Gefn - 01.01.1871, Síða 77

77
eyjum stórum og smám, sundum og flóum, en ekkert af
Franklín, því þeir héldu í ránga átt: þeir áttu einmitt að
halda suður eptir — en slíkt er hægra að segja nú en þá.
Menn höf'ðu ávallt leitað sem nyrðst, jafnvel þó kona Frank-
líns hvað eptir annað beiddist eptir að leitað væri um Bo-
ótíu og þær slóðir, og var sem hana óraöi fyrir einhverju.
Menn fundu ekkert áreiðaulegt, og fengu enga vissu um
afdrif Frankhnsmanna, sem þó óefað voru taldir af.
Fyrstu nákvæmari fregnir fengust alveg af tilviljan,
þegar Kae fór árið 1853 með fám mörmum norður að Fiski-
fljótinu; þá för fór hann fyrir félag nokkurt til þess að kanna
Boótíu, og fann hann þá að land þetta er ekki eyiand, held-
ur tángi norður úr meginlandinu. Á þeirri ferð hitti hann
Skrælíngja þá er sögðu honum, að fyrir nokkrum árum hefði
tvö skip brotuað í ísnumþar; fjöldi hvítra manna hef'ði hald-
ið þaðan yíir á móts við Fiskifljótið og hefði hnígið niður
hvorr eptir annan afþreytu og ekki staðið upp aptur. • petta
sögðu Skrælingjar, og marga hluti höfðu þeir af munum
þeirra Franklíns, og keypti Rae suma af þeim, en meira
fréttist ekki þá. Árið 1857 bjó Lady Franklín enn út skip,
og var Mac Clintock fyrir því; hann hélt til Boótíu og fann
þar mannshræ, og marga hluti er sýndu glögglega hversu
farið hafði; bréf fannst og með letri á og vita menn það,
að Franklín andaðist á skipi sínu 11. júní 1847, en skipin
höfðu orðið föst í ísnum um 12. september 1846, og fóru
þeir Crozier og öll skipshöfn frá þeim 25. apríl 1848, það
voru þá 105 menn (sumir voru dánir áður), og urðu allir
þar úti. J»á komst það og upp, sem skammarlegt er, að
Franklín hafði verið svikinn af kaupmanni þeim er selt hafði
vistir drepnar niður í blikkstokka: Ijöldi slíkra stokka fannst
þar og margir opnaðir en fleiri óopnaðir: þeir höfðu þá verið
fylltir með hampi og sorphroða í stað matar, en einúngis
fáeinir hafa verið ósviknir og hafa þeir Franklín þess vegna
án efa látist af matarskorti, því annars hefði þeir ekki svona
fljótt þurft að yfirgeía jetrarbúðirnar.