Morgunblaðið - 31.10.2000, Blaðsíða 47

MORGUNBLAÐIÐ
MINNINGAR
ÞRIÐJUDAGUR 31. OKTÓBER 2000 47
+ Ólafur Helgi
Auðunsson fædd-
ist í Dalseli í Eyja-
fjallasveit 31. desem-
ber 1905. Hann lést á
Landspítalanum
Landakoti 20. októ-
ber síðastliðinn. For-
eldrar hans voru
hjónin Guðlaug
Ilelga Ilafliðadóttir,
f. 17.1. 1877, d.
28.12. 1941, og Auð-
unn Ingvarsson, f.
6.8. 1867, d. 10.5.
1961. Ólafur ólst upp
hjá foreldrum sínum
í Dalseli ásamt ellefu systkinum.
Elstur var Markús, sonur Auðuns
og fyrri konu hans er lést frá syni
sínum ársgömlum, hann ólst upp
hjá fóður sínum og seinni konu
hans, Guðlaugu. Markús var fædd-
ur 16.11. 1898 og lést 28 ára 22.6.
1926. Alsystkini Ólafs eru Guðrún,
f. 23.9. 1903, d. 26.10.1994; Leifur,
f. 26.2. 1907, d. 9.11. 1978; Haf-
steinn, f. 29.9. 1908; Ingigerður
Anna, f. 17.9. 1909, d.
16.9. 1987; Hálfdán, f.
30.4. 1911; Margrét, f.
28.5. 1912, d. 12.2.
1972; Sighvatur, f. 1.7.
1913, d. 6.8. 1914;
Valdimar, f. 11.12.
1914, d. 23.1. 1990;
Konráð, f. 26.9. 1916,
d. 28.4. 1999; Guðrún
Ingibjörg, f. 2.6. 1918,
d. 1.5.1987.
Ólafur Helgi var
tvíkvæntur, fyrri kona
hans var Sigríður
Guðrún Pálsdóttir, f.
25.7. 1905, d. 27.3.
1998. Þau slitu samvistir. Dóttir
þeirra: Hafdís Guðlaug, maki
Hilmar Hallvarðsson, d. 9.7. 2000.
Þeirra börn:l) Sigrún, maki Bene-
dikt Viggó Högnason; þau eiga
þrjár dætur. 2) Helga, maki Máni
Ásgeirsson; þau eiga tvö börn. 3)
Birgitta, maki Guðmundur Magn-
ús Sigurðsson, skilin, hún á þnú
börn. Fóstursonur Sigríðar og Ól-
afs Helga er Aðalbjöm Stein-
grímsson; hann á sex börn. Seinni
kona Ólafs Helga er Ingibjörg Er-
lendsdóttir, f. 9.11. 1915. Sonur
þeirra er Friðrik H. Ólafsson. F.k.
Soffía Guðrún Ágústsdóttir, böm
þeirra: 1) Erlendur Steinar, maki
Inga Margrét Birgisdóttir. 2) Ingi-
björg Sunna, maki Óðinn Gunnars-
son, skilin; þau eiga einn son. S.k.
Guðrún Erla Gunnarsdóttir, skilin.
Dóttir hennar og fósturdóttir Frið-
riks er Elísabet G.
Heimilið í Dalseli var stórt og
umsvifamikið í þjóðbraut milli
vatna. Auðunn var bóndi og kaup-
maður og sinnti auk þess samfé-
lagsmálum og var þar mjög gest-
kvæmt. Systkinin voru öll mjög
tónelsk og léku á hljóðfæri og
sungu en Auðunn hafði snemma
keypt hljóðfæri á heimilið. Auk
hefðbundinnar skólagöngu þeirra
tíma var alltaf heimiliskennari í
Dalseli. Ólafur Helgi fór ungur til
Reykjavíkur að læra á og sækja
vörubíl sem faðir hans hafði fest
kaup á. Var þetta mikil samgöngu-
bót í sveitinni og upphaf ferils Ól-
afs Helga sem bifreiðarstjóra,
fyrst á vörubílum en síðan sem
leigubifreiðarstjóra.
Ölafur Helgi verður jarðsung-
inn frá Fossvogskirkju í dag og
hefst athöfnin klukkan 13.30.
OLAFUR HELGI
AUÐUNSSON
Ég hef oft leitt hugann að því hve
rík börnin mín eru að hafa haft að-
gang að afa og ömmu. Afa og ömmu
sem alltaf eru til staðar og alltaf hafa
tíma til að tala við þau, segja þeim
sögur, kenna þeim ljóð, segja þeim
frá sínum eigin uppvaxtarárum og
þannig gefið þeim ómetanlegan fjár-
sjóð meðferðis út í lífið. Þannig hafa
amma og afi á „Háó“ alltaf verið.
