Morgunblaðið - 08.05.1999, Blaðsíða 87
MORGUNBLAÐIÐ
FÓLK í FRÉTTUM
LAUGARDAGUR 8. MAÍ 1999 87
Stutt
Skar af lim
vinar síns
UNGUR og afbrýðisamur
Bangladeshbúi skar af lim vinar
síns eftir að kona sem þeir báðir
elskuðu tók vininn fram yfir hann,
samkvæmt lögreglu þarlendra.
Maruf Ahmed skar liminn af með
eldhúshnífi meðan vinurinn svaf á
hótelherbergi í bæ í Suðvestur-
Bangladesh. Læknum reyndist
ókleift að sauma liminn á aftur.
Störf mæðra
vanmetin
MÆÐUR sinna mörgum störf-
um. Þær eru t.d. kokkar, bók-
haldarar, sálfræðingar, bíl-
stjórar og kennarar. Sam-
kvæmt könnun Edelman-fjár-
öiálafyrirtækisins ættu árslaun
uiæðra að vera yfir 35 milljón-
ir, miðað við meðallaun þeirra
starfa sem þær inna dags dag-
lega af hendi. „Mæður eru á
vakt allan sólarhringinn og við
ákváðum að dæmigerð móðir
væri í 17 fullum störfum,"
sagði Ric Edelman um könnun-
•na. „Niðurstaða okkar er sú
að hversu mikið sem þér finnst
þú skulda móður þinni, þá er
t>að ekki nóg.“
Rokkstjarna
sektuð
YPIRVÖLD í Póllandi hafa
sektað rokkstjörnu fyrir ósæmi-
legt athæfi á verðlaunahátíð sem
fram fór í febrúar. Krzysztof
Skiba, höfuðpaur vinsællar hljóm-
sveitar, gekk á svið, tók niður um
sig buxurnar og sýndi áhorfend-
Ujn beran afturendann, en meðal
þeirra sem fengu að sjá helgidóm-
inn voru forsætisráðherra lands-
ins og frú hans.
Skattlagðar
vændiskonur
VÆNDISKONUR i Brussel
saka yfirvöld um að standa
fyrir vændi og ætla að leggja
fram ákæru á næstunni. Yfír-
völd á Saint-Josse-svæðinu
skylda vændiskonur til að
borga tugi þúsunda á ári í
skatt, eftir stærð sýningar-
glugganna sem þær sýna sig í
fyrir væntanlegum viðskipta-
vinum. Starfsmaður hins opin-
bera segir skattatekjunum
varið til aukinnar löggæslu á
Þeim svæðum sem vændiskon-
Ur starfí. Lögfræðingur kvenn-
anna segir málið eiga eftir að
verða prófmál á réttindi
þeirra, en engin skýr lög eru
td um vændi í Belgíu.
Sophie kemur að
luktum dyrum
ÞRÁTT fyrir að Sophie Rhys Jo-
nes tilheyri brátt bresku kon-
ungsfjölskyldunni þýðir það ekki
að allar dyr standi henni opnar.
Sophie, er mun giftast Edward
Þyins í júní, komst ekki inn á
vinnustað sinn á dögunum því hún
hafði gleymt lyklunum heima.
Hún og lífvörður hennar þurftu að
bíða í tíu mínútur þar til sam-
starfsmann bar að garði og hægt
var að opna fyrir stúlkunni. „Eg
er hér aðeins ykkur til skemmtun-
ar,“ sagði Sophie brosandi við
Ijósmyndara er fylgdu henni eftir
þennan dag.
ERLENDAJR
Ómar Friðleifsson
fjallar um I Am,
breiðskífu rapparans Nas.
Meistaraverk
í textagerð
HANN heitir fullu nafni Nasir
Ben Olu Dara Jones (það er
arabískt ættað nafn og þýðir
hjálpari og verndari) annars kallað-
ur Nasty nas en oftast Nas Escob-
ar. Fæddur á Long Island í New
York og ólst upp í fátækrahverfinu
Queensbridge sem var og virðist
enn vera eitt mesta gettóið í New
York. Þar eru jafnan eiturlyfjasalar
og alls kyns óþjóðalýður á ferli.
