Gefn - 01.01.1871, Page 75

75
mánaðar-lok 1845 létu skipin út úr Tems, og voru 138
manna á; 26. júlí hittu hvalveiðamenn þá við Baffínsflóann
og sagði Franklín þeim að hann hefði búið sig út fyrir fimm
ár, og jafnvel fyrir sjö, og skorti hvorki vistir né annað.
Eptir það hefir enginn sést af skipshöfnum þessum. J>rjú
ár liðu, svo ekkert fréttist af þeim, og var þá farið að búa
út skip á Englandi, því allir héldu að þeir mundu sitja fastir
í ísnum, og hvarfið fréttist um öll lönd og fannst mönnum
mikið um. Skipstjórnarráð Englaveldis hét tuttugu þúsund
punda launum hverjum þeim er leysti Franklín úr ísnum,
hverrar þjóðar sem væri. Árið 1848 var farið íþessadauða-
leit frá ýmsum stöðum í senn, frá Beríngs-sundi, frá meg-
inlandi Norður Ameríku, og frá Baffínsflóa; þókti mönnum
það líldegast að þeir Franklín hefði komist yfir á megin-
land, og helst að Mackenzí-ósum. í leitina fóru menn í
þrennu lagi, var sumt liðið á hátum sem áttu að halda með
ströndum fram, og voru þar fyrirliðar Bae og Rikarðsson;
en sumt fór á tveim skipum »Entreprise« og »Investigator«,
og stýrðu þeim Jón Ross og Bird. En allt var forgefins,
engin nierki fundust til Franklínsmanna, enginn hafði séð
þá af Skrælíngjum þar um slóðir, og leitarmenn gátu ekki
atmað að gert en hlaðið vörður eða reist vegmerki híngað og
þángað, og grafið í snjó vistir og faung önnur, ef nokkur
skyldi vera eptir og hitta á þau. Ross sat um veturinn á
Leopolds-ey og lét taka fjölda refa og leggja á þá látúns-
hálsgjarðir, er á var grafið letur það er sagði að verið væri
að leita Franklíns; síðan var refunum sleppt — var þetta
gert í þeirri von að einhver mundi lifa þar og frétta þannig
hvermg á stæði.
f>egar menn höfðu komist að raun um að ekkert dugði
af þessu, þá voru gerðar enn öflugari tilraunir til þess að
fá einhverja vissu um afdrif Franklíns. |>egar í byrjun
ársins 1850 héldu tvö skip — það voru hin sömu og fyr:
Entreprise og investigator — yfir í kyrra hafið og áttu að
fara norður om Beríngs-sund, og þarnorðurúr; þeim stýrdu