Eimreiðin - 01.05.1914, Qupperneq 41

ii7
Mardúks í Babel. Aðrir segja, að hann hafi staðið í sólhohnu í
Sippai. En konungur einn frá Elam hefir seinna rænt steininum
og flutt hann til Súsa. Og þar fanst hann. Konungur þessi hefir
látið skafa burtu 5 neðstu lagabálkana á annarri hlið steinsins.
Hann hefir að líkindum ætlað að setja þarnafnsitt. Enafþvíhefir
ekki orðið. Bletturinn er auður. Ef til vill hefir hann orðið hrædd-
ur við óbænir þær, er Hammúrabí biður þeim, er skafi burtu lög-
in og setji nafn sitt í staðinn.
Steinninn líkist bautasteini og hefir sjálfsagt verið mikill helgi-
dómur. Lögbókin er 282 greinar, og auk þess formáli og eftir-
máli. Menn telja 35 greinar (66—99) skafnar burtu. En sumar
þeirra hafa fundist í bókasafni Assúrbanípals konungs.
Steinninn sjálfur stendur nú í Louvre-safninu í París, en text-
inn er gefinn út bæði á assýrisku og í þýðingu. það er undrunar-
legt, að standa fyrir framan stein þennan og segja við sjálfan sig:
Pað getur vel verið, að ættfaðirinn Abraham hafi séð stein þenn-
an með eigin augum.
Móse-lögin eru því eigi framar elztu lög í heimi. Hammúra-
bí-lögin eru hérumbil 800 árum eldri. Nú er það eigi lengur fjar-
stæða, að hugsa sér lög frá dögum Móses.
En þá bera margir fram aðra spurningu: Fá Móse-lögin
keppinaut, sem er betri eða að minsta kosti jafngóður?
Mér er ljúft að viðurkenna það, að Hammúrabí-lögin eru
snildarverk, sem hafa óefað verið þjóð og ríki til mikillar bless-
unar.
Konungur sér þetta sjálfur og kveðst hafa fengið lögin frá
guðunum. Peir hafi kallað hann til að vera frelsandi hirði og
gefa þjóðinni frið. »Orð mín eru nákvæmlega íhuguð og vizka
mín á sér ekki líka.« — »Pegar Mardúk fól mér að leiðbeina
þegnum mínum og veita landinu hamingju, þá gaf ég lög og rétt
á máli landsmanna, og kom því til leiðar, að þjóðin gat þrifist.«
Pað er því skoðun Hammúrabís, að hann sé »konungur af
náð guðs«, og hann trúir því, að hann hafi fengið lögin frá guð-
unum. Efst á steininum er mynd. Á henni stendur konungur
fyrir framan sólguðinn Schamasch, sem er guð véfrétta og vitr-
ana, og fær lögin hjá honum. Flestir skýrendur ætia, að þetta
sé þýðing myndarinnar.
Bæði Móse og Hammúrabí segja, að þeir hafi fengið lögin
frá guði. Hverjum ber að trúa?