Þetta kannast Nas við og rímar á
nýju plötunni um þetta líf sitt sem
ungur drengur, áhorfandi að ógeð-
felldu lífi götufólksins og því sem
fyrir augu hans bar.
Hann gaf sína fyrstu plötu út
1994, þá aðeins 16 ára gamall. Sú
plata ber nafnið „Illmatic" og það
má segja að strax þá hafi hann öðl-
ast frægð og aðdáun margra áhrifa-
mestu manna rappheimsins, enda á
ferðinni snillingur í rími og rappi.
Platan náði gullsölu í Bandaríkjun-
um og fékk frábæra dóma gagn-
í-ýnenda. Henni fylgdi ekki síðri
plata, „It Was Written", sem var þó
á allt öðru plani og með öðruvísi
áherslum og uppbyggingu. Margir
töldu Nas hafa fallið fyrir peningun-
um og frægðinni sem fýlgdi vel-
gengninni sem hann hafði notið eftir
„Illmatic". Hann var af sumum að-
dáendum sínum talinn hafa svikið
lífsstíl götunnar og fært sig yfír í
annan heim, þar sem allt var fullt af
konum, kampavíni, flottum bílum og
síðast en ekki síst peningum. Svo
vai’ þó ekki að flestra mati en auð-
heyrt var að hann vai- ekki eins
harður og beittur í textum „It Was
Written" sem þó seldist í tveimur
milljónum eintaka um heim allan.
Því næst sneri hann sér að öðru
verkefni með röppurunum Foxy
Brown, AZ og Nature og kölluðu
þeir sig The Firm. Samnefnd plata
fjórmenninganna frá 1997 var sann-
arlega ein sú eftirminnilegasta í
rappinu það árið.
Nú, tæpum níu árum eftir út-
komu fyrstu breiðskífunnar, hefur
Nas sent frá sér plötuna „I Am“
sem hann segir vera fyrri hlutann i
tveggja platna pakka en seinni hlut-
inn kemur út hinn 26. október nk.
Þetta er vönduð breiðskífa og líkast
til hans besta til þessa. Á plötunni
nær hann að feta hinn gullna meðal-
veg í smölun og vera jafnframt tnir
sjálfum sér og hér eru sannarlega
til staðar þættir sem ná auðveldlega
til fjöldans enda hefur platan fengið
gríðarlega góðar viðtökur í Banda-
ríkjunum nú þegar, jafnt í sölu sem
og gagnrýni. Þeir sem hjálpa hon-
um að vinna lögin eru engir smá-
kallar í bransanum, m.a. Timbaland,
Dj Premire og Trackmasters, auk
þess sem hann hefur fengið frábært
tónlistarfólk til liðs við sig, t.d.
rapparana DMX, Scarface, Puff
Daddy og söngkonuna Aaliyah.
„Nas I Am“, sem er í dag mest
selda platan í Bandaríkjunum og
hefur á tveimur fyrstu vikunum
verið á toppnum og selst í tæplega
milljón eintökum, hefur einnig ver-
ið tekið vel af flestum plötugagn-
rýnendum enda hér á ferðinni
meistaraverk í textagerð og ekki
verður Nas sakaður um lélega
tækni í rappi. Hann hefur með
nýju plötunni endanlega sett sig á
stall við hliðina á goðinu Rakim
sem er af mörgum talinn vera sá
besti frá upphafi rappsins. Lögin
sem standa uppúr á þessari skífu
eru Ghetto Prisoners sem er ádeila
á bandaríska pólitík, Undying Love
sem er sérstaklega magnað lag og
ekki má gleyma laginu sem nú
heyrist víða um heiminn Hate Me
Now en þar rappar Puff Daddy
lagstúf. Myndbandið við síðast-
nefnda lagið hefur valdið miklum
deilum milli Puff Daddy og Steven
Stoute sem er útgefandi plötunnar,
en hann setti myndbandið af stað í
sjónvarpi án þess að fá fullt leyfi
frá Puff Daddy sem sést krossfest-
ur í myndbandinu. Puffarinn gerði
sér lítið fyrir og stormaði inn á
skrifstofu Stoute og lúbarði hann
ásamt tveimur félögum sínum og á
yfir höfði sér dóm fyrir vikið enda
Stoute á sjúkrahúsi eftir árásina.
