Morgunblaðið - 23.01.2001, Qupperneq 30

ERLENT
30 ÞRIÐJUDAGUR 23. JANÚAR 2001 MORGUNBLAÐIÐ
Nýbýlavegi 12, Kóp., s. 554 4433.
Mikið af fatnaði í
stórum númerum
Jakkar frá kr. 4.500
Stuttir jakkar frá kr. 5.900
Síðir jakkar frá kr. 6.900
Pils frá kr. 2.900
Buxur frá kr. 1.690
Bolir frá kr. 990
Kjólar stuttir og síðir
Blússur
Alltaf eitthvað nýtt
GLORIA Macapagal-Arroyo, nýr forseti Filipps-
eyja, skipaði nýja ráðherra í gær og kvaðst hafa
einsett sér að sameina þjóðina en ýmislegt benti til
þess að Joseph Estrada, sem var steypt af stóli um
helgina, myndi reyna að endurheimta forsetaemb-
ættið.
Estrada lét af embætti á laugardag þegar tugir
þúsunda Filippseyinga söfnuðust saman við for-
setahöllina til að krefjast þess að hann segði af sér.
Daginn áður hafði herinn, lögreglan og meirihluti
ríkisstjórnarinnar snúið baki við Estrada og lýst
yfir stuðningi við afsagnarkröfuna. Hæstiréttur
landsins úrskurðaði að enginn gegndi forsetaemb-
ættinu og varaforsetinn, Gloria Macapagal-Arro-
yo, tók þá við embættinu.
Sagði ekki formlega af sér
Arroyo fór fyrir stjórnarandstæðingum, sem
kröfðust afsagnar Estrada eftir að gamall drykkju-
félagi hans sakaði hann um að hafa þegið mútur og
dregið sér opinbert fé. Þessar ásakanir urðu til
þess að fulltrúadeild þingsins ákvað að höfða mál á
hendur Estrada til embættismissis en réttarhöld-
um fyrir öldungadeild þingsins var frestað um
óákveðinn tíma í vikunni sem leið.
Estrada sagði ekki formlega af sér þrátt fyrir
valdatöku varaforsetans. Hann sagði í bréfi til for-
seta öldungadeildarinnar, sem skrifað var á mánu-
dag en ekki afhent fyrr en í gær, að hann gæti ekki
gegnt forsetaembættinu um stundarsakir og vara-
forsetinn ætti því að taka við völdunum til bráða-
birgða.
Aquilino Pimentel, forseti öldungadeildarinnar,
sagði að bréfið benti til þess að Estrada hygðist
reyna að endurheimta forsetaembættið.
Saksókn undirbúin
Bréfið vekur einnig spurningar um hvort Estr-
ada njóti friðhelgi. Aniano Desierto, umboðsmaður
stjórnarinnar, kvaðst hafa hafið sakamálarann-
sókn á ásökunum um að Estrada hefði gerst sekur
um fjárdrátt, mútuþægni og meinsæri. Verði hann
fundinn sekur um fjárdrátt á hann hugsanlega yfir
höfði sér dauðadóm en talið er mjög ólíklegt að
hann verði tekinn af lífi.
Eduardo de Guzman, talsmaður hreyfingarinn-
ar Sjálfboðaliðar gegn glæpum og spillingu, sagði
að höfða bæri sakamál á hendur Estrada.
Pimentel hvatti hins vegar til þess að málshöfð-
unin til embættismissis yrði leidd til lykta og sak-
sóknurum yrði heimilað að leggja fram gögn sem
þeir segja sanna að Estrada hafi falið andvirði
fimm milljarða króna á bankareikningum. Hann
lagði einnig til að samið yrði við Estrada um að
hann afhenti ríkinu illa fengið fé sitt.
Réttarhöldunum yfir Estrada var frestað þegar
allir saksóknararnir sögðu af sér eftir að meirihluti
öldungadeildarinnar hafnaði beiðni þeirra um að fá
að leggja fram gögnin um bankareikningana.
Ákvörðunin þótti benda til þess að öldungadeildin
hefði þegar ákveðið að sýkna Estrada og hún varð
til þess Filippseyingar flykktust út á göturnar í
þrjá daga til að krefjast afsagnar hans. Forseti fil-
ippseyska herráðsins, Angelo Reyes, og fleiri hátt
settir embættismenn sneru baki við Estrada á
föstudag.
Renato Corona, talsmaður Macapagal-Arroyo,