Ég er þakklát Ólafi fyrir að hafa
verið börnunum mínum þessi afi,
fyrir að hafa alltaf tekið vel á móti
þeim og sýnt þeim afaumhyggju, fyr-
ir að hafa tekið þátt í lífi þeirra og
glaðst með þeim á sólskinsdögum,
fyrir að hafa kennt þeim falleg lög og
sungið þau með þeim. Og nú síðustu
árin þegar myndaðist vináttusam-
band milli hans og Vilhjálms, sonar
míns, passaði Ólafur hann og síðan
Vilhjálmur afa og þeir hvor annan.
Það er skemmtileg mynd í minning-
unni þar sem þið sitjið hvor í sínum
stól og horfið saman á knattspyrn-
una, spenntir en um fram allt glaðir.
Ólafur er búinn að standa sig vel
og sýna ótrúlegan dugnað i veikind-
um sínum. Nú hefur hann fengið
hvíld.
Far þú í friði,
friður guðs þig blessi.
Hafðu þökk fyrir allt og allt.
(V. Briera.)
Linda Rós.
í dag kveð ég hann afa minn, hann
var orðinn aldraður maður en ótrú-
legur lífsvilji og kraftur gerði honum
kleift að búa fram að því síðasta á
heimili sínu og Ingibjargar konu
sinnar í fjölbýlishúsi uppi á fjórðu
hæð.
Það er ótrúlegt en á hverjum degi
gekk hann niður stigana og upp aft-
ur.
Hann varð fyrir því óláni að hrasa
og brjóta sig mánuði fyrir andlát sitt
og átti ekki afturkvæmt af sjúki'a-
húsinu. í mínum huga var afi svona
eins og afar eiga að vera, hann var
einstaklega yndislegur, hlýr og góð-
ur maður sem okkur afa- og langafa-
börnunum þótti mjög vænt um. Hug-
urinn leitar til baka og það eru
margar minningar sem skjóta upp
kollinum. Hann var iðinn við að fara
með okkur í sveitina á sínar æsku-
slóðir, þá var lagt af stað snemma
morguns og sungið alla leiðina, við
systurnar í aftursætinu með brjóst-
sykurspokann og afi gætti þess að
hver fengi sinn poka. Ég minnist
þess að í þessum ferðum fengum við
fræðslu um margt sem manni finnst
svo ótrúlegt í dag t.d. þegar hann
sagði okkur frá því að hann hafi
fæðst í moldarkofa sem er erfitt að
ímynda sér í þægindum nútímans.
Hann var mikill hestamaður og í
sveitinni fyrir austan fengum við að
kynnast hestunum, það var mikil
ánægja sem fylgdi því að fá að fara á
bak og afi sá um að teyma hestinn.
-Þegar vid_hlónin...eigmiðumst-síðar
hesta var það hann sem var manna
duglegastur að fylgjast með hvernig
gengi.
Afi hafði mikinn áhuga á bflum og
það má segja að hann hafi getað
sameinað áhugamálið starfssviðinu
því hann var leigubflstjóri að atvinnu
og keyrði bfl þar til hann var 93 ára
gamall. Hann velti því mikið fyrir sér
hvort bílar í fjölskyldunni væru ör-
uggir og ekki fannst honum verra að
vita af hvaða tegund þeir væru og
hvort þeir eyddu miklu bensíni.
Sjálfur keyi-ði hann hér á árum áður
alltaf ameríska bfla.
í ferðum mínum um landið hefur
Þórsmörk alltaf verið minn
uppáhaldsstaður og er ég stolt af því
að afi skyldi hafa verið sá fyrsti sem
fór þangað á bfl.
Áfi var fæddur á gamlársdag og
því hafa áramótin alltaf tengst hon-
um á sérstakan hátt, á hverju ári höf-
um við heimsótt hann og Ingibjörgu
þennan síðasta dag ársins þar sem
alltaf hefur verið tekið vel á móti
okkur.
Það er af mörgu að taka en það er
ekki hægt að kveðja án þess að minn-
ast á það hversu mikilvægt afa
fannst að við systurnar færum með
bænir þegar við vorum að alast upp.
Hann var mjög trúaður maður,
kenndi okkur bænii' og spurði mig
alltaf af og til í gegnum árin hvort ég
færi ekki með bænirnar mínar. Þetta
lýsir vel innræti afa.
Það var honum mikið áfall þegar
tengdasonur hans, pabbi minn, lést
snögglega fyrir þremur mánuðum,
þeir voru miklir vinir og töluðu sam-
an í síma næstum daglega. Það er ég
viss um að það hafa verið góðir end-
urfundir.
Hann var tvíkvæntur en leiðir
hans og Sigríðar ömmu minnar
skildu.
Ingibjörg seinni kona hans hlúði
vel að honum og sá um að honum liði
alltaf sem best. Það er komið að
kveðjustund, við fjölskyldan þökkum
afa yndislegar samverustundir og ég
kveð hann með þeim orðum sem
hann kvaddi mig alltaf með: „Guð
veri með þér“.
Helga Hilmarsdóttir.
Handrit afmælis- og minningargreina skulu
vera vel frá gengin, vélrituð eða tölvusett.
Sé handrit tölvusett er æskilegt, að diskl-
ingur fylgi útprentuninni. Senda má greinar
til blaðsins í bréfasíma 569 1115, eða á netf-
ang þess (minning@mbl.is). Nauðsynlegt
er, að símanúmer höfundar/sendanda fylgi.
