Skírnir - 01.01.1888, Qupperneq 28

30
ENGLAND.
]ýst yfir í Suður-Afríku, að Zúlú-land lyti Victoríu drottningu.
Hinn 23. júli héldu Englendingar flotasýning á Spithead og-
sögðu þeir, að ekkert ríki og engin tvö ríki gæti ýtt undan
landi jafnmiklum og vígalegum flota. Sum hin járnbyrðu skip
hafa kostað 17 miljónir króna og fallbyssurnar á þeim geta
skotið gegnum 6,9 þumlunga þykkt járn.
Victoría opnaði hátíðlega 14. maí sal mikinn i fólkshöll-
inni (The People’s Palace) í austurendanum á Lundúnum, þar
sem fátæklingar búa mestmegnis. þetta stórhýsi á að vera til
að skemmta þeim og fræða þá, og er þannig til orðið, að
skáldsöguritarinn Walter Besant lýsti í skáldsögu sinni, All
Sorts and Conditions of Men (Alls konar lólk), hvernig hann
hugsaði sér stofnun, sem ætti að gera Hf volaðra og fátækra
betra, glaðara og viðunanlegra i alla staði, en honum kom
ekki til hugar, að hann mundi sjá þessa skáldsjón nokkru sinni
annarstaðar en i huga sínum. Beaumontsjóðurinn lagði þá 18
miljónir króna í að byggja slíka stofnun og fé var safnað til hennar
með samskotum. Nú er verið að reisa hana, og má segja, að
hún er bæði mikið og þarft mannvirki.
Sýningar voru i Lundúnum, Manchester og Edinburgh.
Sýningin í Lundúnum var frá Bandafylkjunum og gaf góða
hugmynd um hinar risavöxnu framfarir þeirra í öllum greinum.
I desember kom út «Æfi og bréf Darwins», bók, sem lýsir
þeim manni, er að dómi ailra menntaðra þjóða var einhver
hinn mesti eða mesti merkismaður, sem hefur verið uppi á
hinni nítjándu öld. I náttúruvisindum eru Englendingarnir
Huxley og Tyndall öndvegismenn i Evrópu og Herbert Spencer
er af öllum talinn hinn mesti heimspekingur, sem nú er uppi.
Af hinum 4 höfuðskáldum Englendinga eru þeir Tennyson og
Browning farnir að eldast, Tennyson 78 ára, Browning 75, en
skáldgáfu þeirra hefur þó ekki enn farið aptur, og þeir yrkja
enn. Hinir 2 eru Swinburne 50 ára og William Morris 53.
Swinburne (Sveinbjörn) er höfuðskáld hinnar yngri kynslóðar á
Englandi. Morris hefur með Eiriki Magnússyni þýtt Völsungu,
Grettlu, Gunnlaugs sögu Ormstungu, Víglundar sögu og Frið-
þjófs sögu. Hann hefur ort langt kvæði um Kjartan Ólafsson