Eimreiðin - 01.09.1915, Qupperneq 5

i6i
Möðruvallaskólanum, og hann talaði og ritaði enska tungu til
fullnustu. Hann var því sjálfkjörinn umboðsmaður hátemplars
— yfirmanns allrar Reglunnar, er þá var (eins og altaf fram að
1903) enskumælandi maður. Umboðsmaður hátemplars var yfir-
maður Reglunnar á Islandi alt þangaó til Stórstúkan var stofnuð
1886, og þann tíma allan gegndi Ásgeir þeim starfa. Hann var
þá rúmlega tvítugur maður, fjörugur og kappsfullur, enda sést
það, er litið er á stjórn Reglunnar á þeim árum. Pví sjaldan
hefir verið starfað af eins miklum eldmóði frá stórtemplars hálfu
og þá. Um vorið fór Ásgeir vestur til Isafjarðar, og þar stofn-
aði hann, 29. júní 1884, stúkuna tAróra nr. 2.\ var það með að-
2. Friðbjörn Steinsson. 3. Ásgeir Sigurðsson.
stoð föður hans, Sigurðar Andréssonar, og norsks manns, Jóns
E. Jóhnsens. Ásgeir starfaði ákaflega mikið fyrir bindindismálið
þessi ár, og eftir eitt ár, eða vorið 1885, voru komnar á fót 8
stúkur á Norður- og Vesturlandi. En auk þessara starfa hafði
Ásgeir miklar skriftir og þýðingar á hendi fyrir Regluna. Allar
skýrslur, lög og siðbækur Reglunnar voru á ensku; það þurfti að
þýðast á íslenzka tungu, og var Ásgeir sjálfkjörinn til þess.
Haustið 1884 samþykti stúkan Isafold að gefa út bindindisrit;
var það nefnt »Bindindistíðindi«,*) og komu út af því 5 eintök.
Ásgeir var ritstjóri þeirra, og kostaði hann sjálfur 3 síðustu
’) I*að er eflaust dýrasta íslenzka blaðið eftir stærð. Ég veit ekki nema af
einum manni, er á þau öll; voru honum boðnar 50 kr. fyrir þau, en hann vildi
ekki selja þau fyrir það verð. P. Z.