Morgunblaðið - 25.01.2000, Page 1
STOFNAÐ 1913
20 TBL. 88. ÁRG.
ÞRIÐJUDAGUR 25. JANÚAR 2000 PRENTSMIÐJA MORGUNBLAÐSINS
Gíslataka í Taflandi
Endurskoðendur fínna fleiri lausa enda í bókhaldi CDU
Níu byssu-
menn
skotnir
Ratchaburi í Taflandi. Reuters.
TAÍLENZKI herinn gerði í nótt
árás á sjúkrahús í borginni Ratcha-
buri, þar sem skæruliðar frá Búrma,
sem sagðir eru úr röðum svokallaðs
„Hers Guðs“, höfðu haldið hundruð-
um manna í gíslingu frá því snemma
í gærmorgun.
Að sögn talsmanns hersins voru
níu byssumenn skotnir til bana í
árásinni og einn handsamaður særð-
ur. Allir gíslarnir, sjúklingar og
starfsfólk sjúkrahússins, voru sagðir
ómeiddir. Sex skæruliðar voru sagð-
ir hafa komizt undan.
„Hefðum við látið ástandið drag-
ast á langinn hefði bara farið verr,“
sagði Akapol Sorasuchart, talsmað-
ur taflenzkra stjórnvalda.
Aður höfðu fréttamenn heyrt
hljóð frá hríðskotarifflum og spreng-
ingar rjúfa næturkyrrðina, mögu-
lega þegar sprengjugildrur sprungu
sem skæruliðar höfðu komið fyrir við
innganga að sjúkrahúsinu.
Préttamenn á staðnum, sem AP
vitnar til, heyrðu í talstöðvarsam-
skiptum lögreglu að ellefu manns
hefðu verið handteknir og tveir
þeirra væru alvarlega slasaðir. Einn
var sagður hafa sloppið og enn væru
sex byssumenn dreifðir um bygging-
ar sjúkrahússins. Fréttamönnum
var bægt frá vettvangi, en fjórir
sjúkrabflar sáust á leið að sjúkrahús-
inu.
■ Allt að 800 manns/24
Uppruni tólf millj-
óna marka óljós
Berlín. AFP, AP.
KRISTILEGIR demókratar í
Þýzkalandi, sem eiga nú í alvarleg-
ustu hneykslismálum í sögu flokks
síns, CDU, greindu frá því í gær að
þeir gætu ekki sagt til um uppruna
samtals tólf milljóna marka sem
flokknum hefðu áskotnazt á tímabil-
inu 1989-1999.
Og þrýstingur jókst á flokkinn er
formaður rannsóknarnefndar þýzka
þingsins, sem byrjuð er að rannsaka
fjármálahneykslið, sagðist þess
fullviss að nafnlausar og þar með
ólöglegar greiðslur í leynisjóði CDU
hafi haft áhrif á pólitískar ákvarðan-
ir rfldsstjómar Helmuts Kohls, sem
sat að völdum til haustsins 1998.
Matthias Wissmann, fjármála-
stjóri CDU, sagði á blaðamanna-
fundi eftir flokksstjórnarfund í Berl-
ín í gær, að endurskoðendur sem
ráðnir hefðu verið sérstaklega til að
fara yfir allt bókhald flokksins hefðu
fundið alls 12,1 milljón marka, and-
virði 460 milljóna króna, sem ekki
væri vitað hvaðan væru upprunnin.
Wissmann sagði að endurskoðun-
arfyrirtækið Ernst & Young hefði
ekki getað skýrt uppruna 2,1 millj-
ónar marka í bókhaldi flokksins fyrir
árin 1993-1998, né heldur þeirra
tæpu tveggja milljóna marka, um 75
milljóna króna, sem Kohl hefur við-
urkennt að hafa tekið við og geymt á
leynilegum sjóðum, þ.e. framhjá
bókhaldi, á þessu tímabili.
