Morgunblaðið - 27.04.1999, Side 76

76 ÞRIÐJUDAGUR 27. APRÍL 1999
MORGUNBLAÐIÐ
FÓLK í FRÉTTUM
Sameinaðir
kraftar
skipta öllu
Svíar hafa náð mun lengra en nágranna-
þjóðirnar í að koma tónlistarmönnum sín-
um á framfæri og nam útflutningurinn 22
milljörðum króna árið 1997. Hildur Lofts-
dóttir hitti Dag Hággqvist formann sam-
bands hljómplötuframleiðenda í Svíþjóð.
FYRIR fimm árum var fyrir-
tækið Export Music stofnað
í Svíþjóð af þarlendum
hljómplötuframleiðendum,
útgefendum, tónskáldum og félagi
hljómlistarmanna. Það hefur haft
stórfelld áhrif á sænskt tónlistarh'f
og tónlistarútflutning að sameina þá
krafta sem áður unnu jafnvel hver á
móti öðrum og fá þá til að vinna ein-
huga að sameiginlegum markmiðum.
„Hæfíleikarnir skipta samt mestu
máli. Export Music hefur auðvitað
ekki skapað vinsældir tónlistar-
manna, heldur aðstoðað þá við að ná
útbreiðslu,“ segir Dag.
ABBA lyfti upp
tónlistariðnaðinum
- Hvers vegna eni sænskir tónlist-
armenn svo vinsælir?
„Vinsældirnar eiga sér langa sögu,
en ABBA hafði ótrúlega mikil áhrif.
Þau sköpuðu jákvætt fordæmi fyrir
aðra tónlistarmenn að reyna fyrir
sér í að semja tónlist sem gæti notið
vinsælda á alþjóðlegum markaði og
um leið lyftist gæðastandardinn á
tónlistariðnaðinum í heild; bæði á
hæfni og atvinnumennsku. Þetta
skipti sköpum. Það má líkja þessu
við þegar Björn Borg var á hátindin-
um og fram komu hundruð nýrra
tennisleikara og auðvitað urðu
nokkrir þeirra mjög góðir líka.
Þið íslendingar hafið komið fram
með það góða og áhugverða tónlist-
armenn, eins og Björk, Sykurmolana
og Mezzoforte, að þið sýnið fram á
að það eru möguleikar á að ná langt
á alþjóðamarkaði. Allir þurfa á
heppni að halda, og ef þið skipulegg-
ið ykkur betur, eru meiri möguleikar
á að heppnin knýi dyra. Þeim mun
betur sem staðið er að hlutunum við-
skiptalega séð, þeim mun meira
verður ykkur ágengt.“
Þjóðfélagið með
á nótunum
- Og hafið þið komið á fót skot-
heldri hernaðaráætlun í markaðs-
málum?
„Eg held að hemaðaráætlunin
sem öllu skiptir sé að sameina alla
sem að tónlist standa til að skapa
eitthvað gott og áhrifaríkt saman.
Það hefur gert það að verkum að
bæði hinni almenni Svíi og stjórn-
málamenn gera sér grein fyrir mikil-
vægi sænska tónlistariðnaðarins. Ég
held að það yrði heillavænlegt fyrir
íslendinga að gera hið sama.“
- Hvert myndir þú álíta að væri
næsta skref fyrir Islendinga í þess-
um málum? Að opna augu stjórn-
málamanna fyrir útflutningsmögu-
leikunum?
„Já; það er mjög mikilvægt skref
fyrir Islendinga. I Svíþjóð eiga stóru
alþjóðaútgáfufyrirtækin um 75-80%
markaðarins. A Islandi eru hins veg-
ar allir hljómplötuútgefendur sjálf-
stæðir og þeim mun meiri ástæða
fyrir stjómvöld að styðja þar við.“
- Hefja Svíar tónlistarferilinn á
sænsku eða er meira um að þeir
syngi eingöngu á ensku með frama í
útlöndum í huga?
„Ég held að ástandið sé mjög heil-
brigt í Svíþjóð hvað þetta varðar.
Tónlistarmenn velja sér það tungu-
mál sem þeir hafa áhuga á að syngja
á. Það er ekki mikið um árekstra
hvað þessi mál varðar, almennt við-
horf er mjög jákvætt til tónlistar-
sköpunar, hvert sem tungumálið er.
Ungur tónlistarmaður vill auðvitað
ná árangri, þótt hann hugsi ekki
strax á heimsmælikvarða. Flestir
era ánægðir með það að verða sæmi-
lega vinsælir bara í Svíþjóð. Það sem
þeir hugsa fyrst og fremst um er að
fá tækifæri til þess að skapa sína
tónlist og geta lifað af því. Markmið-
ið er sjaldnast að verða Paul Simon
eða Julio Iglesias, þó seinna gæti
farið svo að málin þróist í þá átt.“
- Flytur góð tónlist sig ekki út
sjálf? '
„Jú, ef tónlistarmenn finna sér
einhvern umboðsmann erlendis.
Hvað ísland varðar og þá skapandi
hæfileika sem hér er að finna, er
heimamarkaðurinn með eindæmum
lítill, og þess vegna mjög mikilvægt
að stækka markaðinn til þess að
skapa rétt umhverfi þar sem tónlist-
armenn fá almennilega notið sín og
geta lifað af list sinni.“
Morgunblaðið/Halldór
DAG Hággqvist hvetur Islendinga til að stækka tónlistarmarkað sinn.
:• V-,.,
Nokkrir sænskir
tónlistarmenn
sem hafa náð
langt á alþjóða-
markaði.
OABBA ruddi brautina
fyrir komandi kyn-
slóðir tónlistannanna
í Svíþjóð.
OMEJA sló í gegn í
Japan áður en hún
varð vinsæl í Svíþjóð.
OACE OF BASE eru
ein vinsælasta hljóm-
sveit í heimi.
OR0BYN seldi fyrstu
sólóplötuna sína Ro-
byn is Here í milljón-
um eintaka, og ætlar
að syngja inn á fyrstu
sólóplötu Christias
Falk Quel Bordel.