sagði að aðstoðarmenn Estrada hefðu sett skilyrði
fyrir því að hann léti af embættinu á föstudags-
kvöld. Þeir hefðu krafist þess að Estrada nyti frið-
helgi, fengi að halda öllum peningum sínum og að
Macapagal-Arroyo gæfi út yfirlýsingu þar sem hún
hældi Estrada í hástert.
„Okkur þótti mjög fyndið að hann skyldi hafa
sett okkur skilyrði við þessar aðstæður,“ sagði
Corona.
Reynt að rétta efnahaginn
við og koma á friði
Macapagal-Arroyo skipti sér ekki af lagalegu
deilunum og hófst handa við að stokka upp í stjórn-
inni. Hennar bíða mjög erfið úrlausnarefni, svo
sem sívaxandi fjárlagahalli, minnkandi útflutning-
ur og uppreisn tveggja hópa aðskilnaðarsinna.
Alberto Romulo, fyrrverandi öldungadeildar-
þingmaður og einn af helstu bandamönnum nýja
forsetans, var skipaður fjármálaráðherra. Hann
skoraði á landsmenn að styðja stjórnina og tilraun-
ir hennar til að blása lífi í efnahaginn. „Þetta eru
árin sem engispretturnar hafa étið,“ sagði hann og
skírskotaði til tveggja og hálfs árs forsetatíðar
Estrada. „Það mun taka okkur í mesta lagi tvö ár
að rétta efnahaginn við.“
Hlutabréfavísitalan í kauphöllinni í Manila
hækkaði um 17,6% eftir valdatöku nýja forsetans.
Arroyo er doktor í hagfræði og var áður aðstoð-
arráðherra í viðskipta- og iðnaðarráðuneytunum.
Orlando Mercado varnarmálaráðherra hélt
embætti sínu og kvaðst hafa fengið fyrirmæli frá
forsetanum um að reyna að ná friðarsamkomulagi
við skæruliðahreyfingar múslima og kommúnista.
Meira en 120.000 manns hafa látið lífið vegna
uppreisnar íslamskra aðskilnaðarsinna á síðustu
25 árum. Mannfallið vegna uppreisnar kommún-
ista er miklu minna en talið er að hún hafi kostað
hundruð mannslífa.
Nýr forseti Filippseyja stokkar upp í ríkisstjórninni
Estrada kann að reyna
að endurheimta völdin
AP
Nýr forseti Filippseyja, Gloria Macapagal-Arroyo, sver landinu hollustueið við móttökuathöfn í
forsetahöllinni í Manila í gær.
Manila. AP, AFP.
BRESKA stjórnin lofaði á sunnudag
að flýta löggjöf til að vernda börn,
sem ættleidd eru erlendis, vegna máls
hálfs árs gamalla tvíbura sem bresk
hjón ættleiddu í gegnum Netið.
Bresku hjónin, Judith og Alan
Kilshaw, sökuðu fjölmiðlana um að
hafa eyðilagt fjölskyldu þeirra. „Við
erum venjulegt fólk,“ sagði Judith
Kilshaw eftir að eitt bresku æsifrétta-
blaðanna sakaði hana um að vera
norn sem stundaði svartagaldur.
„Ég er ekki norn“
„Hvernig getið þið gert okkur
þetta? Þið hafið eyðilagt líf barnanna
okkar. Þið hafið eyðilagt okkur og við
höfum misst allt,“ sagði breska konan
við fréttamenn. „Ég er ekki norn.
Börnin mín og vinir mínir geta sagt
ykkur það.“
Hjónin sögðust ekki sjá eftir því að
hafa ættleitt börnin í gegnum Netið.
„Við viljum fá börnin okkar aftur.
Þetta eru okkar börn,“ sagði Judith
Kilshaw.
Tvíburarnir voru færðir í umsjá yf-
irvalda á fimmtudagskvöld og dóm-
stóll í Birmingham á að taka mál
þeirra fyrir í dag.
Breska heilbrigðisráðuneytið sagði
á sunnudag að stjórnin hygðist skera
upp herör gegn ættleiðingum í gegn-
um Netið og flýta afgreiðslu laga-
frumvarps um verndun barna sem
ættleidd eru erlendis og flutt til Eng-
lands eða Wales. Samkvæmt frum-
varpinu verður bannað að flytja þang-
að börn til ættleiðingar nema fyrir
liggi skýrsla um heimilisaðstæður
þeirra hjóna sem hyggjast ættleiða
þau. Bresk barnaverndaryfirvöld eða
