprengdur þegar gat er komið í
gegn. Hæðin á göngunum verður
15 metrar. Vinna við ganga-
munnann að norðanverðu, frá
lóninu, miðar á þann veg að þar
er nú allt tilbúið undir borun og
sprengingar. Stefnt er að því að
unnið verði frá báðum endum í
sumar. Rúmmálið af grjóti sem
verður fjarlægt úr göngunum er
meira en fjarlægt var úr Hval-
fjarðargöngunum.
Tvær millj. rúmmetra
jarðvegs fluttar
Vinna við stöðvarhúsið hófst
sl. haust. Þar eru milli 30-40
manns við störf og segir Her-
mann að verkið sé dálítið á eftir
áætlun. Alls eru um 90 manns á
vegum Fossvirkis í Sultartanga.
Guðmundur Björnsson, tækni-
fræðingur S.A. verktaks, sem er
sameiginlegt fyrirtæki Suður-
verks og Arnarfells, segir að
gerð frárennslisskurðarins gangi
þokkalega. Búið er að sprengja
einn kílómetra í föstu bergi, um
160.000 rúmmetra, og búið er að
grafa lausu efni ofan af öllum
skurðinum, eða rúmlega einni
milljón rúmmetra af lausu efni.
Samtals þarf að flytja 1,3 milljón-
ir rúmmetra af lausu efni úr
skurðinum og 1,7 milljón
rúmmetra af föstu bergi sem
verður sprengt. Unnið er allan
sólarhringinn og sprengt tvisvar
til þrisvar á sólarhring. Áætlað
er að verkinu verði lokið í októ-
berlok 1999.
SÉÐ yfir
MILLI 30 og 40 manns vinna við byggingu stöðvarhússins.