Eimreiðin - 01.09.1901, Blaðsíða 17

177
ingar fyrir hetidi til að borga með. Hún er í standi til að ganga
í búin og selja alt undan okkur. Pungar þóttu álögurnár, ég man
svo langt, seinustu árin, sem ég .var í Yxnadalshreppi, en ekki er
það betra hér, þó þetta eigi nú að heita í þeirri góðu Ameríku.«
»Sveitin heldur þó uppi barnaskólum hjá ykkur.«
»Pað vænt’ ég hún geri — að nafninu til; enda fáum við að
kenna á því með skattana. Og börnin læra ekki annað en ilt eitt
og verða letingjar á skólunum.*
»Ertu nú ekki nokkuö harður í dómum, Jón?«
»Ekki hætis baun Eg segi, að þau læri ilt á skólunum og
verði svo löt og gikksleg, að ekki er hægt að nota þau til neins.
Mér sýnist vera sama lagið með mentafólkið hér, eins og á ís-
landi — það legst í gikkshátt og leti, þegar það kemur á skól-
ana. Mér sýnist menn geta búið eins vel án þessarar miklu
skólamentunar, og komist höfum við Ásdís mín fram á þenna
dag, og var okkur ekki kent annað enn að stauta og draga til
stafs. Búið gat líka faðir minn allan sinn búskap á Litlu-Strympu,
og var hann ekki skólagenginn, og gaf þó Árni prófastur honum
þann vitnisburð, að enginn bóndi í sveitinni fóðraði betur lömbin
sín en hann.«
»En máske hann heföi getað orðið prófastur sjálfur, hefði hann
verið skólagenginn.«
»Pað hefði hann getað, því ekki vantaði gáfurnar. En það
var og er nógu mikið af prestum landi og lýð til tjóns, þó hann
bættist ekki við.«
»Svo þú ert þá enginn prestavinur heldur. Hafið þið ekki
prest?«
»Ónei! Hvorki getum við haldið prest fyrir fátæktar sakir,
og þurfum hans ekki heldur með.«
»Svo þér finst þá ekld nauðsynlegt að hafa prest.«
»Ekki ber ég á móti því, að það sé ekki viðkunnanlegra að
hafa prest til að skíra og« — — —
»Og gifta,« gall einhver við.
»Nei. f’eir gifta sig ekki hjá okkur. Ef þá vanhagar um
þess háttar, þá fara þeir hingað til bæjarins. Pað er eins og ég
sagði, að það er kannske liðlegra að hafa prest til að skíra og jarð-
syngja, en svo getur maður gert það sjálfur.«
»En finst þér ekki nauðsynlegt að hafa þá til að uppfræða
2