Morgunblaðið - 20.03.1998, Blaðsíða 43

MORGUNBLAÐIÐ
AÐSENDAR GREINAR
FÖSTUDAGUR 20. MARZ 1998 43
Heimsmethafí í útlegð
vegna aðstöðuleysis á Islandi
VALA Flosadóttir
hefír vakið heimsathygli
á undanförnum vikum
með frábærum árangri
og íþróttamannslegri
framkomu sinni í alla
staði. Tvö heimsmet
hennar hafa sett punkt-
inn yfír i-ið. Það hefur
líka vakið heimsathygli
að Vala býr í Svíþjóð
vegna þess að hún hefur
enga aðstöðu til æfinga á
íslandi. Mesta afreks-
kona íslands í íþróttum
fyrr og síðar er i útlegð
vegna aðstöðuleysis fyrir
íþrótt hennar. Þetta er
nöturleg staðreynd sem
nánar verður fjallað um hér að neðan.
Óbreytt innanhússaðstaða
í Reykjavík í 35 ár
Eftir að verulegar endurbætur
voru gerðar á utanhússaðstöðu
frjálsíþróttamanna á Laugardals-
velli hafa frjálsíþróttamenn þrýst á
um bætta aðstöðu til æfinga og
keppni innanhúss fyrir sínar grein-
ar og ekki að ástæðulausu. Þörfin
fyrir hús í Reykjavík sem hýst gæti
löglegan frjálsíþróttavöli með 200 m
hringbraut og alla aðra aðstöðu til
mótahalds á öllum stigum og æfinga
fyrir alla aldurshópa er gríðarleg.
Eina sérhæfða innanhússaðstaðan
fyrir frjálsíþróttir er undir stúku
Laugardalsvallar þar sem aðeins er
hægt að æfa og keppa í þriðjungi
þeirra greina sem keppt er í á al-
þjóðlegum mótum. Þessa aðstöðu
hafa frjálsíþróttamenn þurft að búa
við sl. 35 ár. Fyrir
þrjátíu og fimm árum
var ekkert hús með
löglegan handboltavöll
á landinu. Hvað skyldu
þau vera mörg í dag?
Tugir íþróttahúsa hafa
bæst við í borginni fyr-
ir handbolta,
körfuknattleik og blak
á sama tíma og ekkert
hefur gerst í innan-
hússaðstöðumálum fyr-
ir frjálsíþróttir. Þetta
hefur leitt til þess að
flest af besta frjálsí-
þróttafólki landsins
dvelur erlendis megnið
af sínum ferli og vegna
aðstöðuleysis fer íþróttin sem slík
mjög halloka í samkeppninni við
aðrar íþróttir um hylli iðkenda yfir
vetrarmánuðina.
Ekki fleiri kynslóðir
afreksmanna í útlegð
Vala Flosadóttir, eini heimsmet-
hafi Islendinga fyrr og síðar, segist
ekki flytjast til íslands í bráð þar
sem hún hafi enga aðstöðu til að
æfa við hér heima. Þórey Edda
Elísdóttir, fjórða besta stangar-
stökkskona Norðurlanda, æfir við
bágar aðstæður hér og þjálfari Völu
fullyrðir að framfarir Þóreyjar
verði ekki miklar vegna aðstöðu-
leysisins sem hún býr við. Jón Arn-
ar Magnússon bronsverðlaunahafi í
sjöþraut innanhúss getur ekki
keppt hér heima innanhúss að neinu
gagni. Hann dvelur langdvölum er-
lendis til að ná að æfa þær greinar
sem annars væru æfðar innanhúss
að vetri til, væri hér til almennilegt
hús til æfinga og keppni. Guðrún
Arnardóttir dvelur langdvölum er-
lendis til að geta æft við góðar að-
stæður. Heil kynslóð afreksmanna
sem komu á undan Jóni, Völu og
Guðrúnu dvaldi langdvölum erlend-
is, keppti þar og æfði nær allan sinn
feril fyrst og fremst vegna aðstöðu-
leysis heima fyrir. Nú er að koma
upp ný kynslóð, fjölmennur hópur
ungra afreksmanna í frjálsíþróttum
sem við íslendingar munum þurfa
að fylgjast með úr fjarlægð verði
ekki eitthvað gert í aðstöðumálum
fyrir innanhússfrjálsíþróttir.
Frjálsíþróttir eru fjórða út-
breiddasta íþrótt á íslandi og eiga
mestu afreksmenn landsins í íþrótt-
um fyrr og nú. Það er réttlætismál
fyrir frjálsíþróttirnar að þeim sé
búin aðstaða sem sæmir útbreiðsl-
unni og árangrinum.
Innanhússmót í heimsklassa
við bráðbirgðaaðstæður
Islendingar hafa fengið nasaþef-
inn af því sem koma skal í móta-
haldi innanhúss í frjálsíþróttum.
