Eimreiðin - 01.09.1901, Side 73

233
myndast í Brooklyn. Hann komst á fót 13. júní 1847 og tók sér
nafnið Plymouth Church. Safnaðarmenn vóru aðeins 21 að tölu.
Beecher vildi auðvitað »eigi byggja ofan á annarlegan grundvöll«.
Sakir þess tók hann kölluninni frá söfnuðinum í Brooklyn.
Eigi spáðu menn góðu fyrir Beecher. Jafnvel faðir hans réð hon-
um frá því að fara til Brooklyn. Menn héldu, að honum væri of
vaxið að keppa við prestana í Brooklyn og New York. Auk þess væri
hann móti þrælahaldi. Það hlyti að afla honum óvinsælda. Beecher
var reyndur í guðfræði, áður en hann tók við embætti, eins og venja
var til. Svör hans vóru nokkuð einkennileg. Meðal annars var hann
spurður að því, hvort endurfæddir, trúaðir menn gætu »fallið aftur úr
náðarstöðunni.« Hann svaraði: »Mér var kennt, að það gæti eigi
orðið, og ég trúði því, þangað til ég sá, hvernig kristnir menn héðan
úr austurríkjunum breyta, þegar þeir koma vestur. Síðan hefi ég
verið dálítið efablandinn i þessu efni.«
11. október 1847 prédikaði Beecher í fyrsta sinni fyrir söfnuði
sínum í Brooklyn. Menn réðu honum að fara gætilega. Hann mætti
ekki hreyfa við þrælahaldinu. Beecher fór auðvitað ekki að ráðum
þeirra. Við fyrstu prédikun sína lýsti hann yfir því, að hann ætlaði
sér að prédika gegn syndum þjóðarinnar, hverju nafni sem þær nefnd-
ust. Hann ætlaði sér ekki að hlífa þrælahaldinu. Afarmikil aðsókn varð
að kirkju hans. Menn og konur streymdu inn í söfnuðinn hópum
saman. Kirkja safnaðarins brann 1849. Þá var reist ný kirkja. Hún
tók yfir 3000 manns. Hér um bil jafnmargir urðu í söfnuðu hjá hon-
um. Auk þess taldi fjöldi manna (um 12,000) kirkju Beecher’s »and-
legt heimili sitt«, þótt þeir væru eigi ritaðir í söfnuðinn. í sambandi
við kirkjuna vóru 3 sunnudagsskólar. 3000 börn vóru í skólum þess-
um, þegar flest var.
Þegar austur til Brooklyn var komið, fór konu Beecher’s að batna
heilsan. Hún varð allhraust heilsu og lifði mann sinn. Árið 1849
var Beecher sjálfur veikur alllangan tíma. Sakir þess gaf söfnuðurinn
honum hvíldarleyfi. Hann fór þá (1850) til Norðurálfunnar sér til
heilsubótar og var þar nokkra mánuði. Seinna tók og söfnuðurinn
annan prest (séra S. B. Halliday), til þess að létta undir með honum.
Árið 1851 lagði Lyman Beecher niður embætti sitt í Cincinnati, fór
til sonar síns í Brooklyn og var hjá honum til dauðadags (1863).
Henry Ward Beecher var prestur þessa safnaðar (Plymouth Church),
þangað til hann dó 8. marz 1887.
Hafsteinn Pétursson.