Nánari upplýsingar má lesa á heimasíðum.
Pað eru vinsamleg tilmæli að lengd greina
fari ekki yfir eina örk A-4 miðað við meðal-
línubil og hæfilega línulengd - eða 2.200
slög. Höfundar eru beðnir að hafa skírnar-
nöfn sín en ekki stuttnefni undir greinunum.
+
Elskulegur faðir okkar,
THEODÓR ÓLAFSSON,
Bólstaðarhlíð 41,
Reykjavík,
lést á Landspítalanum við Hringbraut föstu-
daginn 27. október.
Jarðarförin verður auglýst síðar.
Hafdís Theodórsdóttir,
Ásthildur Theodórsdóttir,
Ólafur Theodórsson.
lést á Fjórðungssjúkrahúsinu á Akureyri laug-
ardaginn 28. október.
Útförin ferfram frá Akureyrarkirkju fimmtudaginn 2. nóvember kl. 13.30.
t
Faðir okkar, tengdafaðir, afi, langafi og langa-
langafi,
JÓN PÉTURSSON,
Austurbyggð 21,
áður Oddeyrargötu 23,
Akureyri,
Gunnar Jónsson,
Ragnheiður Jónsdóttir, Erling Aðalsteinsson,
Pétur Jónsson, Helga Eyjólfsdóttir,
Pálmi Geir Jónsson, Erla Guðmundsdóttir,
Kristinn Örn Jónsson, Gísley Þorláksdóttir,
Anna Margrét Jónsdóttir,
barnabörn, barnabarnabörn
og barnabarnabarnabarn.
t
Elskuleg systir okkar, frænka og amma,
MARGRÉT BJÖRNSDÓTTIR,
Funafold 55,
áður til heimilis
á Nýlendugötu 7, Reykjavík,
lést á Landspítalanum við Hringbraut fimmtu-
daginn 26. október.
Jarðarförin auglýst síðar.
Birna Björnsdóttir, Þorgeir Theodórsson,
Elfa Björnsdóttir, Ingimundur Jónsson,
Bonnie Laufey Dupuis,
Debora Susan Dupuis,
Linda Lee Dupuis,
Laufey Berglind Þorgeirsdóttir,
Hrund Þorgeirsdóttir,
Hlíf Þorgeirsdóttir,
Antony Vernhard Aquilar,
Bjarnheiður Margrét Ingimundardóttir,
Björn Birgir Ingimundarson.
t
Elskuleg móðir okkar og tengdamóðir,
ELÍN ARADÓTTIR
húsfreyja,
Brún í Reykjadal,
varð bráðkvödd miðvikudaginn 25. október.
Bjöm Teitsson, Anna G. Thorarensen,
Ari Teitsson, Elín Magnúsdóttir,
Sigríður Teitsdóttir, Eggert Hauksson,
Erlingur Teitsson, Sigurlaug L. Svavarsdóttir,
Helga Teitsdóttir, Jón Hermannsson,
Ingvar Teitsson, Helen Teitsson.
t
Ástkær móðir okkar, tengdamóðir, amma og langamma,
ÞÓRA ÞORVALDSDÓTTIR,
Suðurhólum 4,
Reykjavík,
lést á gjörgæsludeild Landspítalans í Fossvogi sunnudaginn 29. október.
Útförin auglýst síðar.
Sturla Jónsson, Unni Iris Nielsen,
Margrét Jónsdóttir, Stefán Guðmundsson,
Marín Jónsdóttir, Friðrik Friðriksson,
Sigurgeir Jónsson, Thummee Srichanet,
Sigríður B. Jónsdóttir,
Þorbjörg Jónsdóttir, Ingi Rúnar Eðvarðsson,
barnabörn og barnabarnabörn.
t
Ástkær eiginkona mín, móðir okkar og tengda-
móðir,
SIGRÚN STEFÁNSDÓTTIR,
Tunguseli 4,
Reykjavík,
lést í Arnarholti sunnudaginn 29. október.
Jarðarförin auglýst síðar.
Guðjón Ingimundarson,
Steinunn Guðjónsdóttir, Birgir Aðalsteinsson,
Stefán í. Guðjónsson, Deborah Guðjónsson.
t
Eiginkona mín, móðir okkar, tengdamóðir,
amma og langamma,
KRISTJANA HREFNA GUÐMUNDSDÓTTIR,
Hrefnutanga,
Selfossi,
sem lést á Ljósheimum, Selfossi, laugardaginn
28. október, verður jarðsungin frá Selfosskirkju
föstudaginn 3. nóvember kl. 13.30.
Arnold Falk Pétursson,
Elín Arnoldsdóttir, Ragnheiður Arnoldsdóttir,
Guðmundur Pétur Arnoldsson, Hildur Einarsdóttir,
Björn Arnoldsson, Elín Eyfjörð,
Ásgeir Arnoldsson, Gunndóra Viggósdóttir,
barnabörn og barnabarnabörn.