Flokksformaðurinn Wolfgang
Scháuble fordæmdi leynisjóðina sem
haldið var úti í kanzlara- og flokks-
formannstíð Kohls. Sagði Scháuble
þá ógn við lýðræðið.
„Ekkert þessu líkt mun endurtaka
sig,“ sagði Scháuble eftir flokks-
stjórnarfundinn, og bætti við að á
síðustu vikum hefði CDU, mesti
þungavigtarflokkur þýzkra stjórn-
mála eftir lok síðari heimsstyrjaldar,
gengið í gegn um mikla eldraun.
Weyrauch mögulega
stefnt, Kohl ekki
Sagði Scháuble að flokkurinn, sem
stendur frammi fyrir því að þurfa að
greiða gríðarháar sektir fyrir brot á
lögum um fjái-mögnun stjómmála-
flokks, yrði að standa þetta af sér.
Sagði hann flokkinn ætla að hefja
nýja áróðursherferð undir slagorð-
inu: „Þetta land þarf á sterkum CDU
að halda.“
Kohl sætir bæði þing- og saka-
rannsókn vegna meintra lögbrota í
tengslum við hina leynilegu sjóði.
Volker Neumann, formaður þing-
rannsóknarnefndarinnar, sagðist í
gær sannfærður um að hið leynilega
fjárstreymi hefði haft áhrif á póli-
tískar ákvarðanir í stjómartíð Kohls.
Sagði Neumann, sem sjálfur er þing-
maður jafnaðarmanna, að það eina
sem væri óljóst væri hvort féð hafi
formlega farið um hendur starfs-
manna flokksins eða ríkisins.
Scháuble sagði að flokksstjómin
væri að íhuga að stefna Horst
Weyrauch, fyrrverandi endurskoð-
anda flokksins, fyiir rétt, og grípa til
allra þeirra ráðstafana sem lög leyfa
til að fá hann til að láta af hendi þær
upplýsingar sem hann býr yfir um
málið. Scháuble sagðist hins vegar
útiloka að flokkurinn höfðaði mál á
hendur Kohl. Menn væm sammála
um að það væri „frekar fáránlegt" að
láta koma til slíks dómsmáls milli
flokksins og mannsins sem fór fyrir
honum í aldarfjórðung. Saksóknar-
ar, sem rannsaka mál Kohls, hafa
ekki útilokað að fara fram á að hann
verði sviptur þinghelgi og húsleit
gerð heima hjá honum.
Einn nánasti samstarfsmaður
Kohls í gegn um árin í forystu CDU,
Norbert Blum, sem var atvinnu-
málaráðherra öll 16 árin sem Kohl
var kanzlari, lýsti því yfir um helgina
og í gær að hann segði skilið við
Kohl. Sagði Blum í viðtali við dag-
blaðið, Die Welt að Kohl væri með
hátterni sínu að stuðla að upplausn
flokksins. Kohl ítrekaði hins vegar
enn á ný um helgina að hann ætlaði
sér aldrei að láta uppi nöfn gefenda
hinna meintu ólöglegu greiðslna.
Hann væri bundinn gefendunum
trúnaðareiði sem hann ryfi ekki.
■ Milljarður frá Mitterrand?/25
Forkosningar demókrata og repúblikana í Iowa-ríki
iteuiers
Bill Bradley, keppinautur A1 Gores, varaforseta Bandaríkjanna, um forsetafrainboðsútnefningu demókrata,
olnbogar sig í gegnum mannþröng á kosningafundi í Iowa í gær. Gore var spáð auðveldum sigri yfir Bradley.
Mikilvægra vísbendinga vænzt
Dcs Moincs. Rcutcrs.
AL Gore, varaforseti Bandaríkj-
anna, og George W. Bush, ríkis-
stjóri Texas, reyndu hvor fyrir sig
sitt bezta í gær til að tryggja sér
sem flest atkvæði í fyrstu forkosn-
ingunum sem haldnar eru fyrir for-
setakosningarnar í haust.