viðurkennd ættleiðingarfyrirtæki
þurfa einnig að samþykkja ættleið-
inguna.
Kilshaw-hjónin fluttu tvíburana til
Wales eftir að hafa ættleitt þá í Ark-
ansas í Bandaríkjunum fyrir milli-
göngu ættleiðingarfyrirtækis á Net-
inu. Áður hafði fyrirtækið selt börnin
hjónum í Kaliforníu, sem höfðu tví-
burana í tvo mánuði, eða þar til móðir
þeirra tók þá og afhenti bresku hjón-
unum.
AP
Alan og Judith Kilshaw við heimili
þeirra í Buckley í N-Wales.
Deilan um ættleiddu
tvíburana í Bretlandi
Löggjöf
um ætt-
leiðing-
ar flýtt
London. AP.
Rauði herinn rússneski lagði Kön-
igsberg undir sig 1945 og síðan hefur
borgin og landið um kring, sem er á
stærð við Norður-Írland, heitið Kal-
íníngrad. Þýskir embættismenn stað-
festu í síðustu viku, að í einkaheim-
sókn Gerhards Schröders kanslara til
Moskvu fyrr í mánuðinum hefði verið
rætt um, að gerður yrði sérstakur við-
skiptasamningur milli Evrópusam-
bandsins og Kalíníngrads en það þýð-
ir í raun, að héraðið verði á áhrifa-
svæði Þjóðverja. Rússar hafa gert
Þjóðverjum það ljóst, að þeir geti ekki
endurgreitt þeim alla skuldina en
þess í stað hafa þeir boðið þeim hlut í
rússneskum fyrirtækjum. Það gæti
aftur fært Þjóðverjum geysimikil
áhrif í rússnesku efnahagslífi.
„Prússneska árið“
Hugsanleg „endurheimt“ Þjóð-
verja á Königsberg er stjórnmálalega
mjög viðkvæmt mál og m.a. vegna
þess, að Þjóðverjar hafa skírt þetta
nýbyrjaða ár „Prússneska árið“.
Verður það notað til að endurmeta
það Þýskaland, sem sigurvegarar síð-
ustu heimsstyrjaldar leystu upp 1946.
Af þessum sökum hefur Schröder
komið hugmyndinni um aukaaðild
Kalíníngrads að ESB til Görans Pers-
sons, forsætisráðherra Svíþjóðar,
sem nú er í forsæti fyrir sambandinu.
Vill Schröder, að Svíar fremur en
Þjóðverjar hafi frumkvæðið í þessu
máli og Persson hefur tekið því vel.
Sagði talsmaður Schröders, að hug-
myndin yrði rædd á leiðtogafundi
Rússa og Þjóðverja í apríl og einnig á
fundi ESB og Rússa í maí.
Rússar gerðu sér einu sinni gylli-
vonir um, að Kalíníngrad gæti orðið
að eins konar „Hong Kong við
Eystrasalt“ en ástandið í héraðinu
hefur versnað með ári hverju. Svíar
segjast gera sér fulla grein fyrir því
og Persson sagði, að vandinn, sem við
blasti, væri gífurlegur: „Mikil fátækt,
sjúkdómar á borð við alnæmi og
berkla; geislavirkur úrgangur og önn-
ur mengun. Það vandamál er varla til,
sem ekki fyrirfinnst í Kalíníngrad.“
Í héraðinu býr ein milljón manna
og þriðjungurinn í algerri örbirgð.
Pólverjar eru á leið inn í ESB og
Litháar einnig og það þýðir, að Kal-
íníngrad, sem er aðskilið frá Rúss-
landi, verður enn einangraðra en áð-
ur. Þegar þar að kemur munu
íbúarnir, hermenn jafnt sem aðrir,
verða að sækja um vegabréfsáritun til
að komast til Rússlands.
ÞÝSKA stjórnin vinnur að því á laun
að fá efnahagsleg yfirráð yfir Kalín-
íngrad, landskikanum, sem Rússar
ráða og er á milli Litháens og Pól-
lands, en hann var áður norðurhluti
Austur-Prússlands með höfuðborgina
Königsberg, eftir því sem breska
blaðið Daily Telegraph fullyrðir.
Gjaldið, sem Þjóðverjar verða að
greiða fyrir yfirráðin, er að gefa
Rússum eftir hluta af miklum skuld-
um þeirra við þá en þær eru alls um
1.900 milljarðar króna.
Munu Þjóðverjar „end-
urheimta“ A-Prússland?
London. Daily Telegraph.




  


  

 
!"#$%  &'
  (





)