IR-ingar hafa sýnt fram á með
framkvæmd þriggja stórglæsilegra
alþjóðlegi-a innanhússmóta á und-
anförnu ári að Islendingar eru færir
um að halda glæsileg frjálsíþrótta-
mót. Með ærnum tilkostnaði og fyr-
irhöfn var Laugardalshöllinni
breytt í frjálsíþróttaaðstöðu fyrir
nokkrar greinar frjálsíþrótta. Á öll-
um mótunum sýndu íslenskir af-
reksmenn hvers þeir eru megnugir
í keppni við heimsmeistara, ólymp-
íumeistara og Evrópumeistara.
Evrópumet og Norðurlandamet
féllu, reynt var við heimsmet og
gríðarleg stemmning var í höllinni í
Frj álsíþr óttamenn
hvetja borgaryfírvöld,
segir Þráinn Hafsteins-
son, til að byggja fjöl-
nota íþrótta- og sýning-
arhús og kalla það því
nafni einnig.
öll skiptin. Tilgangur mótahalds ÍR-
inga hefur m.a. verið að sýna fram á
þörfina fyrir bætta aðstöðu til
keppni og æfinga fyrir frjálsíþrótta-
menn og sanna að við erum menn til
að skipuleggja og halda slík mót
með sóma.
Fyrirheit um betri tíð
frá borgarstjóm
Nú virðist hilla undir betri tíð í
aðstöðumálum fyrir innanhúss-
frjálsíþróttir því forseti borgar-
stjórnar, Guðrún Ágústsdóttir, Al-
freð Þorsteinsson borgarfulltrúi og
Steinunn Valdís Oskarsdóttir for-
maður ÍTR hafa öll lýst því yfir að
stórt fjölnota íþrótta- og sýningar-
hús verði byggt í Reykjavík á næstu
árum. Þeim hefur sumum að vísu
orðið það á að kalla þetta knatt-
spyrnuhús en það hlýtur að vera
einhver misskilningur sem verður
leiðréttur hið fyrsta. Frjálsíþrótta-
menn hvetja borgaryfirvöld til að
byggja fjölnota íþrótta- og sýning-
arhús og kalla það því nafni einnig.
í frjálsíþróttahreyfingunni eru
bundnar miklar vonir við byggingu
þessa húss, sem ef að líkum lætur
inniheldur fyrsta löglega alþjóðlega
keppnisvöll landsins fyrir frjálsí-
þróttir innanhúss. Áðstaða til
keppni og æfinga mun taka stökk-
breytingum. Slíkt hús myndi jafna
aðstöðu okkar íþróttamanna til æf-
inga og keppni miðað við það sem
gerist hjá nágrannaþjóðum okkar.
Það myndi einnig vera stórt skref í
átt að jöfnun á aðstöðu milli íþrótta-
greina á Islandi, en nú stendur að-
staða frjálsíþróttamanna innanhúss
langt að baki aðstöðu iðkenda all-
flestra annarra íþróttagreina sem
stundaðar eru á Islandi. Síðast en
ekki síst myndi slíkt hús skapa nýj-
ar og betri aðstæður fyrir almenn-
ingsíþróttir.
Frumkvæði borgaryflrvalda
fagnaðarefni
Frjálsíþróttaáhugamenn fagna
framkomnum hugmyndum um
byggingu fjölnota íþrótta- og sýn-
ingarhúss í Reykjavík og hvetja
jafnframt borgaryfirvöld til að hafa
gott samstarf við þá aðila sem málið
snýr að, s.s. frjálsíþróttahreyfing-
una. Megi bygging þessa húss verða
til þess að fjölga verulega iðkendum
í umræddum íþróttum og skapa
jafnframt aðstæður fyrir keppnis-
og afreksfólk á öllum stigum til að
æfa og keppa hér heima. Vala
Flosadóttir, við viljum þig og þjálfara
þinn heim í nýtt og glæsilegt hús til
að æfa og keppa í á næstu árum. Við
þurfum að hafa fyrirmyndir unga
fólksins heima, ekki í fjarlægum
löndum vegna þess að ekki sé til boð-
leg aðstaða í okkar ríka samfélagi.
Höfundur er íþróttafræðingur og
formaður nefndar á vegum FRÍum
stefnumótun í innanhússaðstöðu-
málum. 4T*
1.6 lítra
100 hestafla vél
ABS hemlar
2 líknarbelgir
Rafdrifnar rúður framan og aftan
Samlæsing
14“ álfelgur
Opið
laugardag 12-16
sunnudag 13-16
Verð frá: 1.448.000 W.
BRIMB0RG
FAXAFENI 8 • 515 7010
Brimborg-Þórshamar • Tryggvabraut 5
Akureyri • simi 462 2700
Bílasala Keflavíkur • Hafnargötu 90
Reykjanesbæ • simi 421 4444 M