Á að gizka 500.000 skráðir félagar
í Demókrataflokknum og álíka fjöldi
repúblikana í Iowa-ríki höfðu í gær
rétt til að greiða atkvæði í forkosn-
ingum flokkanna tveggja. En ekki
var reiknað með því að fleiri en um
100.000 félagar úr hvorum flokki
hefðu fyrir því að mæta á kjörstað.
Skoðanakannanir bentu til að
Gore ætti að geta fagnað auðveldum
sigri yfir keppinaut sínum um for-
setaframboðsútnefningu Demó-
krataflokksins, Bill Bradley, fyrr-
verandi öldungadeildarþingmanni.
Búizt var við því að Bush fengi jafn
mörg atkvæði og allir fimm innan-
flokkskeppinautar hans samanlagt.
Urslitin í fyrstu forkosningunum
gefa alltaf mikilvægar vísbendingar
um framhaldið. Því ríkir spenna um
hvort Gore og Bush tekst að ná
meira eða minna fylgi en þeim hefur
verið spáð.
Ráðherraráð ESB
Aðgerðir
gegn
Rússum
Brussel. AFP.
UTANRÍKISRÁÐHERRAR
Evrópusambandsins (ESB)
boðuðu á fundi sínum í Bruss-
el í gær refsiaðgerðir gegn
Rússlandi vegna hernaðarins
í Tsjetsjníu, en ítrekuðu jafn-
framt vilja til að viðhalda
góðu sambandi við stjórnvöld
í Moskvu til langs tíma litið.
Evrópusambandið „dregur
ekki í efa rétt Rússlands til að
standa vörð um einingu ríkis-
ins,“ segir í yfirlýsingu sem
ráðherrar ESB-ríkjanna 15
samþykktu við lok fyrri fund-
ardags, en þetta er fyrsti alls-
herjarfundur ráðherraráðsins
frá því Portúgalar tóku við
formennsku í því um áramót.
„Augljóslega erum við mjög
áhugasamir um að þróa til
lengri tíma litið góð tengsl við
Rússland, en áhyggjur okkar
yfir atburðum í Norður-Kák-
asus gera okkur ómögulegt að
láta eins og ekkert hafi í skor-
izt,“ sagði Chris Patten, sem
fer með utanríkismál í fram-
kvæmdastjórn ESB.
Reuters
Mesic með
forystu í
Króatíu
Zagreb. Reuters.
VEL skeggjaður Zagrebbúi greiðir
atkvæði í fyrri umferð for-
setakosninga, sem fram fóru í
Króatíu í gær. Þegar nærri öll at-
kvæði höfðu verið talin reyndist
Stipe Mesic hafa afgerandi forystu,
en hann hefur heitið að snúa baki
við hinni stífu þjóðemisstefnu
Franjos Tudjmans, sem var forseti
allt frá endurreisn sjálfstæðrar
Króatíu 1991 til dauðadags í desem-
ber sl. Mesic gegndi embætti for-
seta gömlu Júgóslavíu síðastur
manna. Mesic var með um 40%
fylgi, en Drazen Budisa, frambjóð-
andi fijálslyndra, kom næstur með
um 35%. Efnt verður til annarrar
umferðar hinn 7. febrúar milli
þeirra Mesics og Budisa, þar sem
hvorugur þeirra hlaut yfir helming
greiddra atkvæða í fyrri umferð-
inni. í þriðja sæti var Mate Granic,
utanríkisráðherra úr HDZ, flokki
Tudjmans, með um 17%.
Fagnar
þú
milljón
kl. 18?
www.hhi.is
HAPPDRÆTTI
HÁSKÓLA ÍSLANDS
vænlegast til vinnings
MORGUNBLAÐIÐ 25. JANÚAR 2000