Morgunblaðið - 10.02.2001, Blaðsíða 25
VIÐSKIPTI
MORGUNBLAÐIÐ LAUGARDAGUR 10. FEBRÚAR 2001 25
DANSKI netbankinn Basisbank
hefur átt í miklum erfiðleikum með
að standast kröfur um höfuðstól
hlutafjár í bankanum. Fullyrt var í
grein í Jyllands Posten í vikunni að
bankinn hefði verið á mörkum þess
að brjóta lög skömmu fyrir jól vegna
þessa en hlutafjáraukning eigenda
Basisbank, þar á meðal Íslands-
banka-FBA sem er stærsti eigandi
Basisbank, hafi bjargað bankanum
fyrir horn. Skömmu fyrir jól gekk
svo á höfuðstólinn að við lá að bank-
inn bryti reglugerð um banka og
sparisjóði sem kveður á um að höf-
uðstóll banka sé að minnsta kosti
fimm milljónir evra, eða um 380
milljónir ísl. kr. Hins vegar hefur
skuldastaða bankans verið í lagi. Yf-
irmenn bankans hafa ekki viljað tjá
sig um málið, láta nægja að segja að
staðan sé góð nú. Litlar sem engar
upplýsingar hafa verið gefnar um
fjárhag bankans og verða ekki fyrr
en í lok mars, er ársreikningur verð-
ur lagður fram. Jyllands Posten seg-
ir að það sem þó sé vitað um fjármál
bankans dragi upp ófagra mynd.
Basisbank var stofnaður í september
sl. og var hlutafé hans þá rúmar 750
milljónir ísl. kr.
Síðla árs mat Íslandsbanki-FBA
það svo að fjárfesting hans í bank-
anum hefði fallið um 60% en það
svarar til þess að verðmæti hlutafjár
í Basisbank hafi verið komið vel nið-
ur fyrir þær 350 milljónir ísl. kr. sem
gerð er krafa um. Hlutafjáraukning
sem nam um 230 milljónum bjargaði
bankanum hins vegar fyrir horn.
Ekki þykir horfa vænlega fyrir
bankanum. Langflestir viðskiptavin-
ir hans nota hann sem viðbót við aðra
banka en bankinn hefur engu að síð-
ur ekki ráðið við fjölda viðskiptavin-
anna og neyðst til að hækka útláns-
vexti og kostnað verulega. Þá er
slæm staða tölvu- og netfyrirtækja
talin koma bankanum illa og ólíklegt
að núverandi eigendum hans takist
að selja hlut sinn.
Hlutafé Basisbank fór
niður fyrir leyfileg mörk
Kaupmannahöfn. Morgunblaðið.
LANDSVIRKJUN hefur undirritað
samning við Alstom, Frakklandi, um
kaup og uppsetningu á nýju orku-
stjórnkerfi. Samkvæmt upplýsingum
frá Landsvirkjun reyndist tilboð Al-
stom áberandi lægst og nemur samn-
ingsupphæðin um 260 milljónum
króna. Tilboð voru opnuð 20. október
síðastliðinn að undangengnu forvali,
en fjórir aðilar buðu í verkið. Það
voru ABB Automation Systems AB,
Svíþjóð, Alstom, GE-Harris, Banda-
ríkjunum, og Siemens, Þýskalandi.
Ráðgjafi Landsvirkjunar við mat á
tilboðunum var KEMA Consulting
frá Bandaríkjunum. Umboðsmaður
Alstom á Íslandi er Rafkóp-Samvirki
ehf.
Orkustjórnkerfi er fullkominn
tölvubúnaður til stýringar og gæslu á
raforkukerfum. Hið nýja kerfi kemur
til með að leysa af hólmi eldra og
ófullkomnara kerfi, sem verið hefur í
rekstri frá árinu 1989, en það kostaði
á sínum tíma um 475 milljónir króna
á núverandi verðlagi. Miðað við um-
fang fæst nýja kerfið því á um helm-
ingi hagstæðara verði en það gamla.
Raforkukerfi Landsvirkjunar er
stýrt með orkustjórnkerfinu frá
stjórnstöð Landsvirkjunar við Bú-
staðaveg í Reykjavík. Fyrirtækið
hefur tekið þátt í alþjóðlegum sam-
anburði á stjórnun raforkukerfa og
niðurstöður úr þeim samanburði hafa
sýnt að rekstur þessarar starfsemi
hjá Landsvirkjun er í fremstu röð,
bæði tæknilega og fjárhagslega.
Kaup á nýja stjórnkerfinu gerir
Landsvirkjun mögulegt að vera
áfram í fremstu röð í stjórnun raf-
orkukerfa, en jafnframt er með
kaupunum verið að mæta nýjum
kröfum um tækni og undirbúa fyr-
irtækið undir væntanlegar breyting-
ar í skipulagi orkumála á Íslandi.
Nýja orkustjórnkerfið verður tekið í
notkun haustið 2002.
Morgunblaðið/Golli
Frá undirritun samnings Landsvirkjunar við franska fyrirtækið Alstom um
kaup og uppsetningu á nýju orkustjórnkerfi.
Samið um kaup á
nýju orkustjórnkerfi
MORGUNBLAÐINU hefur bor-
ist eftirfarandi frá Samtökum
verslunarinnar:
„Að gefnu tilefni og í ljósi um-
ræðna síðustu daga vilja Samtök
verslunarinnar – FÍS taka fram að
þau fagna þeim breytingum sem
gerðar hafa verið á samkeppnislög-
um að frumkvæði ríkisstjórnarinn-
ar. Samtökin telja að þessar breyt-
ingar muni hafa mikil áhrif á
viðskiptaumhverfi fyrirtækja og
tryggja aukna samkeppni og jafn-
vægi á mörkuðum.
Nýlegar ákvarðanir Samkeppn-
isstofnunar og Samkeppnisráðs
sýna að yfirvöld samkeppnismála
taka hlutverk sitt alvarlega og hafa
nú nauðsynlegar heimildir til að
grípa inn í þegar fyrirtæki misnota
markaðsráðandi stöðu sína og
beita ólögmætum viðskiptaháttum.
Samtökin styðja ákvarðanir rík-
isstjórnarinnar í framhaldi af þess-
ari lagasetningu um að efla Sam-
keppnisstofnun og gera henni
kleift að sinna skyldum sínum með
öflugum hætti líkt og þekkist hjá
samkeppnisyfirvöldum nágranna-
landanna.“
Fagna breytingum
á samkeppnislögumFYRIRTÆKIÐ Cisco Systems, sem
starfar á sviði netþjónustu, sendi eft-
ir lokun markaða í Bandaríkjunum á
þriðjudag frá sér tölur um niðurstöðu
síðasta ársfjórðungs. John Cham-
bers, framkvæmdastjóri fyrirtækis-
ins, hefur varað við því undanfarnar
vikur að hægari vöxtur í Bandaríkj-
unum væri farinn að hafa áhrif á
reksturinn og staðfestu tölurnar það.
Síðustu 13 fjórðunga á undan hafði
hagnaður fyrirtækisins verið 0,01
bandaríkjadal á hlut yfir spám, en nú
snerist dæmið við og Cisco endaði
0,01 dal á hlut undir væntingum.
Chambers segist gera ráð fyrir að
rekstur fyrirtækisins verði erfiður í
að minnsta kosti tvo fjórðunga.
Rekstur
Cisco erfiður