Skírnir - 01.12.1911, Síða 35

Listin að lengja lifið.
Fyrirlestur lialdinn á Akureyri, af Steingrími Matthíassyni.
Skrifað stendur, að Metúsalem hafi orðið 969 ára gam-
all. Og ýmsir aðrir af öldungum Júða urðu ævagamlir,
eftir því sem ritningin segir. Eg skal nú ekki fara að
deila um það við rétt-trúaða menn, hvað hæft sé í þessu.
En setjum svo að einhver karl kæmi sunnan úr löndum,
gamall á grönum að sjá, og segðist vera á 969. árinu, þá
mundum við strax dussa við og segja honum að sækja
seðilinn sinn. Og þó hann nú kæmi með skirnarseðil á
gömlu kálfsfelli undirskrifaðan — segjum af síra Þang
brandi Vilbaldrssyni, þegar hann var prestur á Saxlandi
(það mundi iáta nærri), — þá býst eg við að jafnvel rétt-
trúaðir prestar mundu viðhafa þá »hærri krítík« og dæma
seðilinn harla vafasaman. A miðöldunum voru menn yfir-
leitt rétt-trúaðri en nú á dögum, og þá kom það oftar en
einu sinni fyrir, að gamlir karlar ferðuðust land úr landi,
sýndu sig fyrir peninga, sögðust vera mörg hundruð ára
gamlir og hafa lifað ýmsa merkilega sögulega við-
burði. Þessu trúði fólk þá og streymdi að þeim, svo þeir
urðu stórríkir. — Það er annars ekki langt síðan að sumir
trúðu því, að »gyðingurinn gangandi« væri enn á lífi, sem
hefði verið viðstaddur krossfesting Krists, en af sífeldu
rölti væri hann nú orðinn genginn upp að knjám.
Það er nokkurn veginn áreiðanleg vissa fyrir, að
maður hafi orðið 185 ára gamall1), og þar mun mega telja
takmark þess aldurs sem menn vlta hæstan. Vanalega
P Eg hefi þetta eftir Review of Reviews oct. 1910, hls. 360.
22*