Myndbandið er ekki sýnt meðan
ágreiningurinn gengur yfir, en lag-
ið er feitt og þarafleiðandi mjög
heitt um þessar mundir. Einnig má
minnast á frábært og skondið lag *
sem ber nafnið Dr. Knockboot og
að lokum ber að segja frá lögunum
Nas Is Like þar sem hann segir ör-
lítið frá sjálfum sér og We Will
Survive sem er án efa eitt af því
besta sem Nas hefur gert en þar
heiðrar hann minningu 2 Pac og
Biggie. Ekki má gleyma favour for
a favour þar sem Scarface hjálpar
til og You won’t see me tonight
með RB prinsessunni Aaliyah sem
verður væntanlega næsta smá-
skífa. Önnm- lög eru sem og platan
í heild mjög öflug og beitt og hljóð-
blöndunin er líkt og hún gerist best
í heimi tónlistarinnar. Hér er á
ferðinni plata sem hver einasti
rappáhugamaður ætti að eiga við
hliðina á öllum hinum gullmolum
rappsins.
^HORFENDi
iL V:-.. JP^
m Ljfe / ^ JtiS&WSZ. , V •• op' dSjPlS
Að hætti
Jaggers
HÚSFYLLIR var á Rolling Sto-
nes-kvöldi sem haldið var í Vagnin-
um föstudagskvöldið 30. apríl. Þeg-
ar hafði myndast biðröð við dyrnar
áður en húsið var opnað. Þegar
hljómsveitin Cor frá Flateyri og
Ólafur Helgi stigu á svið þá var
ekki laust við að menn fengju á til-
finninguna að sjálf goðin væru við-
stödd miðað við undirtektir áhorf-
enda.
Ólafur Helgi byrjaði á því að
rekja sögu Stones og drengirnir í
Cor tóku hvert lagið á fætur öðru
ásamt Ólafí Helga við mikinn fögn-
uð áhorfenda. Sviðsframkoma
Ólafs Helga þótti ekki ólík tilburð-
um Micks Jaggers og þó sviðið
væri þröngt tókst honum að skapa
ótrúlega stemmningu með tilþrif-
um sínum. Augljóst er að undir
sýslumannsfeldi leynist harður
rokkari.
Á staðnum vora staddir Pétur
Kristjánsson, söngvari, og Ólafur
Páll Gunnarsson úr Rokklandi á
Rás 2. Ólafur Páll flaug gagngert
vestur til að upplifa tónleikana.
Báðir stigu þeir á svið og tóku upp-
áhalds lag sitt úr safni Stones.
Óhætt er að segja að þetta kvöld
muni lengi lifa í manna minnum á
meðan sjálf goðin hafa ekki enn
haldið tónleika sína á Islandi.
Kosningavaka
Frjálslynda flokksins
Reykianes
Fálagsbíó i Reykjanesbæ
Kaffiveitingar fra kl 22.
ísaiiorður
Mjallargata 5. Kaffihlaðborö
og vestfirskur harðfiskur.
Sauðárkrókur
Gúttó á Króknum. Kafh og
kökur. Grillaður fiskur.
Akureyri
Kosningaskrifst. v/Ráðhústorg.
Sterkt kaffi og kæstur hakarl.
Suðurland
Eyrarvegur 25 Selfossi.
Kaffi og kokur fram á rauða nott
Snæiellsbær/Ölafsvík
Engjahlið 10, opið hus, allir
stuðningsmenn velkomnir.
Stuðningsmenn og velunnarar eru velkammr á kosningavúkur um allt lani
Reykjvík ag Reykjanes.
Frjálslyndi flakkurinn verður með kasningavaku á laugar-
dag í Borgartúni B. Húsið verður opið írá kl. 20. Búast
má við fyrstu atkvæðatölum skömmu eftir að kjörstöðum
er lokað Jd 22.
Allir stuðningsmenn og velunnarar flokksins eru velkomnir
á kosningavökuna sem jafnframt ar uppskeruhátið allra
þeirra sem lögðu hönd á plóginn. Ýmsar
skemmtanir og bjór á vægu verði.