Eimreiðin - 01.09.1901, Side 71

231
Phillips. H. W. Beecher kom nú með föður sínum 13 ára að aldri
til Boston. Fjalladrengurinn yfirgaf hæðirnar sínar og skógana og sá
nú í fyrsta sinni hafið og skipin. Sjórinn heillaði hann, dró hann til
sín með ósigrandi afli. Mjög féll honum illa að þurfa að vera í skóla.
»Skólinn þar var honum þur og vatnslaus Sinai-eyðimörk«. Eftir ráð-
um föður síns tók hann að lesa æfisögur sjógarpanna. Honum fanst
svo mikið um Nelson, að hann einsetti sér að verða sjómaður. Faðir
hans sagði honum, að hann yrði þá fyrst að vera í skóla, svo að hann
þyrfti eigi að verða háseti, heldur gæti orðið flotaforingi eins og Nel-
son. Þetta ráð dugði. Drengurinn sætti sig við skólalesturinn. Og
faðir hans vonaði, að hugur hans mundi með tímanum hverfa frá sjó-
menskunni; hann mundi verða prestur, eins og móðir hans hafði beðið
á banasænginni. — Hún bað guð að láta alla syni sína verða presta.
Bæn hennar var heyrð.
17 ára gamall kom H. W. Beecher í Amherst-latínuskóla (1830).
f’ar gekk nám hans ágætlega. Hann var vinsæll í skólanum, kátur
og skemtilegur. Þá fóru og að koma í ljós andleg einkenni hans. Skóla-
ritgerðir hans á móðurmálinu vóru frábærar að fegurð, fullar af nýjum
hugsunum, sem hann hafði eigi úr neinum bókum. Hann var orð-
heppinn og málsnjall. í skóla hélt hann fyrstu tölu sína gegn þræla-
haldi. Hann var gamansamur. Einu sinni kom einn kennarinn inn í
herbergi hans til að finna að einhverju við hann. Kennari þessi var
hár maður og mjög fótleggja-langur. H. W. Beecher tók mjög vel á
móti gesti sínum. Hann hafði fengið sér mjög lágfættan stól og vísaði
gestinum þar til sætis. Kennarinn átti mjög erfitt með að sitja í stóli
þessum. Og varð úr þessu hlátur meðal nemenda.
Á 2. skólaári sínu festi hann sér Miss Eunice White Bullard
(fædd 6. ágúst 1812). Hann var bindindismaður í skóla og flutti bind-
indistölur fyrir fé. Fyrir 1. tölu sína fékk hann 5 dollara. Pá keypti
hann bók handa stúlkunni sinni. Fyrir næstu tölu fékk hann 10 dollara.
Pá keypti hann festarhring handa heitmey sinni. Við og við tókst
hann á hendur kenslu í barnaskólum, til þess að geta sjálfur haldið
áfram námi sínu. Hann fór og að safna bókum, einkum ritum skálda
og mælskumanna.
Nýjum prestaskóla var komið á fót um þessar mundir nálægt
Cincinnati. Lyman Beecher var fenginn til að stýra skólanum. Þegar
H. W. Beecher var orðinn stúdent, þá fór hann að lesa guðfræði við
skóla þennan. Faðir hans átti í miklum trúardeilum bæði í Boston og
Cincinnati. H. W. Beecher studdi auðvitað málstað föður síns. En
trúardeilur þessar vöktu brátt hjá honum óbeit á allrí þráttan um sér-
stök trúaratriði, eins og seinna kom í ljós. í trúarlegu tilliti fór hann
jafnan einförum. Meðan hann var í prestaskólanum, voraði ( hjarta
hans. Efinn, sem hafði haft hald á honum í 2 ár, hvarf og trú hans
á guð og frelsarann varð sterk. Maímorgun einn fagran urðu um-
skifti þessi í hjarta hans. Guð er honum ástrík móðir, er hryggist
yfir syndum hans og gleðst yfir betrun hans. Kristur er honum vinur
og bróður. Meðal kennaranna við skólann var Calvin E. Stowe. Hann
varð brátt alúðarvinur H. W. Beecher’s og kvæntist seinna Harriet
systur hans. Hún gerði nafnið Stowe heimsfrægt.